أسرار المقابلات الشخصية

[marmer]

One on one interview
المقابلة الشخصية واحد ـ أمام ـ واحد


••••




لن نتطرق في الحديث هنا عن أنواع المقابلات الأخرى كأمثال
sequential المتتابعة - لقاء تلو الأخر
mass الجماعي - مقابلة لأكثر من اثنين
Computerized المقابلات المحوسبة - تتم من خلال الكمبيوتر وليس وجها لوجه





التحدث باللغة العلمية في الادارة ، ممل وكما نقول -هتقعوا مني وسط الكلام-
أكيد شئ مش احترافي اني أتكلم بطريقة مفهومة لبعض وغير مفهومة للبعض الأخر jargon
كأن أتكلم بطريقة طبية بحتة وسط جمع من الأطباء وفي نفس الوقت مع وجود مهندس ، بعتبره قلة احترام مني شخصيا
هنتكلم هنا بلغة سهلة وبسيطة ، تجمع بين العامية والفصحى ، مع وضع بعض المترادفات الانجليزية بهدف توصيل المعنى أكتر

اول شي يحضر ببالنا
لماذا يتم عمل المقابلات الخاصة بالعمل
اجابة السؤال ببساطة لكي يتم وضع كل واحد في مكانه المناسب ، المفروض طبعا دون وسطات والكلام ده





الشخص اللي هيعمل معاك/ـي المقابلة ، قد يكون واحد من تلاتة :
- متعجرف أو متكبر Arrogant
تقدر تقول كده انت مش هامه ، وبيحسب نفسه مالك الدنيا ومافيها
- شخصية ادارية ممتازة وقد تعجب بيه Boss
وفي نفس الوقت ممكن يظهرلك انه يقدر يقطم رقبتك
- أو قد يكون ولا ليه فيها خالص Not prepared
مش جاهز ولا محضر أسئلة وتقول في نفسك انا جيت المكان ده غلط





مراحل عمل المقابلة:
هعرفك هنا من وقت دخولك للمكان المخصص للمقابلة ، لغاية ماتنتهي ، ايه اللي بيدور في عقل مقدمك للوظيفة
هنفترض مجازا انا هستقبلك بالمكتب وأعمل النقاش..
1- Warm-up
نشيل الضغط العصبي عن المتقدم للوظيفة ، ونحط في بالنا انو بالغالب مش نام بقاله يومين ومتوتر جدا
نوصله ان الموضوع سهل وبسيط ، نسأله عن اي شي عشان يهدى ، زي اخبار الطريق وانت جاي ؟ الجو ؟

2- Talking
هنبدأ ندخل في الحوار شوية
نختبر مدى كفاءة الاستماع عنده ، هل هو مستمع جيد؟ هل بيميل للتسرع في الردود على الاسئلة البسيطة؟
هنا هنبدأ نكتب ملاحظات سريعة عن المتقدم للوظيفة أثناء كلامه

3- Questioning
هيتم طرح الأسئلة -ياللي المفروض تم تحضيرها مسبقا- أسئلة مقالية
الاسئلة تختلف باختلاف الوضع الوظيفي ، بالغالب هنا تكون الأسئلة بنهايات مفتوحة ، وبنأجل شوية الاسئلة القصيرة اللي اجابتها بنعم أو لا ، أو نحاول نقلل منها قدر المستطاع
من أشهر الأسئلة اللي بيتم طرحها هنا :
-تقدر تكلمنا عن نفسك شوية ؟
- محتاج الوظيفة ليه ؟ راتب أكبر ؟ خبرة ؟
- لو بصيت لقدام 5 أو 6 أو 7 سنين ، شايف نفسك ايه ؟
- في رأيك ايه نقاط ضعفك ؟ نقاط قوتك ؟
- في رأيك ايه الاسباب اللي هتجعلنا نعينك عندنا في الشركة ؟
طبعا الأسئلة هتختلف حسب طبيعة كل وظيفة ، ولكن بالعموم كلها بتكون بنفس المعنى السابق
في كل الأحوال ، الابقاء بتركيز او الاتصال بالعين بيني وبين المتقدم للوظيفة مهم جدا ، على الأقل يحس باهتمام
تذكر ، من حقك كمتقدم للوظيفة ، اذا حسيت ان السؤال شخصي ، وبيتعارض مع خصوصيتك ، قول فورا اني بتدخل في أمور شخصية بدون تردد

