جايبالكم طريقة حلوة ومختلفه للجيلى بدل الجيلى العادى والتقليدى اللى بنعمله
هتعجب الاطفال والكبار وكمان مش بتاخد وقت خالص وبتنفع لو جايلك حد وعاوزة تعملى حاجة حلوة وفى وقت بسيط
يلا نبتدى
المقادير:
2 علبة جيلى
كيس كريم شانتيه
بسكوت مارى او تايجر او اى نوع بسكوت ساده
ماء ساقع وماء ساخن لتحضير الجيلى
فواكه طازة حسب الرغبة
لبن لتحضير الكريم شانتيه
نضع كوب ماء مثلج واخر مغلى ونضع فيه مسحوق الجيلى مع التقليب المستمر (طريقه عمل الجيلى مكتوبة على العبوة)
بعد كده نقطع قطع الفاكهة ونحطهم فى قالب عميق
بعد كده نسكب الجيلى على الفواكه بالشكل ده
وهيبقى شكله كده
وبعدين نضعه فى الثلاجه حتى يتماسك الجيلى حوالى 3 ساعات وده شكله بعد ما خرج من الثلاجة
بعد كده نحضر الكريم شانتيه
نفرغ محتويات الكيس فى وعاء عميق
نضع كمية اللبن المكتوبة على الكيس وتضرب بالمضرب الكهربائى
وده شكله بعد الضرب بالمضرب الكهربائى
بعد كده نوزع الكريم شانتيه على وجه القالب ونرص قطع البسكويت عليها بالشكل ده
ولو فاض كريم شانتيه ممكن تزودى تانى على الوش طبقه تانية
يعنى كده
وده شكله النهائى من الجنب