دردشه صدفه

[قناص القلوب]

يامن فاركت شملي وشملاك
سمعنه والحجي يخصك وشملاك
اذا غيري وصل خدك وشملاك
حرام يبوس خد الجان اليه

[قناص القلوب]

كلبي ما لعب غيره لعابه
واحسن شفه لمراضي لعابه
سبحان الذي صاغه لعابه
ونفخ بيه روح حته يعم عليه

[قناص القلوب]

اجذب الكال عنك ومرة شفتك
العسل لسه بشفافي من رشفتك
الحذر لو ويه غيري مره شفتك
انتحر بيك واموتك بين اديه

[قناص القلوب]

عيون الكلب يوم اجفاك يدمن
عفتني وصافحت يا ترف يدمن
انه المثلي على الحسرات يدمن
عسى انسا هواك شعمل بيه

[قناص القلوب]

الدنيا اسيوف بظلــوعي .. سنتها
وقوانين التعب لجلـــــي .. سنتها
الوادم تحتفل بآخــــــــر .. سنتها
وأنه ابجي اعله العمر راح منديه

[قناص القلوب]

سجاجينك بوسط حشاي يعمن
وعيوني من البواجي عليك يعمن
شلش لعليوي من كال يعمن
عليوي حلو بس بيه الاذية
سهول الناس عندي وانته راسي
سفن غركن ابحري وانته راسي
صديقي انته واخوي وتاج راسي
واعز منك ترة ماكو عليه

[قناص القلوب]

افرح لو شفت وجهك وسر بي
وحبك ثابت بكلبي وسر بي
شماطال الدرب امشيه واسر بي
واجيب الروح لعيونك هديه
كلبي شم عطر خدج وراساج
وعلى مرسى العشك حطج ورساج
احلف بالغزل واهله وراسج
معوفنج لون تدنه المنيه
اساس بعشرتي وياك صبيت
وجنني الهوى وبالشوك صبيت
اذا انته عليه ادموع صبيت
بجيت عيون من فركاك اليه
اذوبن شمعه واتامل تمر مر
عزيز الكلب بفراكك تمرمر
اسالك هم ضكت مرة تمر مر
وانه البرحي انكلب حنضل عليه

[قناص القلوب]

[الشاعر الجريح]

يوله

لعب بيه الوكت عكب الولف /يوله

انشدك الك نيه ترد فديـــــــوم /يوله

وحك الي باالمهد جبريـــــــل /لوله

الحزن مقسوم اولايك عليــــــــه

الشاعرالجريح
عبدالحســــــن الطرفي

[الشاعر الجريح]

وانا اهواك

حبيبي جنت تهواني /ونااهواك

وصرت زاد وماي الك /وانااهواك

واني لاذعنت لامـــرك /وانااهواك

تالي بنهايه انهيت النفس بيه
الشاعرالجريح

عبدالحســـن الطرفي