مرمرية تفتح قلبها

أحمد اسماعيل · 02-16-2010, 09:58 PM

مساء السعادة

خلى المشاركة 99 من نصيبى

هههههههههههههههههههه

مرمرية

كيف تشاهدى مستقبل الدول العربية فى ظل التفرق اللى صاير حالياً ؟؟

marmer · 02-16-2010, 10:15 PM

بتنام وتقوم تصلى وتنام وتقوم تصلى وتنام وتقوم تصلى

وبعدين بتصحى قبل الظهر بشوية تقومى تعملى البيت وتعملى رز

هو الرز ده يومى مافيش تغيير ولا مافيش حد بيعرف يطبخ اصلا

لا يا عمرى

دة اليومى بتاعنا رز او مكرونة وجنبها فراخ بتقول كاكى او لحمة بتقول ما علينا

وجنبها خضار

عندك مانع

اعترضى بقى

ولا تعالى اطبخى انتى احسن

اية العالم دى هههههههههه

ولا الكروتة بيت واكل

طيب الناس ذنبها ايه

لا اله الا الله

وانتى مالك حد اشتكالك

ياربى حقد طبقى غريب هههههههه

نظفى قلبك دة بقى هههههههه

ونوووووووووووووووم

باحقد واحسد وحاجات كتييرة كده على الناس اللى مقضياها نوم دى

مهما حقدى

يا بنتى انا محصنة هههههههه

انا كنت معدية قولت اجى اخد الجمعية

سلام يامرمر

سلام يا عمرى

يا ريت ما تعديش تانى

عشان هنقفل خلاص

روحى يا الله

البوكس بيلف ههههههههه

ام بسمله · 02-16-2010, 10:19 PM

معلش يا مرمر خليها عليكى انتى وروقى لهم البيت

ده قدر الكبار يا اختى

عرفتى بقى ان المصرى عاوز يخلص منك

ردى بقى على سؤاله

علشان تباتى فى امن الدوله النهارده

هو عاوز يخلص منك

والله انا قولت لاكرم خد بيدو معاك وانت مسافر

قال لى لا لتيجو كلكم لتقعدو كلكم

بصراحه البيت من غير بيدو اخر روقان هو اللى بيكركب البيت

طول ما هو بره مع اكرم البيت رايق وجميل

بحمد ربنا انه ولد واحد بس

لو كان معايا اكتر من ولد كان زمانى لابسه باروكه زى مامتك

ردى على المصرى على بال ما اجى لك

شويه اشغال منزليه كده وراجعلك

marmer · 02-16-2010, 10:22 PM

اقتباس:

المشاركة الأصلية كتبت بواسطة أحمد المصرى.

مساء السعادة

خلى المشاركة 99 من نصيبى

هههههههههههههههههههه

مرمرية

كيف تشاهدى مستقبل الدول العربية فى ظل التفرق اللى صاير حالياً ؟؟

\

يا مساء الانوار

دة انا هخليك للديوان ههههههههه

انت اللى بتفتحنى اهو

عشان ما تجيش تقولى الامن المركزى اقتحم المنتدى هههههههههه

كيف تشاهدى مستقبل الدول العربية فى ظل التفرق اللى صاير حالياً ؟؟
القران قال ان هيكون فية وحدة

