بسم الله نفتتح الجلسة س1/هل سبق ان سويت عمليه؟ اذكرها ؟ بسم الله ما شاء الله ولاحول ولا قوه الا بالله والله اكبر ولله الحمد وخمسة وخميسة فى عيونكوا عمرى ما عملت عملية ولا حتى اللوز ههههه يعنى انا لسة عندى اللوزتين ههههههههه س2 /تحب تروح للمستشفى أول مآتتعب أو تجلس تتحمل . .؟! لا انا بكرهة المستشفيات والعيادات اتحمل واتحمل واتحمل لحد ما التحمل يهرب اضر اسفة للذهاب الى الطبيب س3/ متى آخر مره زكمت.؟؟!! يعنى من كام اسبوع كدة الحمد لله مناعتى قوية هههههههه بس لما بتعب بتعب يعنى س4 / متى آخر مره رحت للمستشفى ؟ كنت مريض او مرافق ؟ ولا مريض ولا مرافق كنت بضرب فيها على التحاليل الطبية حاجة تقرف بس حكم القوى س5/ انت من النوع اللي يحب يسكر المكيف ومايآكل اسكريم ومايخاطر ويلبس نص دولابهم بالشتاء ولا عادي يعني/ حريص على صحتكـ أو لا ؟! لا خالص انا لو نفسى فى الايس كريم والدنيا تلج ممكن اجيبة وماما تقعد تخناقى بس باكلة من وراها هههههههه وعمرى ما اخدت احتياطات يعنى لما احس انى سقعانة بلبس هدوم لحد ما ادفى على حسب احتياجى يعنى وماشية الحمد لله ببركة دعى الوالدين س 6 / شي تكرهه في المستشفى ., ؟ وهل تحب الابرهـ ؟ بكرهة ريحة البنج انا لحد قريب كنت بدوخ لوشوفت حد بياخد ابرة ولو حد بيدينى ابرة وبصيت وشوفت الابرة بس بعد ما روحت تدريبى فى المستشفى وطبعا اتفرض عليا سحب عينات من الدم عشان احللها قلبى قوى شوية بس اول مرة اغمن عليا بقى وكانت حوسة ولسة بردة حوسة ودوسة س7/ علاقتكـ مع دكتور الاسنآن ؟ اخر مرة كنت مع ماما عندة لانها كانت تعبانة وخلع ليها ضرس غلط من ساعتها وانا بكرهة س8/ هل تمنيت يوم أن تصبح دكتور ..؟! لا خالص بس اهلى كانوا عاوزين فماردش احرجهم بقى ودخلت علمى علوم وجالى علوم وعملت دبلومة تحاليل ودخلت بردة مجال الطب مع انى بكرهة حتى الان بس كلة نصيب الحمد لله على راى ريا وسكينة مقدر ومكتوب هههههههه س9/ كلمه لكل مريض .! ربنا يشفى كل مريض يارب واقول ليهم تمتعوا بالصبر فمهما كان الابتلاء فهو خير من الله واقول ليكى يا امورتى ربنا يشفيكى يا حبى انتى صغننة على العبط ههههههه ولا العبط مالة سن معين هههههههه