زغرودة من قلب مصــــر ... من حقنا نفرح ...
بقلم : مؤنس زهيري
إذا كانت كل السفن في كل موانئ العالم ستطلق صفاراتها في وقت واحد إحتفالاً بإفتتاح قناة السويس الجديدة بشرة الخير علي العالم كله ...
فإحنا عندنا الأجدع و الأجمل من مليون صفارة ... لو كل ست من ستات مصـــر و بناتها الحلوين ... و قفت ــ لحظة إفتتاح الرئيس السيسي للقناة ــ في الشباك أو البلكونة أو الشارع في كل مكان علي أرض مصـــر ... و "رقعت" لها زغرودة ... يبقي حفل الإفتتاح بقي في كل شبر من أرض مصـــر فعلاً ...
زغرودة الست المصرية ... هي دي المفروض تبقي عنوان حفل الإفتتاح الرسمي لقناة السويس الجديدة ...
الزغرودة المصرية دي ... ملخص تاريخ مصـــر ... من أول حفر قناة السويس الأولي ..... إلي حفر قناة السويس الثانية .... يعني 170 سنة زغاريد ...
و فيها إيه لما تفرحي يا ست مصــــر و تفرحي مصــــر كلها معاكي ... كل مصـــر هتشوف إفتتاح قناة السويس الجديدة علي شاشة التليفزيون زي أي واحد في العالم كله ... لكن حضرتك هتخلي الإفتتاح في كل مكان علي أرض مصـــر ... زغرودتك هي الإفتتاح الرسمي الشعبي لقناة السويس الجديدة أغسطس 2015 ...
إوعي تنكسفي تزغردي ... لو زغردتي مصـــر كلها هتزغرد وراكي ... لو حضرتك موظفة في المصلحة الحكومية أو شركة قطاع خاص أو أي مكان وظيفي ساعة إفتتاح الريس للقناة في بورسعيد وقفي الشغل و أخرجي في الشباك و زغردتي ... لو حضرتك ست بتبيع عيش أو فجل و كرات في السوق وقفي البيع و زغردتي ... لو حضرتك بياعة في محل أخرجي في الشارع و زغردتي ... لو حضرتك فلاحة في الغيط اقفي في غيطك و زغردتي ... لو حضرتك عاملة في مصنع إستأذني دقيقتين و أخرجي في الهوا بره المصنع و زغردتي ...
هو حرام إننا نفرح بعد أربعة سنوات كل واحدة منهم أسود من إللي قبلها ... هو حرام اننا نفرح بوطن تم إنقاذ رأسه من جهل و غباء جماعة كانت عاوزه عليها عمامة أفغانية او واحد من الطرابيش التركية ...
انت عارف ان آخر فرحة مصرية وطنية شعبية حقيقية كانت في مصـــر من اتنين و اربعين سنة ... وقت إنتصار مصـــر علي إسرائيل في حرب اكتوبر 1973 ... إفتكر كده و قولي فرحنا من بعدها علي إيه ...
07-20-2015, 06:34 AM
زغرودة من قلب مصــــر ... من حقنا نفرح .
رد: زغرودة من قلب مصــــر ... من حقنا نفرح .