امتى الله اعلم

جايز

انا ما احضرش الوحدة دى

بس اكيد هيحكووووولى ههههههههه

بس لحد بقى

ما تحصل الوحدة

انا مش شايفة اى حاجة

غير ضباب وسراب

اعمل عدسات خضرة

جايزة اشوفها خضرة

ولا اعملها فحلقى بس الخوف لحسن تديها زعابيب اكتر ماهى مزعببة هههههههههه

نورت يا مديرينا

المخابرات

عرفت المكان

خلاص ههههههههههه

بقينا اشهر من تنظيم القاعدة ههههههههه

marmer · 02-16-2010, 10:27 PM

معلش يا مرمر خليها عليكى انتى وروقى لهم البيت

ده قدر الكبار يا اختى

قدر الستات يا عمرى
اة يانى ياامة

عرفتى بقى ان المصرى عاوز يخلص منك

ردى بقى على سؤاله

علشان تباتى فى امن الدوله النهارده

هو عاوز يخلص منك

يخلص من مين

دة انا لزقة هههههههههه

والله انا قولت لاكرم خد بيدو معاك وانت مسافر

قال لى لا لتيجو كلكم لتقعدو كلكم

بصراحه البيت من غير بيدو اخر روقان هو اللى بيكركب البيت

طول ما هو بره مع اكرم البيت رايق وجميل

بحمد ربنا انه ولد واحد بس

لو كان معايا اكتر من ولد كان زمانى لابسه باروكه زى مامتك

مامتى فاقت جميع التصورات

جابت 3 ولاد

هى لبست باروكة

وانا كرهت الرجالة بقت معقدة يا اختى ههههههههه

طبعا اكرم كش عاوز ياخد بيدو معاة

عشان يقرفك

هما دول الرجالة

كارثة الزمن ههههههههه

ردى على المصرى على بال ما اجى لك

شويه اشغال منزليه كده وراجعلك

ربنا معاكى اجى اكروت معاكى حاجة هههههههههههه
انا تحت الطلب

ساجده · 02-18-2010, 11:55 PM

ما أسكت الله لكى حسا يااحاجة

انا جيت وبرضه ماجيتش فاضية

فلستينا ياامرمر

بس المرة دى الهدية غيييييييير

انتى عارفة بقى شهر 2 ده اخره فقر كده

عدى الجمايل بقى

مرمر

بما انك مشجعة قوووية للكورة

تقتكرى انها تستحق كل الضجة والاهتمام والمشاكل اللى تجيبها؟؟

انتى من الاشخاص اللى يحاسبوا نفسهم ولا مش بتفرق معاكى؟؟

فى يوم حد نصحك نصيحة وماعملتى بيها وندمتى بعدها؟؟

لما تحسى انك وحيدة تعملى ايه؟؟

ايه رأيك فى طبيخى؟؟ هههههههههههههه

بايو

marmer · 02-19-2010, 02:34 AM

ما أسكت الله لكى حسا يااحاجة
يعنى هكلم نفسى يا فالحة

انا جيت وبرضه ماجيتش فاضية

كلك واجب يا غالية

فلستينا ياامرمر

بس المرة دى الهدية غيييييييير

انتى عارفة بقى شهر 2 ده اخره فقر كده

شمعنة اتنين يعنى

شكلك قرفتى مديريك الشهر دة

عدى الجمايل بقى

كلة كوم والاكلة المجدع دى كوم

ايون كدة احطك فى حباب عنيا واكحل عليكى

عشان اضمن انى حبستك وخلصت ههههههههه

مرمر

بما انك مشجعة قوووية للكورة

تقتكرى انها تستحق كل الضجة والاهتمام والمشاكل اللى تجيبها؟؟
بصى يا سيدتى

زمان جايز الاهتمام بالكورة ما كنش زى دلوقتى

دلوقتى

مامتى نفسها اللى ماكان ليها فى الكورة حفظت كل الاندية المصرية تقريبا
وايام ماتشات مصر بتقعد تدعى

اقولها يا حاجة دة انتى لو بتدعيلى كدة كنت زمانى بقيت رئيسة شبرا المتحدة هههههه

الناس دلوقتى بقوا ماشيين فى الشارع ما بيضحكوش واللى بيضحك بيضحك من همة

فبقوا عاوزين اى شئ يشغلهم ويخرجهم من اللى هما فية شوية

فالكورة بقت مهمة عشان كدة
الناس حاسة انها مهزومة فى كل شئ بيستنوا انهم يحسوا بالنصر حتى لو كان فى الكورة

