السلام عليكم ورحمة الله وبركاته
الصاحب اللي مخـتـفي من سـنة وشهور
لا شـرف الـغـالــي ولا جــت رســـالاته
قـلـبـي عـلـى بـعـدك مـتـألم ومـفـطـور
لـيـتـك تـجـي يـازيـن و تـشـوف عـلاته
الى مـتي وانـا انـتـظر ما وصلـني الـدور
الـى مــتـى و انــا اتــحـــرى اشــاراته
ودي انـا اعـرف سـبـب غـيبتة المشهور
لـيـتـه يـجــي ويـبـيـن لــي ســر صــداته
الـطـابـق الاول مـن عـقـبـك غـدا مهجور
والـطـابـق الـثـانـي تـبـكـي كــل خــانـاته
والله لـو اعـيـش بـاقـي الـعـمـر مـقـهـور
يـحــرم عـلـي اعــشــق انـا مـن وصـيـفاته
هـو يحسب اني عايـش في رغد وسرور
ما يـدري انـي احــســب الـيـوم وسـاعـاته
عـلـيـه دمـعـي يـا فـهــد دايــم مـنـثـور
غــصــب عـلي اهـلـه مـن طـول غـيـبـاته
من اول يشـاركني حبـيـبي على الميسور
والـيـوم لا شـفـتـه وانــعــدمــت زيـاراته
لا فــادنــي كـيٍ ولا فــادنــي دكــتـور
عــيـنٍ وصـابـتـنـي مـن حـاسـد وشـمـاته
اقـاوم انـا الـضـيـقـة وخاطـري مـكـسـور
اشــوف الخـطـر قــدامـي بـانـت عــلامـاته
يـا الـلـه يـا عــالـم بـحـالـة الـمـذكـور
يـا مـفــرج الـضـيـقـة فــرج كـل ضــيـقـاتة