4- Information
هنختبر معلوماتك بخصوص الوظيفة ، طبيعة العمل ؟ الشركة او المؤسسة بتاعتنا تعرف عنها ايه ؟ وليه احنا بالذات جاي لنا دون الشركات التانية؟ ..وهكذا

5- Wind-up
غالبا بعد سؤال المتقدم أسئلة اجابتها بنعم أو لا ، يتم انهاء المقابلة ، بمعاد محدد
من حقك كمتقدم للعمل تعرف قبل ماتنصرف لو انت اتقبلت بالوظيفة أو لا
من حقك تعطي لي مهلة زمنية -أيام أو اسابيع- يتم الاتصال بيك بأي طريقة متعارف بيها -تليفون أو ايميل- عشان تعرف قبلت أو لا ، وأيضا في حالة عدم وصول اتصال بيك خلال المدة ديه ، تعتبر نفسك غير مقبول بالوظيفة





محتوى المقابلة :
النقاش هيتم في أي صورة
- Stiuational أو موقفي
بأن نحكي للمتقدم للعمل موقف ، ونقول له هتعمل ايه لو انت موجود بالموقف ده
- Behavioral أو سلوكي
بأن نطلب منه هوا يحكي أي موقف مشابه حصل معاه ، وعمل ايه وقتها واتصرف ازاي
-Job related أو بعض تفاصيل للشغل
هوا عارف الوظيفة ديه لأي مدى ، وهنتطرق للاسئلة بخصوص العمل في الفقرة التالية
- Stress أوضفط نفسي
لو الوظيفة المتقدم ليها محتاجة شد عصبي ، احنا نحاول ننرفزه بأي طريقة ، طبعا في حدود الأدب
- Puzzle أو لغزي
ممكن أعطيله عمليه حسابية ، وأشوف هيحلها ازاي وفي وقت قد ايه





أشكال المقابلات:
يعني هتتم المقابلة في أي شكل ،مباشرة ممكن أو غير مباشرة ، كالتالي
- بطريقة مباشرة:
عبارة عن أسئلة محددة وواضحة ، بالغالب يكون ليها أجوبة محددة وبسيطة
تكون الأسئلة هنا تتعلق بالعمل فقط ، ولا يتم التطرق ابدا هنا لخارج مواضيع العمل
كل الناس المتقدمة للوظيفة تتسأل نفس الأسئلة

- بطريقة غير مباشرة:
هيتم هنا تقديم أسئلة غير محددة وبالطبع غالبا خارج موضوع العمل
الاسئلة تكون نقاشية وغالبا باجابات مفتوحة ، لدراسة الحالة النفسية للمتقدم الى الوظيفة
نفس الاسئلة هنا مش شرط يتم طرحها لكل المتقدمين





الأخطاء الشائعة التي تحدث في المقابلات:
معظم الأخطاء لاتحدث نتيجة قلة الخبرات أو عدم القدرة على التعامل مع أي سؤال تم طرحه خلال المقابلة
للاسف معظم الأخطاء تحدث نتيجة التوتر والشد العصبي وقلة التركيز ، إليكم معظم الأخطاء الشائعة:

