دردشه صدفه

[قناص القلوب]

صرت كهوه لحبيبي بوسط فنجان
فن انس الي يوصله فن جان
اذا العاقل نضرلك نضره فنجن
وانه المجنون وتكلي انظر اليه

[قناص القلوب]

انة الحزت الصبر والصبر حزني
والف وسفة اعلة سيف الظلم حزني
البحر البيض لون يلفيه حزني
يصير اسود بلون اليل مية

[قناص القلوب]

أزعل يا وطن وارجع اراضيك
وحن بغربتي لناسك واراضيك
بغير الفرح صدك ما ارى ضيك
واذا ًَمََرك حزن احسه بيه

[قناص القلوب]

سماك
حلو إسمك وأبوك شلون سماك
حبيبيك لو زعل وياك سماك
صرت سمچه وانت الصرت سماك
لو طحت بحنانك إعطف عليه

[قناص القلوب]

احبك من جنت جاهل واناحباي
مابطل وني عليك ونحباي
لون ينكضي نحبك ونحباي

يتلاكه هوانا جوه الوطيه

[قناص القلوب]

جنت انت المرض وانت دوالي
وصارت بالجدم منك دوالي
اهديتك گلبي وتگلي دولي
وصرت دم ودمع تذرف عليه

[قناص القلوب]

جمر دمعي عله خدودي ترى سال
كطعََّتّّّّ اخبارك حبيب تراسل
انه انسليت من هجرك ترى سل
وتون الروح وتريد المنيه

[قناص القلوب]

يمرمرني ويصيحن بيه همال
وترك دمعي عله الوجنات همال
تعدل حالي وبفركاه هم مال
تركني وراح ريته يعود اليه

[قناص القلوب]

زماني شما لعب بيه...ولهتم
والراده علي يسري...ولهتم
بروحي شماتغيرتوا...ولهتم
لان حبكم دوه لكل مرض بيه

[قناص القلوب]

كلبي من الحزن ورث...وعطاب
وعيني اعله الطالع...وعطاب
حنيت لزادك وملحك...وعطاب
لان بس ملحك الغزر بيه