العودة   شبكة صدفة > المنتديات الاسريه > الصحه والتغذيه السليمه

الصحه والتغذيه السليمه صحة - طب بديل - تغذية - أعشاب طبيعية يشمل مواضيع الصحة , طب بديل , تغذية , أعشاب , رجيم , رشاقة , حمية ,انظمة و برامج الرجيم , وصفات اكلات طبية و صحية , اعشاب طبية طبيعية , مواضيع لـ مشاكل السمنة ,فوائد الخضروات و الفواكة , فوائد فيتامين الفيتامينات , حلول و نصائح طبية لـ مشاكل صحية و غيرها

إضافة رد
 
أدوات الموضوع
قديم 07-17-2015, 11:49 AM رقم المشاركة : 1
معلومات العضو
همس الحب

الصورة الرمزية همس الحب

إحصائية العضو







همس الحب غير متواجد حالياً

 

افتراضي علاج سحرى فورى لارتجاع المعدة (ارتجاع المرئ)

علاج سحرى فورى لارتجاع المعدة (ارتجاع المرئ)

هل بعد ما تتعشى وتنام بتلاقى عصارة طعمها مر تطلع فى زورك او احيانا الى فمك وربما أنفك؟ وتشعر باختناق يصحيك من النوم؟ هل بعد تناول الطعام تشعر بحموضة وتتجشأ (تتكرع) كثيراً – هل يتكرر شعورك بانتفاخ وخروج غازات محرجة؟
هذه كلها أعراض مرض ارتجاع المرئ او ارتجاع المعدة وحموضة المعدة – وعندى لكم علاج سحرى وفورى – بدون أى ادوية ولا أى حاجة: فقط توقف تماما عن تناول النشويات – العيش والرز والمكرونة والسكريات – جرب 48 ساعة فقط – يعنى يومين اثنين – ستفاجأ بأن كل الاعراض السابقة قد اختفت تماماً فيما يشبه السحر! ..والتجربة خير دليل
تابعونا على الفيس بوك – اضغط على الصورة
حأقول لك على حاجة – تعالى نعمل التجربة دى وتحدى: اتعشى قبل النوم مباشرة اكتر أكل دسم عندك – فراخ محمرة بالسمن البلدى – طبيخ مسبك – لحمة ضانى – زى ما تحب – بشرط لا تاكل عيش ولا رز ولا مكرونة ولا حلويات ولا اى حاجة فيها سكر – ونام – وشوف بنفسك
التجربة دى جربتها بنفسى كتير – وجربها اصدقائى – النتيجة نوم ملائكى حتى الصباح – والاستنتاج ان اللى بيتعب المعدة ليس الدهون ولا البروتيانات – اللى بيتعب المعدة والجسم كله هى النشويات والسكريات – ولو التهمنا خروف كامل ونمنا حننام زى الملايكة – اما لو كلنا معاه معلقة رز واحدة او لقمة عيش واحدة فقط حتبقى ليلة سووووودة!
لكن للأسف كل ما أقول الطريقة دى لحد يقول لى صعب استغنى عن العيش والرز والمكرونة – أمال آكل ايه؟ واشبع ازاى؟
ياعم بس جرب – حتخسر ايه؟ دول يومين اتنين – وصدقنى حتدعيلى – ولو استمريت على النظام حتدعيلى بقية عمرك
طول عمرك بتاكل عيش ورز ومكرونة – عملوا لك ايه؟
بيقولوا لى: طب امال حنشبع ازاى؟ الحل بسيط: كلوا دهون وبروتينات زى ما انتو عاوزين – كل الدكاترة التقليديين ينصحون بالابتعاد عن الاكل الدسم – كلام سليم؟ لأ ..خطأ خطأ خطأ – انا بقى باقول لك كل دسم براحتك خالص – انشالله تشرب سمن بلدى شرب – ولا يهمك خالص – دة مش كلامى – دى احدث الدراسات اللى خرجت من السويد وتوصلت الى ان افضل نظام غذائى اسمه LCHF عبارة عن دهون وبروتيات باى كميات – مع منع تام لكل انواع النشويات والسكريات – وهو احدث نظام غذائى فى العالم وبدأ ينتشر فى كل اوروبا ووصل امريكا ويحقق نجاحات مذهلة – وهو ليس فقط علاج لارتجاع المعدة – لكن ايضا علاج لكل انواع الالتهابات فى الجسم – بما فيها مرض السكر والروماتيزم وامراض الدم والقلب وتصلب الشرايين والجلطات
على فكرة النظام دة مش جديد – اجدادنا كانوا كل اكلهم بالسمن البلدى ولم يعرف اجسامهم ولا مرض من أمراض العصر التى نعانى منها – كل أمراض العصر ظهرت من 80 سنة – وهو نفس التوقيت اللى ظهرت فيه الصناعات الغذائية وبدأت تستخرج القلب النشوى فقط من الحبوب وحرمتنا من الأطعمة الطبيعية كما خلقها الله وقدمت لنا انواع المسلى الصناعى المدمر لصحة البشر بما يحويه من زيوت مهدرجة trans fats لا توجد فى اجسامنا انزيمات تهضمها لانها مواد غير طبيعية غريبة عن جسم الانسان
وحتلاحظوا لو جربتوا نظام LCHF ان الدهون الطبيعية والبروتيات هى اللى بتشبع وليس النشويات – النشويات سريعة الهضم – اما الدهون والبروتيات فتمد الجسم بطاقة أعلى تستمر لفترات أطول – وحتكتشف ان احساس بالجوع بيتأخر عن الاول وبالتالى حتاكل أقل – عكس ما الناس فاكرة – النشويات عمرها ما بتشبع الا وقت قصير ونجوع بسرعة تانى
اصدقائى وأقاربى منهم اللى سمع بنصيحتى وجرب – ومنهم اللى رفض حتى يحاول وقال صعب قوى – اللى جربوا لم يصدقوا نفسهم ومازالوا يواظبون على النظام دة وصحتهم تحسنت جدا واصبحوا اكثر نشاطا وحيوية وفقدوا الكثير من وزنهم – ايوة انظام دة بيخسس – كل دهون طبيعية وبروتينات براحتك باى كميات مع سلطات – وحتخس مهما كلت – طالما منعت النشويات والسكريات من طعامك
الدهون الطبيعية فى هذا النظام تشمل الزبدة الطبيعية والسمن البلدى والزيوت مثل زيت الزيتون وزيت بذر الكتان (الزيت الحار) – لكن ممنوع تماما استخدام السمن النباتى لانه عبارة عن زيوت مهدرجة مدمرة لصحة الانسان
واللى رفضوا يجربوا ما زالوا يعانون من مشاكلهم الصحية عشان رافضين يستغنوا عن النشويات
ياترى انت قرارك ايه؟ تجرب يومين وتشوف بنفسك؟ وللا تحرم نفسك وتستمر كما انت؟
اذا قررت تجرب يا ريت تشاركنا تجربتك وتكتب لنا النتيجة هنا بعد يومين – عشان تكسب ثواب وتساهم فى تشجيع الناس على انهم يجربوا مثلك – أنا فى حاجة الى مساعدتكم فى إقتاع الناس اللى مش راضية تجرب وحارمة نفسها من صحة ونشاط وحيوية هم فى أشد الحاجة لهم
اذا جربتم طريقتى وكتب الله لكم الشفاء ارجو ان تدفعوا أجرتى – وهى ان تطلعوا حاجة لله – تتصدقوا بأى مبلغ للفقراء والمساكين – وان شاء الله الاجر والثواب لكم وان شاء الله أفوز معكم بجزء من الثواب
يمكنكم ايضا متابعتنا على الفيس بوك من خلال صفحة علاج ارتجاع المعدة بدون ادوية
مع تمنياتى لكم جميعا ان يمتعكم الله بالصحة والسعادة