1- الملابس
إذا انطلقنا في الحديث عن كيفية اختيار الملابس المناسبة لذلك ، فلن يسعنا هذا الموضوع
محتاجين نعرف ببساطة ، نلبس ايه ؟ هل هتحتاج تشتري بدلة مخصوص للمقابلة ؟ هل هتحتاجي تشتري فستان للمقابلة ؟
الموضوع أسهل من كده بكتير
الأصل في اختيار الملابس هنا ، البساطة ، تناسق الألوان ، الراحة
أن تكون الملابس بسيطة جدا ، نظيفة تماما -مهم جدا- ، متناسقة الألوان ، ومريحة بحيث لاتكون ضيقة جدا أو فضفاضة جدا
يعتمد أحيانا اختيار الملبس على طبيعة العمل ، قد يكون المتقدم للوظيفة لاعب كرة أو عامل بمصنع ،، إلخ
عموما بالنسبة للرجال ، بنطلون كلاسيك -يفضل بلون غامق- مع قميص -يفضل بلون فاتح- وكرافات متناسقة اللون مع القميص اذا أمكن ، مع أو من غير جاكت .. كما بالصورة التالية




أما بالنسبة للنساء، هنا كل المشكلة الصراحة ، هاختصر قدر المستطاع باذن الله
الرداء الرسمي للمرأة جيب واسعة طويلة -لايتم إظهار الركبة في أي حال من الاحوال- بلوز متناسقة مع الجيب ، مع أو من غير سويتر/جاكت .. كما بالصورة



تناسق الالوان واختيارها بالغالب يكون متروك للمرأة ، مع الوضع في الاعتبار بعض النقاط الهامة
الميك أب ، والملحقات الذهبية أو الغير ذهبية ، تكون لأدني حد
لايفضل عموما استخدام البرفيوم ، لامانع من استخدام معطر الجسم أو مزيل للعرق

2- الحديث عن الراتب
من الأخطاء الشائعة جدا أن تتناول الحديث عن الراتب ، الأسوء أن تتحدث فيه دون سؤالك عن ذلك
تذكر ، مقابلة اليوم هي لأخذ موعد لبداية العمل إذا تم قبولك ، انسى مؤقتا الراتب

3- سلوكات خاطئة
الوصول متأخر عن الموعد المتفق عليه للمقابلة ، أو حتى الوصول باكرا
اصطحاب مشروب أو أي نوع من الطعام أثناء المقابلة
مضغ اللبان حتى ولو لأسباب صحية ، سلوك غير لائق
التحدث بتعالي أو بأسلوب غير مهذب -اعتقادا منك بانك أعلى خبرة أو كفاءة- وخصوصا اذا كان مقدم المقابلة أصغر منك سنا
تذكر بجعل الهاتف صامت ، أو حتى أغلقه قبل دخولك وضعه بجيبك ، أو ضعيه بحقيبتك الخاصة
تذكر ، بأن تسعى إلى مصافحة مقدمك للوظيفة فور دخولك ، ولا تنسى أن تشكره في نهاية المقابلة






بعض الأسئلة الهامة التي يجب طرحها قبل الوصول لمكان المقابلة:
عبارة عن استفسارات سريعة حاول تعرفها هتفرق معاك كتير أثناء المقابلة
- مين اللي هيقوم بالمقابلة ؟ اسمه ومكانته الادارية في الشركة
- هل ستتم المقابلة بشكل منفرد ؟ أم هيكون فيه أكتر من متقدم للوظيفة معا ؟
- ايه الأوراق اللازمة المطلوبة مني ؟ سواء أوراق رسمية أو شهادات وغيرها
- هل سيتم عمل اختبارات للقبول ؟

[نور]

اعتقد كثيرا انها مبالغ فيها
وان الوساطة تلعب دور اساسيا
هى مقابلات كصورة فقط
سلمت مرمر
طرح اكثر من رائع
ومفيد لكل من لديه مقابلة حقيقية
كل الشكر لك

[marmer]

نورتنى نور

[طارق سرور]

طرح رائع وقيم جدااااااااااا

شكرى وتقديرى اختى مرمر

[marmer]

نورتونى

[ملكة بإحساسي]

يســــــــلموو الايادي ياقمر
الله يعطيكـ العافية
مشــــــــاركة طيبة ومفيدة
لاتحرمينا جديـدكـ المميز
لكـ ودي وشـــكري

[marmer]

نورتونى