العودة   شبكة صدفة > المنتديات العامة > منتدى صدفة العام

منتدى صدفة العام مواضيع عامة, مقتطفات, مواضيع جديدة، معلومات عامه.

إضافة رد
 
أدوات الموضوع
قديم 12-29-2010, 11:04 AM رقم المشاركة : 1
معلومات العضو
أحمد اسماعيل

الصورة الرمزية أحمد اسماعيل

إحصائية العضو







أحمد اسماعيل غير متواجد حالياً

 

New1 لقاء مع خُط الصعيد شعيب


لقاء مع خُط الصعيد شعيب

قرر التوبة وتزوج وأنجب طفلا - هو كل آماله فى الحياة - وعاش بين أهل قريته واختفت أخباره، حتى أعلنت الشرطة أنها ألقت القبض عليه عشية الخميس الماضى بصحبة آخر، بتهمة حيازة بندقية آلية و٥ خزن سلاح وكمية من الطلقات، وبحوزة الآخر «فرد» صناعة محلية، بعدها عادت أخباره إلى الاهتمام من جديد، واختلق كثيرون روايات حول عودة «الخُط» من جديد.. «المصرى اليوم» انتقلت إلى سوهاج والتقته وعاشت فى بيته - شديد التواضع - بين طفله وزوجته، ونقلت تفاصيل ٣٤ عاما من حياته فى مغامرة، تحملها السطورة التالية.
لم تكن كلمة «ممنوع» هى ما قابلنا فقط لكن المؤكد أنه «مستحيل» هذا ما قابلنا من الوهلة الأولى من قرار «المغامرة»، اتفقت وزميلاى السيد أبوعلى وعبدالفتاح عباس على تحدى المستحيل وسافرت إلى سوهاج بين أروقة وطرقات مجمع محاكم سوهاج، التقينا من يحمل لقب «الخُط» الحقيقة كانت أغرب من الخيال.. الرجل لم تبق منه إلا نظراته الحادة وحزن كبير مدفون ودمعة تأبى أن تسقط وجسد نحلته السنوات القاسية وكبر - ٥٨ عاما - يخفى كل ذلك عدد من الجلاليب وملابس الصوف وعمامة صخمة، بدأ حديثه بلغه العتاب قائلاً «حرام عليكم، أنا فى سنى ده، وبعد ٦ سنوات عايش فى حالى، لم يشك منى مخلوق ولم يطلبنى ضابط ولا نيابة، بعدما أصبح عندى ولد، أعد الأيام على أمل أن أراه راجل، تكتبوا إنى خُط ورجعت تانى للإجرام.. طيب أفوت ضناعى وزوجتين لمين؟».. هل اللى يدوق مر السجن ٢٠ سنة، ممكن يقرب من طريقه تانى؟
وقال شعيب السيد علم الدين: أنا قبل أن أخرج من السجن فى ٤ مارس ٢٠٠٥ فقدت ابنى الوحيد حميد وهو راجل عمره ٢٧ سنة، قالوا إن عربية مجهولة صدمته وجريت، وزوجتى أم حميد ماتت هى الأخرى، لكن أنا كنت أعلنت توبتى عن الشر وقررت عدم التراجع عن التوبة مهما لاقيت السجن مر طلعت للدنيا والناس من تانى، فيه بعضهم كان خايف وغيرهم منتظر يشوفنى أعمل إيه - تركت البلد - قرية القرامطة - وبعيد وسط الزرع فى ربع فدان - باعه جارنا المسيحى لزوجتى وأنا فى السجن من غير ولا مليم - بنيت بيت بالطوب الأبيض، مسقوف بالجريد والبوص، وزرعت حواليه شجرة عنب وشوية شجر فاكهة تانيين.. الدكاترة قالوا إن زوجتى الثانية لا تنجب ومحتاجة عملية.. بعت الجاموسة «التعبانة» اللى أخدتها من الشؤون الاجتماعية وعملت العملية وصرفنا باقى الفلوس، لكن ما فيش جديد.
وقال «كان لازم يكون لىَّ ولد يسندنى ويحمل اسمى ويربطنى بالأمل، تزوجت واحدة بنت حلال وعشنا كلنا فى البيت، الرزق على الله مضمون، أصلى وأصوم وأحضر أفراح جيرانى ومعارفى وكل البلد، وأشاركهم فى أحزانهم - واحد عادى - زوجتى حملت وربنا رزقنى بـ«محمد» هوَّ الشىء اللى بيربطنى بالحياة وحمدت الله نزرع فى باقى الأرض جنب البيت ونبيع من خيرها واشتريت جاموسة، الدولة والمسؤولين لا أنا ولا غيرى يهموهم، وأنا راجل استحمل الجوع ولا يمكن أشحت من حد، والمحافظ شغلنى خفير فى «الشادر» بعقد مؤقت بمرتب ٢٠٧ جنيه، ورئيس المدينة صمم إنى أروح ٤ مرات كل أسبوع (الشادر) فى بلد اسمها (الدير) جنب الجبل، أركب ٣ مواصلات رايح جاى وغير كده أنا فيه ناس عاوزه تاخد منى التار، بطلت أروح الشغل لأنه لا يكفى المواصلات وفصلونى وبعدين شغلونى فى مزرعة جزيرة شندويل ومستمر فى الشغل».
