كلام في الجون

[طارق سرور]

السلام عليكم ورحمة الله وبركاته







خفة دم مصرية
كلام في الجون

حوار بين سائق تاكسي و زبونة :

الست ما كانش عاجبها ان السواق بيلعن و يشتم في كل حاجة في البلد، و بمجرد ما جاب سيرة مرسي.....قالتله بمنتهى القرف
" الراجل حيعمل ايه؟ كان الله في عونه مع كل الفساد و السرقة و الخراب، و المشاكل اللي لقاها في البلد، و الابقاق المفتوحة ليل نهار بتقول هات..." بس يا سيدي و دي كانت بداية انفجار السواق اللي لف و كان حيعمل حادثة و وقف العربية و قال لها:
" لا مؤاخذة يا مدام، لما الأستاذ مرسي جه مع أهله و عشيرته علشان يتقدم للحاجة مصر، محدش ضحك عليه، و كان عارف كل ظروفها و عارف انها متجوزة قبله 3 رؤساء، و خلفوا منها عيال اد كده....رامية نصهم على القهاوي و الباقي بيشموا كله في الخرابات و قالوا له ان عندها أمراض متلتلة و بتشخر و هي نايمة. رايد يابن الحلال؟ الراجل كان رايدها و حارب علشان ياخدها...ييجي بقى بعد ما يكتب الكتاب.. و يمضي على عقد معاينه نافي للجهالة..يقول دي طلع فيها و عليها؟ يا أستاذة محدش ضحك عليه...محدش قال له حنجوزك نانسي عجرم و يوم الدخلة صحى لقاها سيدة العمشة....و بعدين مع احترامي لسيادتك لو حضرتك حسبتيها صح...مرسي اللي ضحك على مصر...لما اتقدملها قال انه دكتور و مهندس و بتاع فضاء و حيهنيها و يشبعها...و هما شهرين لقيناه بيقول...لما القرد يموت، القرداتي حيعمل ايه؟؟؟ و ماشي يقول انه انضحك عليه...طيب ما بتوع المعارضة بيقولوا له طلقها....مش عايز ليه؟...اهم حيرفعوا عليه قضية خلع علشان ما بيقيمش حدود الله معاها، و هاجر المعارضة في الفراش...
هو حضرتك نازلة هنا و لا مستنية النهضة زينا

[الحب الصامت]

الله عليك يا حبيب وآلديك يا طارق سرور

ربنا يآبني يحميك إيه الروعه دي بس إيه

بص يا معلم ولا مؤآخذه العريس مش ضحك على العروسه وبس؟

العروسه اللى كآنت بدر منور واللى الكل كآن بيحسدهآ على

جمآلها وحلآوتها وكآنت تنتظر فآرس يطير بيهآ على الخير

والسعآدة ويفرح قلبهآ ويسعدهآ لالالالا سؤ سؤ سؤ دا كمآن

ضحك على المعآزيم ( الشعب ) اللى كآنوا في الفرح

أيون إمآل ما هو حضرتك مش عآرف لا مؤآخذه أن الكل كآن

رآيح الفرح وعشمآن يتعشي وينقط كمآن أيوون إمآل بس للأسف

العشآ طلع على قد الفرقه الإخوآنيه أسف مش قصدي أنا أقصد

الفرقه الموسقية بس صاحب الفرح كآن رآجل ( بديع ) وصدقني

( الشاطر) هو اللى عرف يظبط نفسه هههههه ويخسارة عليكم يا

معآزيم ومعليش متزعلوش أكيد في فرح قريب جآي أكيد أكيد

بس الصبر .. آآه سوي أستاذ طارق أنا وصلت آها نازل معاي

ولا حضترك متجه لمحطة النهضة .. ويجعله عآمر

[طارق سرور]

ههههههههههههه

محطة النهضة فى اثيوبيا اخى

لا انا رايح اقلب عيشى

اصل الجو النهاردة بديع

شكرااااااااا لمرورك الرائع اخى الحب الصامت