أمثال شعبية في صدفة-الجزء الثاني

جنة · 07-14-2009, 02:12 PM

الباب اللى يجيلك منه الريح سده و استريح

الباب المفتوح عمره ما ينقفل

الباب المفتوح مفضوح

بات غلبان و لا تباتش ندمان

باب النجار مخلع

بات مغلوب و لا تبات غالب

الباشا من هيبته بيشتم فى غيبته

البانى طالع و الفاحت نازل

بتجرى الخايبة للغايبة

بتضحك على ايه و حملك من ورا مايل

بتحلى الجزار فى الذبيحة

بجوالته يربى رجالته

البحر واحد و السمك ألوان

بخت العفنة بالحفنة و بخت الشطار شمر و طار

بختى أمى أداتهلى كان شوية زودته لى

بدروا بالافطار قبل ما تجيكوا الأخبار

البدرية بتولد خروف و الكلبة بتولد ألوف

بدوى مجروح لقى نمر مطروح قال فين أروح

\\\\يتبع ...////

جنة · 07-14-2009, 02:19 PM

برد الصيف أحد من السيف

برة وردة و جوة قردة

برية يا أمه من الحمة و لو كانت ملكة من السما

بركة يا جامع جت منك و ما جتش منى

بركة يا فنا اللى خدته هو و خلتنى أنا

بصلة المحب خروف

بضاعة و الناس جواعة ؟ !

بطلوا ده و اسمعوا ده

البطيخة القرعة لبها كتير

البطيخة ما تكبرش إلا فى لبانتها

بعد جوعه يرجع لمرجوعه

البعد جفا و القرب صفا

بعد السلام تفتيش الأكمام

بعد سنة و ست أشهر جت المعزين تلطم

بعد الكتير و بعد ما كنا صبح القليل يجبر بخاطرنا

بعد ما راح بقى سكرة

بعد ما كان بينام على المصطبة نجدله لحاف و مرتبة

بكرة تروحى يا ناكرة خيرى و تشوفى زمانى من زمان غيرى

بكرة تقوم القيامة و ينصبوا الميزان و يبقى المعدى يعدى و الشقى حيران

بكرة نقعد على الحيط و نسمع الزيطة

بلدك فين يا جحا قال : اللى فيها مراتى وولادى

بلد محدش يعرفك فيها امشى و شنكح فيها

\\\\يتبع ...////

جنة · 07-14-2009, 02:25 PM

بنات الحراير دخاير

البنات زى البرسيم ساعة كده و ساعة كده

بنت الأصل تخاف من العار و لو بالنار ضربوها

البنت لما تكبر تقول الجبر يا القبر

بنى آدم فيه طبع و الطبع فيه غالب ديل الكلب ما ينعدل لو علقت فيه قالب

بوس ايد حماتك و لا تبوس ايد مراتك

بوس راس مراتك فى الفرشة و لا تبوسهاش فى الجلسة

بيقولوا طور يقولوا احلبوه

بيلاعب الحية و يخاف من التعبان

بين البايع و الشارى يفتح الله

البيض الجربان يلم على بعضه

\\\ والسلامـ عليكمـ ///

جنة · 07-14-2009, 02:27 PM

يسلموووو يعرب على روعة المرور
اسعدك ربي

ساجده · 07-14-2009, 02:28 PM

السلام عليكم

هههههههههههههههههههه

المشكلة انه برضه فى كلام ينكتب مش صح

اتقنى اللغة بقى ياجنة علشان تاخدى الجنسية

ههههههههههههههههههههههه

اسعدك ربى