دردشه صدفه

قناص القلوب · 10-26-2010, 02:42 PM

زادي للمعذب الروح سمن
جروحك بالگلب يهواي سمن
سمي من يحبك غيري سم من
اليحبوك كلهم فدوة لية

قناص القلوب · 10-26-2010, 02:42 PM

طحت والكلت مدايده....جريده
وصرت من النخل جني.....جريده
حبيبي اذا ايحب يقره ....جريده
الجريده اتكوم تقراله القضية

قناص القلوب · 10-26-2010, 02:43 PM

حبيبي الضگت حلوه .... منسه مره
ويگلولي اترك وانسه .... منسه مره
يكل همي اللفاني .... من سامره
سكنت البصره من غصبا عليه

أحمد اسماعيل · 10-26-2010, 02:44 PM

روووعة

قنا صالقلوب

يسلمووا على كلماتك هنا

اسعدكم الله

فرحان اليوم بظهور اختنا سااااااام

قناص القلوب · 10-26-2010, 02:44 PM

أصبحت شرياني يلغالي دمنتة
وحك حيدر علي حبك دمنتة
وماأنساك أنالحضة ودمنتة
عيوني ثنينهن ونتة الهوية

قناص القلوب · 10-26-2010, 02:44 PM

: :

احب صوتك واحب للعود دكات
وزماني شلون اله وياي دكات
وخلص كلبي وماظل بعد بيه دكات
وترد روحي من يمر اسمك عليه

قناص القلوب · 10-26-2010, 02:45 PM

الگلب ضل بس اهو وحده ورباه
يتيم وماله واحد ورباه
منو مثلي اخذ جرحه ورباه
وكبرنه على القهر سوية .

قناص القلوب · 10-26-2010, 02:46 PM

جنت يمي يخايب وين غطيت
وانه ياما بشتاك شكثر غطيت
انه بحرك غصت يالغالي غطيت
انه الغركان ما تلحك عليه

قناص القلوب · 10-26-2010, 02:46 PM

وكًًًع كًًَُُـلبي بغرامك ماتشيلة
وترى كلبي التعذب مات شيلة
اخابر وانتة تسمع ما تشيلة
وينك يا حلو بس رد عليه
,,ركوني’’

قناص القلوب · 10-26-2010, 02:46 PM

أزعل يا وطن وارجع اراضيك
وحن بغربتي لناسك واراضيك
بغير الفرح صدك ما ارى ضيك
واذا ًَمََرك حزن احسه بيه