العودة   شبكة صدفة > المنتديات العامة > منتدى صدفة العام

منتدى صدفة العام مواضيع عامة, مقتطفات, مواضيع جديدة، معلومات عامه.

إضافة رد
 
أدوات الموضوع
قديم 08-31-2008, 12:24 PM رقم المشاركة : 1
معلومات العضو
زهـ دمعه الم ـرة
فريق عمل المنتدى

الصورة الرمزية زهـ دمعه الم ـرة

إحصائية العضو








زهـ دمعه الم ـرة غير متواجد حالياً

 

افتراضي كيف ترفضين عريسا

حتى لا تفاجأى بأنك معروضة على عريس لكى يبدى رأيه فيكى ولا أجدع حته بضاعة فى سوق الخردة عملا بنظرية "وش القفص"
فهناك العديد من المؤشرات والدلائل التى قد توحى لك أن هناك عريسا فى الطريق اليك , فلتأخذى حذرك ولا تسمحى لهم بمفاجأتك


انذااااااااااااااااار العريس قااااااااااااااااادم!!!

** مثلا أن تتصل بكى خالتك اللى عمرها ما كلمتكو غير فى المناسبات الوطنية , لتسألك عن أحوالك وتذكرك أنك " كبرتى " وكأنها اكتشفت سر من أسرار الكون, ثم تسألك عما اذا كنت مرتبطة أو لا.....هذه اشارة واضحه لا تتجاهليها

** أو أن يطلب منك عمك أن تزوريه لأنك وحشتيه جدا ونفسه يشوفك قوى ....أنت اللى تناولت الغداء لديه قبل يومين فقط....اذن العريس يلوح فى الأفق..........

** ومن الجائز أن تكونى فى مشوار مع بعض الصديقات لتفاجئى بمكالمة من البيت على الموبايل لتجدى أباك يسألك بكل براءه ((أنتى فين؟)).... قال يعنى مش عارف مه انه هو اللى موصلك لصديقاتك من نص ساعة بس , ثم يطلب منك سرعة العوده للمنزل عشان " فيه ضيوف ".......بيتهيألى واضحه قوى دى .........

** أو قد يمنعك من الخروج فى يوم ما بحجة ان ((عمو فلان.....فاكراه؟؟ .....جاى يباركلنا على الشقة الجديدة , ولازم تكونى موجودة )) دا باعتبار أنك المرشدة السياحية لشقتكوا .... ....عموما كتر خير الراجل بصراحه , لولا أنه تأخر قليلا فالشقة "الجديدة" بقالها خمستاشر سنة , ولكن يبدو أنه صبر حتى يطمئن على استقراركم فى الشقة , وحتى كبر ابنه وبدأ فى البحث عن عروسة.......

** وممكن والدك فى يوم جميل كده يتدهلك ويديلك فلوس ويقولك تروحى تشترى طقم جديد .... اوعى تقعى فى الفخ........ اسمعيه للآخر....... هتلاقيه بيقولك ((بس الطقم ياريت يبقى بناتى وشيك عشان تلبسيه لما عمو مدحت ييجى يزورنا يوم الخميس...عايزك يومها تبقى زى القمر )) طبعا ده مش عشان أنك بتشترى طقم جديد كل ما حد ييجى يزوركم أو لأن أنتى بتقابلى الضيوف بهدوم مقطعه وقديمة فوالدك خايف من الفضايح ده أكيد عشان ابن عمو مدحت هيبقى موجود وهو بيدور على عروسة..........

** ولا يجب أن ننسى دور الأم مع ابنتها...... والذى يكون فى غاية الوضوح
(( أنتى كبرتى يابنتى وبقيتى عروسة))
أو مثلا تيجى داخله بيتكو تلاقى والدتك قاعده مع واحدة أول مره تشوفيها فى حياتك ووالدتك تقولك
(( تعالى سلمى على طنط سوسن , دى زميلتى من أيام الكلية, قابلتها بالصدفة فى وسط البلد))
يامحاااااااااااسن الصدف.......وسط البلد اللى الناس بتتوه فيها من بعض أصبح الناس يتقابلوا فيها ....وبالصدفه ........ وتنظر لك طنط سوسن باعجاب شديد وتقول
(( بسم الله ما شاء الله, تعالى ياعروسة))
عروسة!!!هنا قد يبدأ الشك, ولكنه يتأكد لما تتقمص والدتك دور الشيخة نادية وتقول
((شفت لك امبارح حلم يشرح القلب ))
وتشرح لك بالتفاصيل الفرح والزفة والفستان وأوصاف العريس الذى هو ابن طنط سوسن طبعا .......

