ڪاڼ ڸكـ قڶٻے مڍۑنھ ۅ ڵا حڟ ٳنے قڶټ ڪاڼ

[ملكة بإحساسي]

彡 ڪاڼ ڸكـ قڶٻے مڍۑنھ ۅ ڵا حڟ ٳنے قڶټ ڪاڼ 彡
..

ما تغيَّر شي .. لكن .. صار فاضي هالمكـان
يعني إنتَ شفت قلبي! طحت مِنْ عيني وعينـه


كان لك قلبي مدينه ولاحظ إني قلت : { كان }
يعني إنتَ الحين واحد { خارج حـدود المدينه }


ليه مستغرب كلامي وليـه أعطيـك الأمـان ..!
وليه تَكْذِب في كلامك العـذر وينـك ووينـه ..!


ما ألومك كان قلبـك ثـارت أمواجـه وخـان
الخطــا منَّي لأني صرت فـي بحـرك سفينـه


والسؤال اللَّي كتمته وما نِطَـق فيـه اللسـان
كيف إيدك إطعنتني وآنا أحْسِبْهَـا أمينـه ..!


جرحي ما يرضيه قلبك لو يجـي كلِّـه حنـان
لو تبــوس الجرح فيني ولـو تقبلهـا إيدينـه


يُوم أحبك قلت كلمه : { يكرَم المرء أو يُهان }
وإنتَ قلبي ما كرمته وما قدرت إنِّـك تهينـه


{ عزِّتـي } .. ما هي جديده آنا شامخ من زمان
إغسل إيدك من رجوعي وروح يا إبن اللذينه


طاب خاطر قلبي منِّك وهذي الفرقـى رهـان
وحتَّى لو قلبي يحبـك ربِّـي بفراقـك يعينـه


تدري لما قلت أحبك قلت وما عنـدي ضمـان
وإختياري كان خاطىء .. تجربه بالحيـل شينـه


كنت تخطي وكنت أسامح مرَّه مرتين وثمـان
أدمح الزله عشانك وأكتـم أنفـاس الغبينـه


كنت أحبك وكنت أعزك والغلا فينـي جبـان
اخاف تزعل لو ألومك ضعت ما بينـك وبينـه


في عيون الناس عادي بس في عيني جنـان
وكان قلبي من يشوفك تفضحه نظـرة حنينـه


ماني أوَّل من يحب ومنتَ آخر شخص خـان
المحبه في زمانك بحـــرها من غيـر مينـه


الفشل .. كان النتيجه وأعتقـد آن الأوان
ببني مستقبل حياتي وأنسى قصتنـا الحزينـه


وخطوتي الأولى غيابك وراح أطبقها عشـان
يبكي قلبك لا فقدني والندم .. يملـي سنينـه


جاي تسأل عن مكانك ..! هو بقى فيني مكان ..!
الله يرحمها المشاعر اللي كانت لـك رهينـه


قلت لك قلبي { مدينـه } فيها لك حشمه وشان
لكن إنتَ الحين أغرب شخص في هذي المدينه
..

ممآ رآآقـ لـيـ ..
دمتم بحفظ الله ورعآيته .. / تحيــآتــيــ ..

[marmer]

جرحي ما يرضيه قلبك لو يجـي كلِّـه حنـان
لو تبــوس الجرح فيني ولـو تقبلهـا إيدينـه

روعة يا امل

كلمات قوية جدا

تسلمى

[لمسة دفء]

{ عزِّتـي } .. ما هي جديده آنا شامخ من زمان


فعلا أحمد الصانع ابدع فى قصيدته قلبى مدينة

أحبها جدا جدا


تسلمى أمل على اختيارك الرائع

لك كل الود