آخر مواضيعي 0 عن مرض السكر
0 ٩٥- صحة المرآة.. كل مايهمك لتعرفيه حول اسرار جسمك وصحتك/حلقة المليون
0 القرع العسلي
0 دكتور كريم علي - الضعط العالي
0 دكتور جودة محمد عواد والمنظومة العلاجية
رد مع اقتباس
قديم 07-17-2015, 05:18 PM رقم المشاركة : 2
معلومات العضو
طارق سرور

الصورة الرمزية طارق سرور

إحصائية العضو







طارق سرور غير متواجد حالياً

 

افتراضي رد: علاج سحرى فورى لارتجاع المعدة (ارتجاع المرئ)

طرح رائع ومعلومات قيمة ومفيدة

شكرى وتقديرى اختى همس الحب







آخر مواضيعي 0 خوف
0 اسرار
0 اللهم اجعلنا من المحسنين
0 اعرف مين هى مصر
0 البقلة
رد مع اقتباس
قديم 10-29-2015, 12:12 PM رقم المشاركة : 3
معلومات العضو
همس الحب

الصورة الرمزية همس الحب

إحصائية العضو







همس الحب غير متواجد حالياً

 

افتراضي رد: علاج سحرى فورى لارتجاع المعدة (ارتجاع المرئ)

شكرا للمرور القيم

محبتي للجميع






آخر مواضيعي 0 عن مرض السكر
0 ٩٥- صحة المرآة.. كل مايهمك لتعرفيه حول اسرار جسمك وصحتك/حلقة المليون
0 القرع العسلي
0 دكتور كريم علي - الضعط العالي
0 دكتور جودة محمد عواد والمنظومة العلاجية
رد مع اقتباس
إضافة رد

مواقع النشر

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 11:02 PM.


Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Content Relevant URLs by vBSEO 3.6.0 (Unregistered) Trans by

شبكة صدفة

↑ Grab this Headline Animator