والله وحـشـتــــــونا ....

[أبو عبد الرحمن]

السلام عليكم

دخلوا القلوب بلا استئذان

ونوروا صدفة بكل النواحى و الأركان

ابتسامتهم لها طعم مختلف

ومشاركاتهم ومواضيعهم جميلة .... من الياء للألف

بجد وحشتونا

صحيح غبتوا عنا بالمشاركات الجديدة
لكن أرواحكم تسرح فى ثنايا المنتدى

وتحوم حولنا ... لتجبرنا على الدخول في مشاركاتكم للإطمئنان عليكم .

يا رب ترجعوا لينا فى أقرب وقت

ويا ريت لو حد من الأخوة الأعضاء

عنده أخبارهم

أو متواصل معاهم

يا ريت يطمنا عليهم

إلى كل غائب من أعضاء صدفة

قلوبنا معاكم

يا رب يفرج كربكم

ويفرح قلوبكم

وترجعولنا سالمين

فى أقرب وقت

كل التحايا لقلوبكم النقية

أمنا الغالية فجر
أختنا هدهد
أختنا مرمر
أختنا بحر
عمنا الغوووووووول

وكل الأخوة والأخوات الغائبين كل أحد بإسمه

منتظرينكم

ويحدونا الأمل إلى رؤياكم

[لمسة دفء]

الأخ الكريم


أبوعبدالرحمن


لفتة رائعة ومميزة منك

وهذا ليس بجديد على شخصكم الكريم


حقا نفتقدهم ونشتاق لتواجدهم الطيب معنا

ورغم غيابهم فهم بالقلب دوما


دعواتنا لهم بالخير والسعادة أينما كانوا



ونتمنى تواجدهم الرائع بيننا

[أبو عبد الرحمن]

تسلمى مشرفتنا الطيبة

بارك الله فيك

نورت الموضوع

جزاك الله خيرا

[اميرة صدفة]

يا رب يفرج كربكم


ويفرح قلوبكم


وترجعولنا سالمين


فى أقرب وقت

اخي ابوعبدالرحمن

طرح في قمه الروعه

فنحن نفتقدهم بالفعل

هدهد ضحكه صدفه

همس الليل

مرمر

وكل الغايبين

نتمنى لهم كل التوفيق

تحياتي وتقديري

[أحمد اسماعيل]

الله يحفظك ابو عبد الرحمن



والله تأثرت جداً



ايام وليالى سهرنا فيها


شهد الحياة واستبرق

همس الليل وإيمان

نبض القلم .. فاطمة حمدى


كثير وكثير

دانا بنت العراق



كل من غاب عنا وكل من كتب حرف هنا


ادعوا الله لكم ان تكونوا بصحة وعافية وخير

[ساجده]

انا ممكن اطمنكم على بعض الاشخاص

نبدأ بالرجال ههههه

على عبد الهادى اتزوج ومعندهوش نت فى شقته الجديدة (اتفقر ياعينى ههههههه )

منى القلب انتو عارفين ظروف العراق والكهربا دايما بتقطع ندعو لها انه ربى يحميها لانه مفتقداها جدا

مرمر وقتها ضيق بسبب ابنها وبيتها وكده بس الحمد لله هى بخير ولسه مكلمانى امبارح

موناليزا كمان هتتجوز الحمد لله ووقتها بقى ضيق

همس الليل برضه الزواج وكده ربى يسعدها يارب

نبض القلم قالوا برضه انها اتزوجت

الظاهر اللى بيتجوز بيقطع علاقته بالنت ولا ايه


لفتة رائعة منك ابو عبد الرحمن

جزاك الله خيرا

يارب نطمنوا على الباقى

[marmer]

يعنى من الاخر اى حد غايب نعتبرة

فى عداد المتزوجين


ربنا يسعدهم جميعا يارب

وياريت لو حد يعرف حاجة عن اى شخص غائب يطمنا

ويبطل بخل


تسلم ابو عبدة على اللفتة الرائعة

وتسلمى ساجدة

على اخبارك اللى كنتى مخبياها عننا وحشة ههههه

[ام معاذ]

عقبال ما نحسبك فى عداد المفقودين مرمير
اقصد المتزوجين
هههه


فعلا فى قلام نشتاق لها

هدهد و جلسة المسطبه

وبحر النسيان وحرفها الراقى

وسوسه مدسوسه وشقاوتها الجميله

جزاك الله خير اخى على هذى اللفته الطيبه

بارك الله فيك

[نور]

يااااااااااااااااارب
كم نشتاق لحضورهم دقائق
فهم على البال والخاطر
دوما نتذكرهم بالخير
دعواتنا لهم ان يسعدهم المولى
اينما كانوا
فلا نملك الا كل الدعاء بالتوفيق والسداد
همس الليالى
ايمان بالله
شهد الحياة
فراشة
صدفة او فاطمة حمدى
منى القلب
بسمة امل
موناليزا
وهدهد
وعاشق الاهلى
وامير الاحزان
فجر
اسعدكم ربى بكل اموركم وديما لاتغيبوا عنا
فاارواحكم ترافق دربنا كلما اشتقنا نجد حروفكم الراقية
تدلنا على الخير بقلوبكم
سلمت اخى
ابوعبد الرحمن
بارك الله فيك
دوما سباق للخير وفكرك يسعى اليه سعيا حثيثا
جزاك عنا المولى خير الجزاء
وحقا لفتة طيبة وكريمة من شخصية متميزة بفكرها الراقى
دعواتى لكم بالسعادة مدى العمر
تقبل تقديرى واحترامى لشخصكم الكريم

[نوبى]

اول مرة اشوف الموضوع الهايل ده

لان فى بالى ناس كتير جابر المجبرى وبالصدفة

انى ارسلت من ساعات رسالة لاخونا جمال الدين فهمى

بمناسبة مشاركة كانت بطريقى

الله يطمنا

على كل الغايبين

وحشتنا ابو عبودى

المائدة عامرة اتفضل انت صاحب بيت ومش محتاج عزومة

وكل صدفة كمان يارييييت