كل اللى فات ده مجرد انذاااااااااااارااااااااا ااات
بس ياترى أنتى تعملى ايه ؟؟؟؟؟؟؟
أنا أقولك

خطة ( أ )

هناك العديد من الحجج التى قد تعينك على رفض هذا العريس وعشره زيه

** أول تلك الحجج أنك تريدين اكمال تعليمك......أما لو كنتى قد تخرجتى بالفعل فتقولين لهم.....لا....لسه بدرى .....هناك الماجيستير والزمالة والدكتوراة, وجوائز الدولة التقديرية والتشجيعية والطحينية والمهلبية كمان,, ثم هناك الحلم الأكبر بالحصول على جائزة نوبل فى أى حاجة .......ويديكى طولة العمر



** هناك أيضا مقولة أنك كش بتفكرى دلوقتى فى الموضوع دا.........عشان فى ممواضيع أهم شاغلة تفكيرك مثل قضية اللاجئين والوضع المتأزم فى فلسطين والوضع فى العراق والانقلاب فى السودان وأزمة البنجر فى الجابون , وحين تحل تلك القضايا ويرقع ثقب الأوزون ستفكرين جديا بالزواج


** قد تتحججين أيضا بارتباطك الشديد بوالدتك وأنك لا تستطيعين مفارقتها , وهذه ستكون هدية العمر لأبيك الذى سيقترح بكل خبث أن تأخذيها معك وتكون هذه الطامة الكبرى للعريس الذى سيفر بمجرد سماع الاقتراح......


أما اذا لم يقتنع أهلك بكل تلك الحجج وأصروا أن تقابلى الموكوس.........احم.....قصدى العريس
فهناك عشرات العيوب التى يمكن اختلاقها فى أى شخص..........



خطة ( ب )

***ان كان بشنب فهو شكله وحش بالشنب
وان كان من غير شنب فأنتى لا تقبلين رجلا بدون شنب


*** لو كان تخين فهو بكرش وغير مناسب
ولو كان رفيع فهو هيكل عظمى وغير مناسب أيضا


*** لو كان بيزوركم كتير فهو لزقه
لو قلل من زياراته يبقى مش بيحبك


*** لو بيتكلم كتير يبقى رغاى
لو كلامه قليل يبقى طوبة


*** لو واثق فى نفسه يبقى مغرور
ولو مش واثق فى نفسه يبقى شخصيته ضعيفة


*** لو سريع فى الكلام يبقى متهور
ولو بطئ يبقى تنح


*** لو بيفكر يحسن وضعه فى الشغل يبقى طماع
ولو مش بيفكر يبقى فقرى


*** لو استشارك فى كل الأمور يبقى متردد ودلدول
ولو اتصرف من نفسه يبقى ديكتاتور



*** لو صرف عليكى كتير يبقى مسرف
ولو صرف قليل يبقى بخيل


*** لو بيغير عليكى يبقى متخلف أو مش واثق فيكى

ولو مش بيغير يبقى مقطف



خطة ( ج )

التوافق

يجب أن تكونا متوافقين تماما,فى الأفكار والمعتقدات والهوايات .........
فلو أنه لا يحب نفس الموسيقا ونفس المطربين بالضبط دون أى اختلاف كأنه نسخة جينية منك ......... فلترفضيه فورا
أما لو كان بيحب نفس الموسيقا ونفس المطربين بالضبط دون أى اختلاف كأنه نسخة جينية منك
فلترفضيه أيضا
فلا حاجة أن تتزوجى نسخة منك
أنتى موجودة وكفايه قووووووووووى

كما يجب أن تراعى توافق الأبراج

* فمثلا لو كنتى برج مائى وبرجه ترابى .. فهذا مؤشر أن حياتكم مع بعض هتبقى مطينة بطين
* أما لو كان برجك مائى وبرجه هوائى فيدل هذا على حياة مليئه بالعواصف والأعاصير والدوخه ودوار البحر
* أما زواج البرج الهوائى بالبرج الترابى فينذر بالبعثره وتفرق الشمل
* لو كان برجه نارى أرفضيه أيا كان برجك...... لأن احتمالية أنه يولع فيكى كبيرة جدا

وزى ما أنت شايفه فان كده مصيره أنه يبقى مرفوض مرفوض
بس لو حصل واتدبستى فى برده ليك حل

النصيحة الذهبية

اطلبى...اطلبى...اطلبى
أنتى العروسة....... اطلبى اللى أنتى عايزاه.......اطلبى لبن العصفور وبيض الديك وقارورة من دموع التماسيح, ولو رفض ولم يلب طلباتك......استماره 6 علطول
أكيد عارفه الاعلان الانتهازى بتاع " أنا عايزه دى ودى ودى" خليكى محدثة نعمه واخربى بيته.......مش عايز يتجوز؟؟؟؟؟ يدفع هههههههههه


