عزم المصري على ان يفعل ما فكر فيه لكى يضمن ولاء المشرفين ويبعث فى قلوبهم حب المنتدي من جديد
اخذ يكتب رسالة يبعتها للمشرفين والمشرفات وكان نصها
بسم الله الرحمن الرحيم
اخوتى واحبتى (المشرفين والمراقبين)يامن جمعنا الحب فى الله ولا شئ سواه
يامن تعاهدت قلوبنا قبل ايدينا على حمل لواء الحق ونصرة دين الحق من خلال منتدانا يامن
جمع قلوبنا وألف بينها
يامن انتم لى كاخوتى واهلى
وأنا لكم كأخ حبيب
اذكركم بالعهد واجددلكم الوعد
وأطلب منكم ان تظلوا كسابق عهدى بكم
يد واحده قلب واحد جسد واحد
اذا اشتكى منه عضو وجد باقى الاعضاء تسهر وتتالم لشكواه
وأسأل الله أن لا تفرقنا الايام وأن نظل جميعاً على عهودنا ونرتقى معاً بديننا لنلتقى فى الجنة ان شاء الله
قد تتعجبو لم هذه الرساله فى هذا الوقت بالتحديد
اقول لكم يااحبتى
أشعر بأننا لا بد أن نكون كالحائط المنيع القوى أمام أى محاوله لهدم هذا الصرح أوالمساس بأمنه
واذا كان البعض يظن أن المصري هو المنتدي
فلنعلم الجميع أن كل افراد الاشراف والاداره والاعضاء هم احمد المصري
كلنا واحد وان لم يبقى منا سوى واحد فسيحمى هذا الصرح العملاق بدمه وروحه
اخيرا اخوتى واحبتى
اوصيكم ونفسى بتقوى الله فى السر والعلن حتى يوفقنا الله ويسدد خطانا ويجمعنا ولا يفرق شملنا أبدا ولا يمكن منا عدو ابدا ولنبقى دائماً فى سبيل الله نعمل
دمتم اخوتى واحبتى ودام بيننا الحب والاخاء فى الله والسلام عليكم ورحمة الله وبركاته
انتهى من كتبتها ثم ارسلها لكل فريق العمل ثم توجه بعد ذلك للمكان الموجود فيه نوبي انا
تلقى المشرفين الرسالة والتى احدثت فى قلوبهم اثرا طيبا وجرت الدماء فى عروقهم وتعاهدوا من جديد انهم سيكونون للمصري نعم الصحبة وسيفدونه بكل غال ونفيس
ولقد اتفقت اميرة زماني مع جابر المجبري ان يتقابلوا فى مكان ما
اميرة زماني : ازيك عامل ايه
جابر المجبري : الحمد لله بخير ها قولى بسرعة ايه الشغل اللى حياكلنى الشهد ده
اميرة زماني ضاحكة: على مهلك مش نشرب حاجة الاول
جابر المجبري: بعدين بس قوليلي على الشغل
اميرة زماني خافضه صوتها: الشغل بسيط جدا تعرفلى مين هو المصري وتساعدنى فى كده
جابر المجبري : المصري مين ؟
اميرة زماني: لآ ركز كده معايا احمد المصري بتاع منتديات صدفة
جابر المجبري مستغربا: ليه
اميرة زماني: عادى جدا ناس خايفة عليه وعايزة تحميه فقالتلى اعرف هو مين بالظبط وبعدين ديه فيها فلووووس كتير والمقابل بسيط ما احنا كده كده بندخل المنتدي بالساعات حد بيدينا حاجة اهو نبقا استفدنا
جابر المجبري: الناس دول الحكومة صح يعنى انتي عايزنى اخون اصحابى
اميرة زماني: وليه تسميها خيانة هو احنا حنعمل ايه احنا بنسترزق وبعدين انت عارف المعيشة صعبة تقدر تقولى بشكلنا ده حنتجوز امتى ونفتح بيت اراهنك على .50. 39 ,38 سنة يعنى حنكون عجزنا
فكر فيها كويس
جابر المجبري بيفكر فى كلام اميرة زماني: طاب افرضي حد عرف منهم حيبقى ايه العمل
اميرة زماني: ما تخافش احنا مسنودين من فوق قوووووووى فاهم
جابر المجبري وقد اقتنع بكلامها: انا معاكي يا اميرة
اميرة زماني: اهو كده الكلام خلينا نقول للفقر سلام
وانهوا حوارهم على كده واتفقوا على اللى حيعملوه وفى جاااااانب اخر كانت ام سندس تتحدث لسلسبيلا
ام سندس : السلام عليكم ازيك يا سلسبيلا
سلسبيلا : وعليكم السلام انا الحمد لله بخير وانتى عاملة ايه
ام سندس : الحمد لله كنت عايزة افهم من حضرتك حاجة ازاى توافقى ان نور انها تحضر لقاءنا
سلسبيلا وقد ضحكت بشدة: اضحك الله سنك انتى فكرك انها لو حضرت معانا تقدر تعرف حاجة خليها تعرف انا عارفة انا بعمل ايه كويس فى الاخر حتلاقى نفسها انها ماسكة خيط مالهوش نهاية بينا
وبعدين انا عايزة اختبارها ما تخافيش انا حبيبة برده
ام سندس :طاب طمنتينى خلاص اشوفك فى اللقاء
سلسبيلا : ان شاء الله
وانهوا الحوار على كده
اجتمع احمد المصري ب نوبي انا وهدهد وابو عبد الرحمن واخذ يتكلم معهم عن دور كل واحد فى العملية المتعلقة بالمنتدي وماتنسوش ان لازم امن الدولة حياخد حد من المشرفين فلازم احنا نسبقهم بخطوة وكمان لازم نرجع جنة من المعتقل عشان امها زعلانة والبت متدشدشة
فى الحلقة القادمة لقاء هل حواء سيغير من مجرى احداث القصة تماما ازاى؟
هل احمد المصري كان يعلم بامر العميلة نووووررررر؟
انتظروووووووونا
05-09-2009, 04:12 PM
رد: هل سيتم القبض على أحمد المصري ؟؟؟
