العودة   شبكة صدفة > المنتديات العامة > منتدى صدفة العام

منتدى صدفة العام مواضيع عامة, مقتطفات, مواضيع جديدة، معلومات عامه.

إضافة رد
 
أدوات الموضوع
قديم 06-09-2010, 09:51 PM رقم المشاركة : 1
معلومات العضو
أحمد اسماعيل

الصورة الرمزية أحمد اسماعيل

إحصائية العضو







أحمد اسماعيل غير متواجد حالياً

 

Talking حبيبتى فرقعتنى




حبيبتى فرقعتنى











جميل انك تخوض تجربه عاطفيه


الاجمل انها تنتهى بالفشل..وتتخلص معاها من المسئوليه..


ترمى الدبله..ماتفكرش فى الشقه..متسألش عن سعر أوضة النوم..وماتصحبش حد عشان يعملك تخفيض فى قاعة الزفاف..ومتستهلكش عربية صاحبك المرسيدسوهى بتنقلك للعالم الاخر..دنيا الزواج.



لكن نعمل ايه؟


البنى ادم مننا غاوى مسئوليه..وزى ماقريت فى كتاب علم نفس مش فاكر اسمه..الانسان..بيحب التعب والبهدله ..عشان يحس انه مهم.


مفيد فوزى قال "المسئوليه أحلى مرض"


ربنا يشفى الجميع ياعم مفيد..زى ماربنا شافانى..وخلصنى من المسئوليه..أو هى اتخلصت منى


أنا اللى أخدت البمبه ..حقيقى مش تهريج


وصلنى الخبر عن طريق واحده صاحبتها..قالتلى"كل شئ قسمه ونصيب..وهى مقدرتش تقولك الكلام ده ..بس بتقولك ياريت تبقوا صحاب زى الاول"


قلب العاشق دليله


كنت متوقع النتيجه اللى فاتت دى..لما بدأت تكدب عليا كتير..خاصه لما بسألها"مابترديش ليه ع التليفون؟"..فتقول مبررات كلها كدب فى كدب.


ورغم عن كده ..وكعادة المغفلين العشاق ماصدقتش كلام صاحبتها


اتصلت بيها"الكلام دا حقيقى؟"..ردت "انا شايفه ان كده أحسن"


أسبوع مكتئب ..ماشى فى الشارع سرحان..بفكر فى حاجات كتيييير..سؤال ملاحقنى فى كل مكان..بيطاردنى بعلامة استفهامه اللى بتدور فى راسى"ازاى؟"


العلامه شغاله تلف ..تلف،اركب ميكروباص..فضل شاكر بيغنى فى ال اف ام.."بياع القلوب باعنى..حبيته ليه خدعنى..كدب عليا وصدقته..كان كل زنبى انى عشقته"..عندى رغبه فى البكا..رغم انى سمعت الاغنيه قبل كده100مره وماحستش بحاجه.


انزل من الميكروباص..اشاور لتاكسى.."بدون أغانى من فضلك"..وافق السواق على الشرط .


اروح البيت..أطلع صورتها..بتضحك فى الصوره ..اتغاظ اكتر..ارميها على الارض ..اشيلها تانى..واركنها بعيد.


امسك الموبايل 20 رساله بأسمها..كلهم غرام فى غرام..احذف فورا..لا ماتحذفش..لا احذف


احذف اسمها والرسايل من الموبيل ..بس المشكله انى حافظهم فى دماغى.


افكر فى حاجات كتير حصلت بينا..شريط الذكريات يشتغل....


هان عليها الفول والطعميه فى"اخر ساعه"؟


هانت عليها طلعات السينما..صحيح الافلام اللى دخلناها كانت بايخه"دى ازمة موسم"....بس احنا برضه ماكناش بندخل السينما علشان نتفرج.


صحيح ان انا مابعرفش اقول كلام حلو زى مابتقولى ..وصحيح انى عصبى حبتين..وصحيح الشغل واخدنى حبتين..بس دى كلها حجج مش كافيه عشان تسيبنى.