آخر نصيحة وأنتى كده فى التمام

لما تقعدى مع العريس خليكى صريحة واوعى تدارى عيوبك عنه

* أنا مش بعرف أطبخ وآخر معلوماتى عن المطبخ أنه على ايدك اليمين وأنت داخل

* كمان مش ليا فى الغسيل والتنظيف والحاجات دى ...... أصل بخاف على نعومة ايديا

* بالنسبه للمكوى ياريت يبقى أنت تكوى عشان مبعرفش

* أنا بحب أصحى بعد العصر ومبحبش حد يقلق نومى

* وياريت يكون طبيخك حلو والا هخلص فلوسك على الديليفرى

* عمرك ماتفكر تقولى راحه فين وجايه منين

اديله فرصه ياخد نفسه

بعدين قولى المفاجأه الأخيرة

* آه والعصمه هتبقى فى ايدى
عندك مانع؟؟

لو رفض وهو المتوقع من أى رجل يحترم نفسه فالمشكلة اتحلت
وببعض الاصرار تقدرى تقنعى والدتك أن الرجال كلهم ملهمش أمان وقال " يا مآمنه للرجال يا مآمنه للميه فى الغربال" وأنك مش هتوافقى من غير شروطك
ومتنسيش تقوليله
(( أنت لو كنت بتحبنى كنت وافقت , شكلك كده كنت ناوى على غدر))

أما لو لقيتى القفص اللى يوافق على ده كله......فلترفضيه فورا
لأنه غير متمسك بحقوقه وشكله كده هيضيعك معاه


وكده تكونى قدرتى تفلتى من العريس
واوعى تصدقى كلمة " الحب بييجى بعد الجواز "
العبارة صح بس ناقصه
" الحب بييجى بعد الجواز يطلع لك لسانه ويهرب "

ودمتم اعضاء صدفه
تحياتي لكم








آخر مواضيعي 0 الاستعمار الاجنبي والاستعمار الوطني والفرق بينهما!
0 هل انتي ايضا راجل؟
0 ستائر شيفون
0 ديڪْورات متحرڪْه روعه
0 اكبر دليل على اصالة شعب مصر هو كخ يا بابا
رد مع اقتباس
قديم 08-31-2008, 12:30 PM رقم المشاركة : 2
معلومات العضو
أحمد اسماعيل

الصورة الرمزية أحمد اسماعيل

إحصائية العضو







أحمد اسماعيل غير متواجد حالياً

 

افتراضي رد: كيف ترفضين عريسا

أنا مش بعرف أطبخ وآخر معلوماتى عن المطبخ أنه على ايدك اليمين وأنت

............


ههههههههههههههههههههههههه

ايه هو ده

الكلام ده بشوفه بالواقع تير
امال انتم شغلتكم اييييييييييييييييييه




شذى القلوب ... موضوعك رووعة هههههههههههه


يسلمووووا على طرحك الجميل

بجد يستحق احلى تقييم

دعواتى لكى بالصحة والعافية

الا صحيح

أنتى يا شذى

تعرفى تطبخى ولا لا ؟؟







آخر مواضيعي 0 مباراة الأهلي ووفاق سطيف الجزائري
0 دعاء يوم الجمعة
0 روسيا تسلم محطة تشيرنوبل النووية إلي أوكرانيا
0 دعاء آخر يوم في شعبان
0 فضل الصيام
رد مع اقتباس
قديم 08-31-2008, 12:38 PM رقم المشاركة : 3
معلومات العضو
زهـ دمعه الم ـرة
فريق عمل المنتدى

الصورة الرمزية زهـ دمعه الم ـرة

إحصائية العضو








زهـ دمعه الم ـرة غير متواجد حالياً

 

افتراضي رد: كيف ترفضين عريسا

اقتباس:
أنا مش بعرف أطبخ وآخر معلوماتى عن المطبخ أنه على ايدك اليمين وأنت

............


