[YOUTUBE]0Ygfi71SoKM[/YOUTUBE]
كلمات سيد حجاب
هنا القاهرة الزاهرة العاطرة الشاعرة النيّرة الخيّرة الطاهرة
هنا القاهرة الساخرة القادرة الصابرة المنذرة الثائرة الظافرة
صدى الهمس في الزحمة و الشوشرة
أسى الوحدة في اللمة و النتورة
هنا الحب و الكدب و المنظرة
نشا الغش في الوش و الإفترا
هنا القرش و الرش و القش و السمسرة
هنا الحب و الحق و الرحمة و المغفرة
و انا ف قلب دوامتك الدايرة بينا
بصرّخ بحبّك يا أجمل مدينة
يا ضحكة حزينة .. يا طايشة و رزينة
بحبّك و اعفّر جبيني في ترابك
و اعيش في رحابِك و أقف جنب بابك
جنايني أروي بالدم وردة شبابك
يا زينة جنينة حياتنا اللعينة
بحبــــــــــك ... يابنــــت اللذينــــــــــــه
هنا القاهرة
النيل يســـــيل وبحنانه النبيل
يروى جيل بعد جيل نقهر المستحيل
هنـــــا
الاهرمات واقفة تحكى بثبات
ذكريات اللى فات أبن مصر الاصيل
هنــــا مارى جرجس بسيفه يبرحس ويهرس ابليس ويشفى العليل
هنا القاهــــرة .. القاهرة ... القاهرة ...
تدور طواحين السنين قلابات ...
نعيش دوارين من الميلاد للممات ...
نقيم سقلات .. انشاءات .. معجزات ...
وندّى الوجود انبياه ورسالات ...
ومن عشقنا للحياة .. والمنى .. والنماه...
واجهنا الرياح الفنا بنبضت الاغنيات ...
هنا القاهرة .. القاهرة .. القاهرة .