[ندى الورد]

السلام عليكم ورحمة الله وبركاتة


ليه الاخلاق اختفت من حياتنا

سؤال بساله لنفسى كل يوم احنا ليه اتغيرنا

مفيش اخلاق مفيش قيم حتى المبادئ اختلفت

حسب الهوى يعنى مثلا تقابل طفل المفروض انه برئ

تكلمه عن سلوك خطأ بيعمله تلاقى يبجح فيك

وكأنك من سنه مفيش احترام للكبير انا حصل معايا موقف

مع بنت مكملتش 6 سنين جت تقول لاختها عارفة فلانة بتكلم

خطيبها بتقوله ايه ؟ الملاحظة ان اختها الكبيرة بتسمع لها

فى اهتمام يعنى بتشجع السلوك الخاطئ وهو نقل الكلام

غير ان الموضوع عيب ان بنت فى سنها تتكلم فيه

انا حسيت انها شابة المهم قالت لاختها بتقول لخطيبها بحبك

ادينى ...... انا استفزنى الكلام قولتها بنت ازاى تكلمى الكلام ده

عيب تنقلى الكلام ردت على ببجاحة انت مالك لم اتمالك

اعصابى جذبت ذراعها ونظرت بعينيها وهددتها بالضرب

راحت البيت وشوية وجدتها جت وابوها وكل العائلة

واتجمعوا امام مكان عملى وخد عندك شتيمة من اقذر ما يكون

وتهديد بالضرب والدعاء على بان اصبح جليسة على كرسى بعجل

كل هذا لانى تجرات وعاتبت البنت على قلة حياءها بدلا من ان

يقوموها ويعيدوا تربيتها اصبحت انا قليلة الادب والتربية

تخيلوا فماذا عن المدرس وتخيل انه حاول ان يهذب سلوك

طالب من هذه العينة اقسم انه سيترك هذه المهنة على الفور

فقديما كان ابى وامى يقولوا للمدرس اكسر واحنا نصلح

لهذا نشانا على احترام الكبير فلم اجرؤ على مخاطبة من اكبر منى

الا باحترام وبعد الالقاب اما الان اذا تحدثت مع شخص وقلت له

من فضلك اريد كذا ينظر لى وكانى من كوكب اخر وربما تطاول

على ظنا منه اننى ضعيفة فيتمادى فى قلة الذوق فاين مبادئنا

القديمة اين احترامنا لكبيرنا وتوقيره بدلا من ايذائه لاجل طفل

لم يتم تقويمه ليصبح فيما بعد مشروع للبلطجى الصغير فلا

يهاب عقاب ولا يحترم كلمة كبير