انتى من الاشخاص اللى يحاسبوا نفسهم ولا مش بتفرق معاكى؟؟

لاطبعا بحاسب نفسى

لو حسيت انى غلطت فى شئ

او حسيت انى قولت كلمة زعلت خد منى

فى يوم حد نصحك نصيحة وماعملتى بيها وندمتى بعدها؟؟
ههههههههه تصورى

ان كل النصايح اللى الناس بتنصحها ليا غلط

لو يسبونى افكر من دماغى جايز انجح اكتر من كدة

لما تحسى انك وحيدة تعملى ايه؟؟
بكلم نفسى

او بكلم ربى

ايه رأيك فى طبيخى؟؟ هههههههههههههه

الله الله على الجرجير

تسلم الايادى هههههههههه

طبخالى جرجير عشان تجرجرينى وراكى فقساكى انا هههههههههههه

اكرم شكرى · 02-19-2010, 12:18 PM

ازيك يا مفترية

شايفك مبدعة

ايه النشاط دة نوم وصلاة ونوم وصلا ونوم وصلاة

ما شاء الله عليكى حاسس انك بقيتى شكل المخدة هههههههه

واية التعب دة كلة كل يوم تعمليلهم الرز رز رز ههههههههه

دى مش كروتة ترويق بس.. دى كروتة معدة الله يكون فى عنهم

صابرين عليكى اذاى نوم وكروتة ورز اتاريكى مش بتشوفى اكل

فى المنتدى الا لما تخلصى علية تعمللهم رز وتكلى انتى اكل المنتدى

بس بصراحة ساجدة مظبطاكى اكل كل يوم عرفاكى تفصة هههههه

ورأيك فى الوحدة العربيه انها هتحصل ... شكلك فاهم يا نصة

انتى مش بتاعت تحاليل طب حللى كلمة وحدة هتعرفى اننا فى وحدة عربية

مش لما بتكونى لوحدك ومحدش معاكى ولا معبرك ولا بيبص فى وشك

ولا حد بيهتم بيكى بتكونى فى وحدة خلاص يبقى احنا فى وحدة عربيه

هههههههههه هى دى الوحدة يا فالحة

ساجدة بتحسدك على النوم مش عارفة ان ما بيحوق فيكى حاجة

شوفى يا مفترية

شكلك حبيتى افتح قلبك وانا مش بقدر ازعلك انتى غالية

هنخليكى شوية كدة مع الاسئلة كام يوم مقدرش ازعلك

وعلى فكرة انتى مش هتطلعى من الموضوع الا لما نور ترجع بالسلامة

عشان احنا زعلانين عليها ومش هنختار غيرك لحد ما ترجع

يعنى مصيرك فى اديها انا ماليش دعوه

بس بجد بجد بشكر ساجدة جدا لمجهودها فى الموضوع ومعاها احمد

وام بسملة والى اشتركوا فى الموضوع اميرة ونور ورقة وضوء وبنتى منون

وابو عبد الرحمن ليهم جميعا الشكر للتواصل وارجع واشكر ساجدة بصراحة

شايلة الموضوع ودة مش غريب عليها وعلى مجهودها المميز دائما

اما انتى يا مرمرية خليكى معانا كدة عشرتاشر كمنتاشر يوم كدة

وسؤال على الماشى

تفتكرى انك بأذن الله لو حصل واتجوزتى دة لو حصل يعنى

هتكونى ناجحة بطبق الرز بتاعك دة

وسلام يا ام النوم

ساجده · 02-19-2010, 09:32 PM

العشا جه ياهانم

يعنى الواحد حاسس انه انتى واحد من البيت

تاكلى من اللى ناكلوا منه

وحرام انتى مقضياها شوربة ورز بس

تفضلى

يلا كفاية عليكى كده

ردى على عمك اكرم لحد ماافوق واحضرلك حبة اسئلة

أحمد اسماعيل · 02-20-2010, 09:01 AM

السلام عليكم

مرمرية

هههههههههههههههههههه شكلك راح تتحبسى من كتر كلامك

ههههههههههههههه

سؤالى وحيد ويتيم

هل ظروف الحياة الصعبة

سوء تخطيط من الحكومات ؟

ام سوء تنظيم للحياة من الافراد ؟

دعواتى لك بالصحة والعافية