السلام عليكم
أنا جييت وأسفة على التأخير
تدبيسة منك دى يااحمد
شوف ياسيدى
احنا خمس اخوات وانا الوسطانية قبلى بنتين وبعدى ولدين
طفولة عادية وسعيدة لانه بيتنا دايما زحمة احنا وولاد عمى وولاد خالتى وكنا تقريبا كلنا نفس العمر
لعب لحد مانتعب وننام
والدى منتهى الطيبة مكنتش اشوفه كتير لظروف شغله
والدتى اشوفها شخصية غير عادية اخلاق فوق الوصف وتدين وعقل وكل شئ جميل
دايما تقول عيب وحرام وكلامها حتى الان اعمل بيه
دايما تقول الكلام الكتير يجيب غلط كبير
اللى بيتكلم فى مايخصه بيسمع اللى مايحبه
اللى بيحترم مش بيحترم اللى قدامه بيحترم نفسه
اذا احترمت نفسك وصونتها تجبر الاخرين انه يحترموك
وهكذا..... حياة عادية حلوة حتى وقت الجامعة
تغيرت قليلا وعملت وانا بالجامعة من باب انه اوفر مصاريفى وطبعا كان همى الاول والاخير انه اشتغل ومكنتش مركزة بالجامعة نهائى
رغم انه انا كنت متفوقة طبعا قبل الجامعة
لحد اخر سنتين بالجامعة اكتشفنا مرض والدى واتقلبت الحياة تماما
اغلب الوقت مابين المستشفيات وبنوك الدم
وكانت اوقات صعبة كنت هاترك الدراسة لولا انه والدى رفض بشدة
وبعدها قررت انه لازم شغل خاص بيا وقد كان
طبعا خلصت الدراسة بالعافية لانه كان صعب اوفق بين الحاجات دى
بس بالنهاية خلصت ولله الحمد والمنة
كمان بفضل الله قدرت انى اتوفق بشغلى واخواتى البنات اتجوزوا
وعندنا اربع قرود مجننى
والشباب خلصوا دراسة وطبعا كانوا احيانا يساعدونى
بس بوقت الاجازة لانه انا كنت ارفض شغلهم بالدراسة
وحاليا اترك ليهم العمل على قدر الامكان علشان يتحملوا المسئولية
وبس
جزاك الله خيرا احمد على التدبيسة
أسعدك ربى