العودة   شبكة صدفة > المنتديات العامة > منتدى صدفة العام

منتدى صدفة العام مواضيع عامة, مقتطفات, مواضيع جديدة، معلومات عامه.

إضافة رد
 
أدوات الموضوع
قديم 11-28-2015, 12:29 AM رقم المشاركة : 1
معلومات العضو
طارق سرور

الصورة الرمزية طارق سرور

إحصائية العضو







طارق سرور غير متواجد حالياً

 

B11 تحليل واقعى عن الطائرة الروسية

السلام عليكم ورحمة الله وبركاته










تمت إضافة ‏‏3‏ صور جديدة‏ من قبل ‏‎Sameh Elashry‎‏ — مع ‏‎Shahenda Roshdy‎‏ و‏‏6‏ آخرين‏.‏26 نوفمبر‏، الساعة ‏11:54 ص‏ ·

تحليل واقعي عن موضوع الساعة
اسقاط الطائره الروسيه برجاء القراءة بتمعن وآسف للإطالة ولكن لابد من الدراسة بتأني فالتحليل الإستراتيجي يختلف عن الجلوس علي مقاهي السياسة ٠٠٠ !!!
==============
.
بعد حادث إسقاط الطائره الروسيه على الحدود السوريه ..... للاسف فيه ناس كتير وقعت في نفس الخطأ بتحليلها للحادث بمعزل عن المتغيرات السياسيه الدائره في المنطقه .... فيه ناس معتبراها هزيمه لروسيا من تركيا و ناس تانيه مستنيه الرد الروسي بقصف تركيا بالنووي ... و كل يبكي على ليلاه ... ‏‎smile‎‏ رمز تعبيري ‏‎smile‎‏ رمز تعبيري
.
و بدون مقدمات حندخل في الموضوع على طول في نقاط محدده تبعا للمعلومات الاوليه المتاحه :-
.
مافيش حرب عسكريه بتقوم بين كيانين كبارعلشان دوله اسقطت طياره دوله تانيه .... طبعا باستثناء الحرب اللى قامت بين الاكوادور و السيلفادور بسبب ضربة جزاء في مباره كره قدم .... و طبعا لما بقول كيانين كبار انا مش بقصد تركيا و لكن اقصد روسيا و وراؤها الصين و كوريا الشماليه .. و بين الناتو يعني الغرب ٠٠٠
.
اللى حصل اليومين دول عادي جدا و متوقع و يمكن كمان كانت روسيا بتسعي اليه ٠٠٠ لأن السياسه هي فن الاستفاده من المواقف .... و دائما و أبدا لما بيكون فيه توتر كبير بين قوتين .... بيكون فيه فرد عضلات و تحرشات عسكريه ... فالصين مثلا تعمدت اسقاط درة تاج سلاح الطيران الامريكي ال F22 بطائرة صينية الصنع .... و تلكأت في تسليم جثة الطيار الامريكي كمان و لم تقم حرب بينهم و حتي تركيا .... فالطيارين اليونانيين واخدين سلاح الطيران التركي ورا مصنع الكراسي بشكل شبه اسبوعي فياريت ماتسخنش و تفتكر ان الموضوع عركه في الشارع ، و بوتين حيحمل رجالته في ميكروباص و يروح يقفل اسطنبول لان الموضوع اكبر من تركيا بكتييييير .... دي حرب عالميه بين قوى عظمي .
.
اللى بيفكر صح لازم يفكر ان من اسابيع طويله و الطيران الروسي بيتحرش بتركيا ... و بيقوم بعمليات اذلال للطيارين الاتراك .... طب اشمعني دلوقتي و ايه اللى جد
.
بص يا سيدي
.الموضوع بقي ماسخ جدا ... و احنا قاعدين نمثل على بعض .... الغرب عامل نفسه بيحارب داعش و هو اللى انشأها و بيحركها .... و روسيا بتدافع عن مصالحها و وجودها ... و مصر اوقفت خطة تقسيم المنطقه و تسببت في خسائر فادحه قد تقضي على خطة التقسيم الحاليه تماما .... فالتحالف الشرقي بعد امتصاصه الهجمه الغربيه عليه ... بدأ بالهجوم ... فمثلا مصر بعد امتصاصها لنصباية التخريف العربي و اجهضتها ... بدأت تقف على رجلها و تحالفت مع روسيا و دول البحر المتوسط و فرنسا و بدأت في استعادة قوتها الافريقيه و العربيه ... و قصمت ضهر داعش في ليبيا في عمليات معلنه او مجهوله ٠٠٠ و بدأت في هجوم الردع بصفقات تسليحيه تصنف انها ليست هجوميه فحسب و لكن استراتيجيه ٠٠٠ وصلت لموقف من القوه انها تعلن عن اكتشافات الغاز الضخمه اللى كانت معروفه من سنين طويله للجميع .... و دي رساله قويه جدا انها الان يمكنها الدفاع عن امنها و ثرواتها ضد اي طامع فيها او بيفكر يفتت البلد عشان ياخدها زي ما كانوا بيخططوا ٠٠٠ !!!
.
و روسيا دخلت أخذت إقليم القرم من اوكرانيا لتنهي حلم خط غاز نابكو الى الابد .... و دخلت سوريا للقضاء على كلاب الغرب السعرانه .... فخسائر داعش و ماعش في شهر واحد لا حصر له .... و تم تسجيل فرار الالاف منهم الى سوريا و تركيا خلال الشهر الماضي فقط .... و ده معناه ان روسيا بتعلن الحرب العسكريه على الغرب ..... و بما ان الحروب الحاليه هي حروب بالوكاله ... فالرد الغربي كان برده بالوكاله ... و تم اسقاط طائرة شرم الشيخ الروسيه ... و اللى للاسف اعتبرها محللين كتير انها محاوله لضرب اسفين بين مصر و روسيا .... و لكن كان عقاب مذدوج ... منها ضرب اقتصاد مصر ... و وضع القياده الروسيه في موقف حرج امام شعبها بتقاربها مع مصر .... و بعدها تم معاقبة فرنسا