وقال «أنا كنت بروح مركز الشرطة لزوم المتابعة وكان الضباط يعرفونى ومتأكدين إنى فى حالى، ويوم الخميس كنت رايح مركز الشرطة، بسبب المتابعة وقبضوا علىَّ وقالوا فى المحضر إنى شايل سلاح آلى و٥ خزن وطلقات.. رحت النيابة وقدام المستشار محمد محروس، مدير النيابة، قلت فى التحقيق إن السلاح مش بتاعى وحبسونى على ذمة القضية، بعدها الجرايد والتليفزيون شنعوا بىَّ وقالوا إنى رجعت للإجرام تانى، أنا لا سنى ولا صحتى ولا المر اللى شوفته يخلونى أفكر فى الشر طول عمرى.. وإبنى «محمد» اسيبه لمين أنا مش قادر أكلمه أحسن أضعف ودمعتى تغلبنى أنا بعد السنين باليوم، منتظره يكبر ويصبح حاجة كبيرة.. أملى يكون وكيل نيابة يجيب حقوق الناس.. لكن ضابط شرطة لأ، أو أشوفه دكتور أو مهندس».
عن حكايته من أول السطر قبل ٣٤ سنة مضت قال: «كانت أيام وراحت لحالها كنت عايش فى بلدنا القرامطة مع أهلى كأى عائلة فى البلد.. الأيام كانت قاسية، والطبيعة فى الصعيد شديدة والخلافات واردة بين الناس، واختلفنا مع ناس من البلد لأنهم عاوزين يأخدوا أرضنا بالقوة والدراع، وسنة ٧٧ ضربونا بالنار أنا وأعمامى الاتنين، أعمامى اتقتلوا وأنا نجيت من الموت بأعجوبة بعد إصابتى بعدة طلقات - وأشار إلى علامات إصابة قديمة أسفل الفك وفى جانب الرقبة - الدم عار والنار لازم، والناس فى البلد بدأت تبص لى بشكل وإحش، وعرفت إن دورى جاى وناويين على قتلى.. واشتريت رشاش بورسعيدى، ورديت كرامتى وكرامة أهلى والحكومة طاردتنى وهربت فى زراعات القصب والنيل ومعاى ٧ رجاله كان لازم نعيش وكنا بناخد من المقتدر، عمرنا ما جينا على ضعيف أبداً، وأيامها كل البلاوى نسبوها لـ«شعيب» ورجالته، والصحافة تكتب وتقول «الخُط» والناس ملاها الخوف، جرايم كتير من غير عدد كلها مقيدة ضد مجهول لأنه مافيش أى دليل إنى ارتكبتها، كنا بنقاوم الشرطة لما تطاردنا، مافيش حد يروح للموت وخصوصا الاتهامات اللى تودى المشنقة، لدرجة إن واحد نصاب راح لواحد مسيحى وطلب منه ١٥ ألف جنيه إتاوة بحجة إنه واحد من رجالتى وأنا كنت وقتها محبوس فى مركز الشرطة، طيب فين الدليل إنى قتلت بفلوس ولا قطعت طريق، أنا كل اللى أثبتوه سرقة بالإكراه وشروع فى القتل، لأنى كنت لازم أعلم واحد الأدب وحكاية مقاومة السلطات وأخدت فى كل واحدة منهم ١٠ سنين سجن وقضيت العشرين سنة.
وعن تسليم نفسه قال: الأمن أصبح فى موقف محرج بعدما فشلت كل المحاولات فى القبض علىَّ، والناس فى الشوارع والبيوت مرعوبة، فيه بعضهم كان بيعمل مقالب فى التليفونات ويسيب رسايل باسم شعيب، والإعلام يكتب، ودخلوا الوزير المرحوم عبدالحميد رضوان ونواب من مجلس الشعب، وطبعا وقتها كان فيه وعود وأنا كنت زهقت من الإجرام والشر، لأنه مالهوش آخر، وفى ٢٩ يناير سنة ١٩٨٥ سلمت نفسى، والتحقيقات بدأت فى أكتر من ٣٥ قضية، ما بين قتل ونهب وإتاوات ومقاومة، ولا واحدة أثبتوها إلا ٢».
وقال عن السجن «السجن مر» لكن الراجل لازم يستحمل، أنا كنت باشوف كل ألوان الضرب والإهانة فى التأديب، غير السجن الانفرادى، وفيه قررت التوبة وتعلمت الكتابة والقراءة وتعلمت أصلى وحفظت قرآن وعرفت أمور دينى، وبعد كل ده بيقولوا إنى رجعت تانى وشايل سلاح آلى، حرام عليكم.. أنا والله عاوز أعيش جنب إبنى وأربيه بما يرضى الله.. وقبل أن نتركه استاذناه فى زيارة بيته وإبنه «محمد» فرد موافق بشرط إنكم ماتجيبوش سيرة أهل بيتى - يقصد زوجتيه - أنا راجل صعيدى ولىَّ كرامتى ووضعى».






آخر مواضيعي 0 مباراة الأهلي ووفاق سطيف الجزائري
0 دعاء يوم الجمعة
0 روسيا تسلم محطة تشيرنوبل النووية إلي أوكرانيا
0 دعاء آخر يوم في شعبان
0 فضل الصيام
رد مع اقتباس
قديم 12-29-2010, 05:06 PM رقم المشاركة : 2
معلومات العضو
طارق سرور

الصورة الرمزية طارق سرور

إحصائية العضو







طارق سرور غير متواجد حالياً

 

افتراضي رد: لقاء مع خُط الصعيد شعيب

إحترس من الخط

شكرااااااااا أخى احمد على الحوار الرائع







آخر مواضيعي 0 خوف
0 اسرار
0 اللهم اجعلنا من المحسنين
0 اعرف مين هى مصر
0 البقلة
رد مع اقتباس
إضافة رد

مواقع النشر

الكلمات الدليلية
المدينة, الدين

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 05:39 PM.


Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Content Relevant URLs by vBSEO 3.6.0 (Unregistered) Trans by

شبكة صدفة

↑ Grab this Headline Animator