الغريبه.. ان احنا كنا متقابلين قبل ماصاحبتها ماتقولى على الخبر بأسبوع..وهات ياحب رغم ان القعده بدأت - كالعاده- بخناقه..بس كانت فيه مؤشرات للنهايه..يعنى أول مره كلامى مايعجبهاش..ده غير اعتراضتها.."بلاش الشقه دى..والشغلانه دى..والاكل ده....و...و..."


اللى تاعب قلبى نى ماكنتش بحبها فى الاول..لأنى ماكنتش عايز اتورط وانا كده ف عز شبابى ..هى اللى قعدت تتقرب منى ..ولما وقع السهم والمكتوب ..حبيتها..اتورط قلبى ..وكلمت والدتها واختها..دخلت جمعيات عشان احوش فلوس..جبت شقه ايجار قديم..وقلت للناس كلها..طب اودى وشى منهم فين دلوقتى.


واللى غايظنى انى خسرت كل البنات اللى اعرفهم بسببها وعشان خاطرها.


فرقعتنى


لكن ورغم ان الواحد صعبت عليه نفسه ..لما النهايه جات منها..الا انى اكتشفت ان دى ميزه عبقريه..يعنى الواحد مش هيعزبه ضميره..ومش هيمنعه ان يحب واحده تانيه.


بعد تجربتى العاطفيه


اسمحوا لى ان اقدم لكم عصارة حبى فى نصيحه


خليها تفرقعك احسن


ضميرك هيبقى مستريح وانت بتقلب صفحه وتفتح صفحه على واحده تانيه.


وصدقنى كله بيدوب ..يعنى بيدخل الخلاط..قصدى الايام بتفرمه.


المهم اروح ادور على حبيب تانى..تقولوا ايه؟.. مرض.




منقووووووووول


هههههههههههههه






آخر مواضيعي 0 مباراة الأهلي ووفاق سطيف الجزائري
0 دعاء يوم الجمعة
0 روسيا تسلم محطة تشيرنوبل النووية إلي أوكرانيا
0 دعاء آخر يوم في شعبان
0 فضل الصيام
رد مع اقتباس
قديم 06-09-2010, 10:10 PM رقم المشاركة : 2
معلومات العضو
نور

الصورة الرمزية نور

إحصائية العضو







نور غير متواجد حالياً

 

افتراضي رد: حبيبتى فرقعتنى

ضميرك هيبقى مستريح وانت بتقلب صفحه وتفتح صفحه على واحده تانيه

بتعلم الشباب يااحمد
غاوى مشاكل انت
مش عارفة ليه احسك انيس منصور
ههههههههههه
عموما هى فى النهاية خسارة حب لو كان حب اصلا
كل الشكر لطرحك اللى فهمنا كتيير
اسعدك ربى







آخر مواضيعي 0 أنا أَيضاً يوجعنى الغياب
0 ﺃﻋﺪُﻙ !
0 ذاكرة الجسد...عابر سرير ...لاحلام مستغانمي
0 أنا وانتي.. حكاية بريئة
0 إنيِّ طرقتُ البابَ ياربّ
رد مع اقتباس
قديم 06-09-2010, 10:31 PM رقم المشاركة : 3
معلومات العضو
فقيربس غني

الصورة الرمزية فقيربس غني

إحصائية العضو







فقيربس غني غير متواجد حالياً

 
إرسال رسالة عبر MSN إلى فقيربس غني

افتراضي رد: حبيبتى فرقعتنى

بالعكس أنا اللي أشوفه تكون شجاع أخي أحمد
واللي باعك بيعه حتى لو كان غالي
ونت راجل وستين بنت تتمناك......
وهذا مشكلتنا بصراحه وأقولها بالفم المليان
تيجي البنت وتدخل بقلبك وتتقرب لك حتى لو أنت ماتبيها
وبعد ماتدخل قلبك تسيبك ولا أسئلت فيك
ماني عارف هل هذا من فنون بعض البنات يستغلون
الطيبه وأذا حب الشاب تجي هي تكابر وينتفخ ريشها
وبكل سهوله تقول نبي نفترق بعد ماذوبت طوايف أهله بالحب
وخلته يحبها ويعشقها بجنون....
أتمنى لك أخي أحمد التوفيق في حياتك والله يوفقك بحب جديد
وتحصل البنت اللي تقدر حبك لها....