.
القصه مش الاتفاقيات الاقتصاديه او حتي العسكريه بين مصر و روسيا .... القصه في الحرب اللى تحت الترابيزه و اللى مفروم فيها الغرب و اللى مشتركه فيها مصر و روسيا و الصين و فرنسا و ايطاليا و الصين ... فـ اللى متاح للعوام حاجه ... و العالم الحقيقي حاجه تانيه خاااالص
.
الرد الروسي المبدئي على اسقاط الطائره الروسيه كان عنيف جدا و مزلزل للغرب بالكامل ..... بوتين قالهم طب احنا لسه بنسمي بس و بنقول يا هادي .... مش كل الحدوته دي عشان البترول اللى داعش بتهربه من العراق و سوريا لتركيا و منها الى اسرائيل .... و بيتقسم الدخل عليهم جميعا للصرف على العمليات العسكريه و حرق سعر البترول في السوق .... طب انا ححرق قلبكم ... قام طالع فاضحهم في اجتماع مجموعة العشرين و قام بعرض صور الاقمار الصناعيه عليهم لصور طوابير بالكيلومترات لشاحنات نقل البترول المسروق على الحدود التركيه تحت حماية داعش و الجيش التركي ... و مخلصش كلامه غير و طيرانه مدمر 500 شاحنه من دول في غاره واحده ... و بعدها معظم المجهود الحربي الروسي كان على ضرب مصافي البترول و البنيه التحتيه لمصافي النفط المستولي عليها داعش .... يعني بقفل علي تركيا و امريكا و الغرب حنفية الفلوس
.
و قام بعدها بكام يوم موقع اتفاقية المفاعل النووى المصري .... و ده حنبقي نشرحه بالتفصيل .... بس ده معناه ان التحالف المصري الروسي حيبقي على اعلي مستوي سواء امنيا او عسكريا او اقتصاديا او سياسيا ... ‏‎smile‎‏ رمز تعبيري ‏‎smile‎‏ رمز تعبيري
.
نيجي بقي لموضوع الطياره السوخوي بتاعة النهارده ‏‎smile‎‏ رمز تعبيري ‏‎smile‎‏ رمز تعبيري .... اللى حصل النهارده كان مترتب ليه كويس جدا .... اللى اتعمل النهارده بالعرف العسكري كان كمين و ليس اشتباك يعني اتاخدت على خوانه .... و ده اللى قاله بوتين بالنص " تم طعننا من الخلف من دوله تمول الارهاب "... لان الطياره السوخوي لو كانت في اشتباك كان الموضوع حيختلف تماما ‏‎smile‎‏ رمز تعبيري ‏‎smile‎‏ رمز تعبيري .... فالكاميرا كانت متجهزه للتصوير في المكان و الزمان فوق جبل في منطقة شديده الوعوره و مفيهاش بني ادمين .... و الزوم بتاعها جايب طائره حربيه صغيره من 6000 متر ..... يعني من الاخر كده .... الترتيب ده مايطلعش من الاتراك .... و ده اللى خاللي البنتاجون يلحق نفسه و يطلع تصريح يقول فيه و المصحف الشريف ده اردوغان مش احنا ... احنا ملناش دعوه ... ‏‎smile‎‏ رمز تعبيري ‏‎smile‎‏ رمز تعبيري
.
اللى حصل النهارده المفروض المسؤول عنه يتحاكم بتهمة الغباء السياسي .... فهو افلاس تااااام .... فالقصه كلها انهم عايزين يجروا روسيا لمستنقع الحرب البريه في سوريا باي طريقه .... بعد فشلهم في جر فرنسا ... و بعد ما اتفاجئوا و اتجلطوا من رد فعل فرنسا بعد حادثة باريس ان بدل ما فرنسا تخش تدك سوريا ... لاقوها بتزود التنسيق الامني مع مصر و روسيا و هولاند طالع بعدها بيشكر مصر في دعمها الامني لفرنسا ..... و اما الرد الروسي المبدئي على اللى حصل النهارده كان في منع الروس من السفر الى تركيا ..... و ده بيخللي تركيا تلف حوالين نفسها ... يا تري بوتن حيعمل ايه في كلابها السعرانه على ارض سوريا .... و حيعمل معانا احنا ايه ..... و ده اللى خالل اردغوان يجري على الناتو يقولهم خبوني .... و لاننا في حرب مختلفه ... فالرد الروسي حيكون غير مباشر ... يعني مش حرب مباشره لكن حيكون رد عنيف و آثاره مباشره .
.
و الله اعلم الوزير الروسي بيعمل اييه و بيتفق على اييه في القاهره من أول أمس .... و ايه الترتيب اللى بيترتب له بالنسبه لليبيا بعد هروب الاف الدواعش الى ليبيا مره اخري بعض العلقه المحترمه اللى اخدوها من سنه و اللى خلتهم يهربوا الى سوريا ساعتها.
.
عامة خلونا نتفرج و نشوف ..... لان الحرب الحاليه مش حرب مباشره و اللى بنشوفه و بيوصلنا هو فتات الفتات .... لكن الاكيد ان اردوغان دلوقتي بنطلونه مبلول و ماشي بيكلم نفسه .
.
بلاش نستعجل لان الموضوع بقي ماسخ و حان وقت انهاء القصه البايخه دي و كله محسوب بميزان من ذهب ....
.







