مين يقدر ع الشباب

ساجده · 02-06-2011, 09:39 PM

مين يقدر ع الشباب

على سلامة
جربوا الكلاب..
والخوف..
والخراب..
سرقوا الرغيف
وقفلوا ألف باب وباب
وانتى رزقك شوية ضى
ف قلوب الشباب..
غيروا المناهج
خطفوا المدارس والبيوت..
جربوا الجوع
عشان نموت..
جربوا القسوة
والبلطجة
والبرد..
والمجرمين..
وكل ما يحرقوا الأرض
بيطلع الياسمين
جربوا البطالة
والخيانة
والسياسة
والنجاسة
والتزوير..
استعانتى بالصبر والصلاة
وعشق الحياة
واستعانوا بالحمير..
جربوا الخيول والجمال
والمال..
والطوارئ
وحظر التجوال..
جربوا النار والدمار
والسيف والطبنجة..
ولسه فى الناى نفس..

أحمد اسماعيل · 02-06-2011, 10:05 PM

الله ييسر الامور

والشباب يرتاح

مع ان كتير من بلاد العالم شبابها فى حالات اسوء

طارق سرور · 02-07-2011, 03:02 AM

هو ده عظمة الشعب المصرى

شكرى وتقديرى اختى ساجده

marmer · 02-07-2011, 03:22 AM

شباب مصر اثبت

انة قوى

واكيد هياخدوا بالهم قريب

من امور كتير

ساجده · 02-07-2011, 11:24 PM

يارب

مشكورين على المرور