اتحملّك!
مَهمَنْ بدا
مِن جَسْوتك
مهما النوى
علِّم لهيبه بمهجتي
والبـِين مبينْ
اتحملّك!
لو تنسى عيني
بنظرتك
جلبى احتوى
هجرك ومُرَّك
والبعاد مفروش حنينْ
اتحملّك!
ولِّيشْ يكون معنى الغرام
اللى ساكنِّي
وفيك سابيني
أتحملّك!
حتى لو عينك
فى يوم
عني تغيب
ماتشوفها عيني
جلبي حمال للأسى
مهما جيتني بطيبِ خاطرك
أم نسيتني ولم تجيني
اتحملّك!
لو همس بوحي..
يجرحك
وان رَجْع نوحي..
يجدحك
أكتم فى صدري
نار جوايا
استسمحك
لو بس
كنت ف حتى حلمى
أمنحك
بعض حنيني ..!!
اتحملّك!
يا نور عيوني
يا كل حرف بينسِطِر
لجْلُه الجصيد
يا شوج سنيني
اللي ما يهدا
ويشتعل..
وان زاد غيابك
يوم جديد
أنا بنتظِر
وطرف توبي منتظِر
ورمش عيني يعتذِر
وان ما شجّ البدر غِيمي
كيف احس مرة حَجّ
بطعم عيد!
واتحملّك....!
راقنى
07-08-2010, 07:47 PM
واتحملّك....!