آخر مواضيعي 0 خوف
0 اسرار
0 اللهم اجعلنا من المحسنين
0 اعرف مين هى مصر
0 البقلة
رد مع اقتباس
قديم 11-28-2015, 04:07 PM رقم المشاركة : 2
معلومات العضو
marmer

الصورة الرمزية marmer

إحصائية العضو








marmer غير متواجد حالياً

 

افتراضي رد: تحليل واقعى عن الطائرة الروسية

تحليل

قريب من الحقيقه

تسلم

طارق







آخر مواضيعي 0 حلمي لأيامي الجايه
0 صفات الله الواحد
0 عيش بروح متفائله ونفس مؤمنه
0 إبتهال قصدت باب الرجا
0 كونى انثي
رد مع اقتباس
قديم 11-30-2015, 01:59 AM رقم المشاركة : 3
معلومات العضو
ندى الورد

الصورة الرمزية ندى الورد

إحصائية العضو







ندى الورد غير متواجد حالياً

 

افتراضي رد: تحليل واقعى عن الطائرة الروسية

تسلم أخي طااااارق

بارك الله فيك







آخر مواضيعي 0 القصة في القرآن الكريم
0 لطائف من سورة يوسف
0 كن بوجه واحد.
0 البشائر العشر لمن حافظ على صلاة الفجر
0 أعرف صفاتك من القرآن الكريم
رد مع اقتباس
قديم 11-30-2015, 04:56 PM رقم المشاركة : 4
معلومات العضو
طارق سرور

الصورة الرمزية طارق سرور

إحصائية العضو







طارق سرور غير متواجد حالياً

 

افتراضي رد: تحليل واقعى عن الطائرة الروسية

اختى مرمر

اختى ندى الورد

شكرى وتقديرى لمروركم الرائع والمتميز







آخر مواضيعي 0 خوف
0 اسرار
0 اللهم اجعلنا من المحسنين
0 اعرف مين هى مصر
0 البقلة
رد مع اقتباس
إضافة رد

مواقع النشر

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 02:20 PM.


Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Content Relevant URLs by vBSEO 3.6.0 (Unregistered) Trans by

شبكة صدفة

↑ Grab this Headline Animator