آخر مواضيعي 0 أشهر10 مليارديرات فشلوا في التعليم‎
0 هكذا كان سيدنا محمد صلى الله عليه وسلم‎
0 بيان من الديوان الملكي
0 الجزائر: (الخبز الإفرنجي) سيد موائد الإفطار في رمضان
0 المؤامرة على بلاد الحرمين و15 عضو السعوديين الداعمين لذلك‎
رد مع اقتباس
قديم 06-09-2010, 10:55 PM رقم المشاركة : 4
معلومات العضو
marmer

الصورة الرمزية marmer

إحصائية العضو








marmer غير متواجد حالياً

 

افتراضي رد: حبيبتى فرقعتنى

خليها تفرقعك احسن


ضميرك هيبقى مستريح وانت بتقلب صفحه وتفتح صفحه على واحده تانيه.



وصدقنى كله بيدوب ..يعنى بيدخل الخلاط..قصدى الايام بتفرمه.


المهم اروح ادور على حبيب تانى..تقولوا ايه؟.. مرض.
دة اية النصيحة الجمدة دى

طيب بدل ما تسيبها تفرقعك

فرقعها انت هههههههههه







آخر مواضيعي 0 حلمي لأيامي الجايه
0 صفات الله الواحد
0 عيش بروح متفائله ونفس مؤمنه
0 إبتهال قصدت باب الرجا
0 كونى انثي
رد مع اقتباس
قديم 06-09-2010, 11:20 PM رقم المشاركة : 5
معلومات العضو
ملكة بإحساسي

الصورة الرمزية ملكة بإحساسي

إحصائية العضو








ملكة بإحساسي غير متواجد حالياً

 

افتراضي رد: حبيبتى فرقعتنى

يسلمووو احمد المصري


يعطيك آلعـآفيه

مآننحرم منك ولآ من جديدك

كـــــل آلاحترام والتقدير






آخر مواضيعي 0 برنامج DuDu Recorder v4.90 الافظل في تسجيل المكالمات والملاحظات
0 كن بشرا وليس اشباه بشر
0 كيف تجعل عطرك يدوم طوال السهرة
0 ازياء رائعه وانيقة للمحجبات
0 فساتين قصيرة وناعمة للسهرة
رد مع اقتباس
قديم 06-16-2010, 11:17 PM رقم المشاركة : 6
معلومات العضو
أحمد اسماعيل

الصورة الرمزية أحمد اسماعيل

إحصائية العضو







أحمد اسماعيل غير متواجد حالياً

 

افتراضي رد: حبيبتى فرقعتنى

هههههههههههههه

مسائكم خير يا جماعة الخير


هذا الموضوع منقول

وربما حالة من حالات كثيرة نراها فى يومنا


الله يسعد ويجمع كل قلبين على الحب والخير والحياة السعيدة

دعواتى لكم بالصحة والعافية






آخر مواضيعي 0 مباراة الأهلي ووفاق سطيف الجزائري
0 دعاء يوم الجمعة
0 روسيا تسلم محطة تشيرنوبل النووية إلي أوكرانيا
0 دعاء آخر يوم في شعبان
0 فضل الصيام
رد مع اقتباس
قديم 06-16-2010, 11:28 PM رقم المشاركة : 7
معلومات العضو
hader

الصورة الرمزية hader

إحصائية العضو









hader غير متواجد حالياً

 

افتراضي رد: حبيبتى فرقعتنى

بارك الله فيك اخ احمد
دعواتى للجميع بالخير والسعاده وراحه البال
مشكووووووووووووور على الطرح المميزه
تحياتى







آخر مواضيعي 0 لماذا نبكي عندما نحب؟؟؟
0 قصص حقيقية مئة بالمئة
0 مقتطفات من قصيدة ويبقى السؤال لفاروق جويدة
0 ومن الحب انواع
0 تحذير مهم لكل مستخدمي النت
رد مع اقتباس
إضافة رد

مواقع النشر

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 12:13 PM.


Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Content Relevant URLs by vBSEO 3.6.0 (Unregistered) Trans by

شبكة صدفة

↑ Grab this Headline Animator