ههههههههههههههههههههههههه

ايه هو ده

الكلام ده بشوفه بالواقع تير
امال انتم شغلتكم اييييييييييييييييييه



والله وهي شغلتنا بقي انكم تتجوزونا علشان نطبخ لكم

ليه متجوز شغاله

ولما انتم بتحبوا الطبيخ اوي كده

ما تجيبوا شغاله علي الاقل

هتخلعوا من مصاريف الجواز

اللي بحجتكم انها مبالغ فيها



اقتباس:
شذى القلوب ... موضوعك رووعة هههههههههههه


يسلمووووا على طرحك الجميل

بجد يستحق احلى تقييم

دعواتى لكى بالصحة والعافية

احمد يا ابن ادم

الروعه في مرورك وردك العنصري

في انتظارك دائما

اطيب الامنيات لك



اقتباس:
الا صحيح

أنتى يا شذى

تعرفى تطبخى ولا لا ؟؟






الا صحيح انا هجاوبك

صراحة احسن حاجه بعرف اعملها

الاومليت

مبعرفش اعمل الشاي

بعرف اغلي اللبن واحيانا بيفووور

واسلق البيض

واولع البوتجاز

وافتح الثلاجة

وطبعا انظم السفرة ومناديل السفرة

وطبعا بعرف اعمل المية

بجيبها من التلاجة






آخر مواضيعي 0 الاستعمار الاجنبي والاستعمار الوطني والفرق بينهما!
0 هل انتي ايضا راجل؟
0 ستائر شيفون
0 ديڪْورات متحرڪْه روعه
0 اكبر دليل على اصالة شعب مصر هو كخ يا بابا
آخر تعديل زهـ دمعه الم ـرة يوم 08-31-2008 في 12:44 PM.
رد مع اقتباس
قديم 08-31-2008, 12:44 PM رقم المشاركة : 4
معلومات العضو
أحمد اسماعيل

الصورة الرمزية أحمد اسماعيل

إحصائية العضو







أحمد اسماعيل غير متواجد حالياً

 

افتراضي رد: كيف ترفضين عريسا




مشاء الله


شطووورة شذى

خدوا درس منها يا صبايا هههههههههه


يا ويلك من أبن آدم







آخر مواضيعي 0 مباراة الأهلي ووفاق سطيف الجزائري
0 دعاء يوم الجمعة
0 روسيا تسلم محطة تشيرنوبل النووية إلي أوكرانيا
0 دعاء آخر يوم في شعبان
0 فضل الصيام
رد مع اقتباس
قديم 08-31-2008, 02:41 PM رقم المشاركة : 5
معلومات العضو
جنة

الصورة الرمزية جنة

إحصائية العضو







جنة غير متواجد حالياً

 

افتراضي رد: كيف ترفضين عريسا


* كمان مش ليا فى الغسيل والتنظيف والحاجات دى ...... أصل بخاف على نعومة ايديا

* بالنسبه للمكوى ياريت يبقى أنت تكوى عشان مبعرفش




ههههههههههههههههههههههههه هههههه


بجد انا ما لياش بالغسيل والمكوى..!!


واللي عاوز يتجوز يدفع ويبحبح .. آآآه
والا هو الجواز كلاااااااااااام بس يا احمد يا ابن آآآدم...!!!!؟؟؟




تسلمي يا قمراااااااااااااايه.. وما تحرميناش من الحاجات الحلوة اللي زي دييييييه










آخر مواضيعي 0 صينية الشوارما التركية~بالصور
0 دجاج بالطحينة-بالصور
0 الخبز البلغاري اللذيذ بالصور
0 طريقة عمل المندازي الشهي بالصور
0 طريقة عمل الكتشوري اللذيذ بالصور
رد مع اقتباس
قديم 08-31-2008, 03:42 PM رقم المشاركة : 6
معلومات العضو
بحر النسيان

الصورة الرمزية بحر النسيان

إحصائية العضو








بحر النسيان غير متواجد حالياً

 

افتراضي رد: كيف ترفضين عريسا

روووووووووووعة في روووووووووووعة أس روووووووووووعة


أعجز عن الكلام بجد جميل جدا منك الخطط روووووووعة خاصة الخطة أ ناجحة 100/100

و هي ماشية كثير عندنا

تسلمي يا قمرررر على الإبداع

5 نجوم ترفرف لك في السماء

تستحقين التقيمم بجدارة

دمتي بحب

أرق التحايا و الإعجاب لك






آخر مواضيعي 0 صدفةً
0 تعدد..
0 مراقبة الله في الخلوات
0 قاب قوسين من إنطفاء...
0 تَحتَ الشّمسِ وفَوقَ الجِبال ! .
رد مع اقتباس
قديم 09-01-2008, 12:52 PM رقم المشاركة : 7
معلومات العضو
ملك روحي
إحصائية العضو








ملك روحي غير متواجد حالياً

 

افتراضي رد: كيف ترفضين عريسا

المشكلة يا شذي انه كفاية عليه بس

حاجة واحدة من كل اللي قلتيه

ويروح علي طول مستشفي المجانين

بس ايه حلول سريعة وماشاء الله بتطفش من غير مجهود

ههههههههههههههههههههه

مشكوووووووورة يا شوشو علي موضوعك التحفة

وربنا يخليكي لينا وتنصحينا كده علي طول







آخر مواضيعي 0 هذيان صور
0 هنا تباع الأوطان في مزاد لمن لا وطن
0 هل تعرف مقاس قلبك
0 غزة .. ماذا بعد الظلم والظلام
0 خربشات امرأه تفهم الرجاااااال
رد مع اقتباس
إضافة رد

مواقع النشر

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 02:39 PM.


Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Content Relevant URLs by vBSEO 3.6.0 (Unregistered) Trans by

شبكة صدفة

↑ Grab this Headline Animator