تسلمى سلوى على توجيه أحلى دعوه
من أحلى عضوة بين أحلى باقه من الأعضاء
يوم فى حياتى
موضوع جميل وتواصل راقى بين الاعضاء
نبدأ ونقول
بسم الله الرحمن الرحيم
أبدأ يومى
أصلى الصبح وأبدأ فى تحضير حاجات أولادى
ويصحى معايا الفرده الصغيره بتاعتهم اخر العنقود
وطبعا هو كمان له طلبات ويحسسك انه فى الكليه مش سنتين ونص كل الحكاية يعنى
وعندى بنتى الكبيرة فى رابعه ابتدائى والاصغر فى اولى
ولكل واحدة طلباتها واكيد لا انسى ابنى البكرى وهو زوجى العزيز
وبعدين اصحيهم للمدرسة وافضل فى دوامة من اللبس والسندويتشات والشنط لحد ما ينزلوا
الف فى البيت لفه كده وبعدين الاقى عينى تغمض لوحدها
ننام ساعتين انا وميرو وهو دلع عمار قبل ما يجوا اخواته من المدرسة
بغااااااااااااااااااااااا ااارة وحملللللللللللللللله
من الحكايات والاخبار والى حصل والى وصل لحد ما احس راسى بقت بلونه
بعدين اجهز لهم الغدا ونبتدى نشوف الواجبات
وطبعا بنتى الى فى اولى ابتدائى سيمو هانم ما تصبرش ابدا بتعمل الواجب وهى فى الحمام
ودى بقى ماكينة طلبات لا تكل ولا تمل
لكن توتى بقى وهى معانا هنا فى المنتدى سنووايت عاقله شويتين بس عصيبة شويات
ونفضل فى جزر ومد ما بين الواجبات والنشاطات
وبعدين حبة لعب وهزار
وبعدين العشا والنوم وعلى فكرة ايام الدراسة احسن ايام
عشان بيناموا بدرى ودا اهم شئ
بعد كده يبدأ دور الابن البكرى بعد رجوعه من الشغل ليلاً
اكيد بلستة طلبات يبدأوا بالعشا
وينتهوا بكوب شاى بالنعناع
وكل ده بقى وفى بليه صغيرة اسمها ميرو
بتفر طول اليوم وكانه ضلى وطبعاً حدث عن طلباته ومشاكله ولا حرج
ومش اى مشاكل ربنا ما يكتب شقاوته على طفل
بعد كده اتنفس لما ينام ميرو
وابدأ اقعد على المنتدى ألم كلماتى واوراقى وأشوف حاكتب ايه
دايما بقرأ المواضيع المهمه
كتير مش برد صحيح لكن دا لسوء النت عندى
لكن انا حريصة على قراءة موضوعات كل الاقسام
وطبعا القسم الى بحبه جدا الخواطر
لحد ما عينى تقفل لوحدها
وأنام
ويبدأ يوم تانى من جديد
كنت سعيده انكم عشتم معايا اليوم
وعارفه انكم اتصدعتوا
حاعمل لكم شاى
02-17-2010, 01:50 PM
رد: يوم فى حياتك .. أدخل وشارك معانا
