نورتينا يا مرمر المسطبه حلوة جوووى جوووى بالامه
مامير يا حبى ماتحرمش منك ولا من سؤالك ابدا النت فعلا جننى
بس هانشترك فى النت الهوائى بأذن الله يمكن اخر الشهر دا قولى يارب
اكمل حكايتى مع الحوادث والكوارث
انا كا عندى صديقه فى البلد بنت زى العسل كان بيتها بعد بيت جدو بشارع
وكنا دايم نروح عندها وهى تيجى عندناوفى مرة من الايام غابت عننا شويه
فقلت لبنت خالو تعالى نروح نسأل على صفااصلها وحشتنا جووووووى
ولانها كان باباها متوفى فكانت جاعده هى ومامتها عند خالها بنت خالو مش كدبت خبر
جالتلى يلا بينا نروح جولتها تعالى نلبس من هدوم اخويا انتى تلبسى بنطلون وجميص وانا البس جلابيه
وفعلا لبست هى البنطلون وقميص ولبست ايس كاب على شعرها وانا لبست جلباب وحطيت تلفيعه على رأسى
ودخلنا اوضه الفرن وجبنا شويه هباب صغنانين وعملنا شنب خفيف
وروحنا رايحين وعملنا صوت تخين شويه وفضلنا ننادى عليها
طلع علينا خالها وجال لها مين دول يا مكسورة الرجبه جالتله والله ماعرفهم يا خالى
وراح جاى ماسكنا من جافانا ولسه هايدش دماغنا فى بعض روحت معيطه وجولت له انا
رضوى يا عمى ودى حنين بنت خالوا جالى لا روحت شايله الكوفيه من على شعرى
وجولت له سماح النوبه جالى ابدا ابدا وراح اخدنى لجدى واخدت الم على وشى
انا وبنت خالو مع حبس يومين فى الاوضه ومانخرجش الا ساعه الا كل بس
وكان يومين عجب وبعدها توبت وندمت على ما فعلت هههههههههههههه
الى اللقاء فى حادثه اخرى