العودة   شبكة صدفة > المنتديات العامة > منتدى صدفة العام

منتدى صدفة العام مواضيع عامة, مقتطفات, مواضيع جديدة، معلومات عامه.

موضوع مغلق
 
أدوات الموضوع
قديم 02-26-2010, 06:33 PM رقم المشاركة : 1
معلومات العضو
اكرم شكرى

الصورة الرمزية اكرم شكرى

إحصائية العضو








اكرم شكرى غير متواجد حالياً

 
إرسال رسالة عبر MSN إلى اكرم شكرى إرسال رسالة عبر Yahoo إلى اكرم شكرى

Icon26 ساجدة تفتح قلبها

بسم الله نبدأ




اعزائى اهل صدفة




اليوم نفتتح قلب رائع










بدون مشرط ولا عمليات




ولا مستوصف ولا مستشفيات




نفتح قلب صادق قلب طيب مخلص




قلب يستمد قوتة من قوة ايمانة




قلب رائع بكل معنى




قلب يؤثر فينا ونؤثر فية




القلب الدائم الخوف




قلب العزيزة علينا جميعا

قلب لها من اسمها نصيب فى شخصيتها







ســــــــــاجـــــــــدة



القلب الرقيق




وبسم الله نبدأ فتح قلب ساجدة



ســـــاجــــــدة





انعم الله عليكى





مش هنفكرك انك هتتكلمى بصراحة ولا تجمل ولا مجاملات




واعرفك ان ليكى الحق بعدم الاجابة على اى سؤال




منتهى الحرية فى الاجابه من عدمها




( اياكى مش تجاوبى على اى سؤال ) فاهمة؟؟




اولا اهلا وسهلا رقيفة صدفة








اتفضلى استريحى على الكرسى ده









عارف انة عجبك مش تلعبى فية عشان دة عهدة





فنجان شاى بالنعناع يا ولد لساجدة









تحبى كيك مع الشاى اتفضلى



وكمان شيكولاتة










عرفينا بنفسك لو سمحتى









ممكن نتعرف بأسمك ان حبيتى/؟






عمرك اذا حبيتى/؟




جنسيتك /؟




الحالة الاجتماعية/؟




اتولدتى فين/؟




عايشة فين الان/؟




بتشتغلى اية/؟






مكان العمل /؟






فصيلة دمك/؟




عرفينا على شخصيتك






اللون المفضل ليك؟




الوردة المفضلة؟






تحبى الكلاسيك ولا الكاجوال ؟




فريق تشجعية ان كنت من هواة الرياضة؟




مارست رياضة معينة من قبل؟


وفكرتى فى الاحتراف ؟ هههههه




هواياتك؟




عدد اخواتك كام وترتيبك فيهم ؟





اية ممكن يستفزك؟




ايه ممكن يبكيكى؟




ايه يخليك تبتسمى؟




صفة تكرهيها؟




صفة تحبيها؟




امتى ممكن تكذبى؟




بتحب اية اكتر الصيف ولا الشتاء؟




تحب اية اكتر الليل ولا النهار؟







مريتى بتجربة حب /و كام تجربة؟





ساكن قصادى وبحبة ....فهمانى طبعا ...كان فية ابن الجيران والحجات دى ؟؟؟؟

فاكرة اول مرة اتعاكستى فيها ؟

وكان اية رد فعلك وقتها ؟




طفولتك كان شكلها اية ؟




مادة دراسية حبتيها ومادة كرهتيها ؟




كلمينا عن عيوبك




كلمينا عن مميزاتك





بتحاسبى نفسك ولا سيباها لله ؟





فرصة جتلك وما استغلتيها وندمتى بعدها ؟





ما هو حلمك الذى لم يتحقق ؟





عندك اصدقاء ؟/ عرفينا عليهم (غيرى طبعا)




مدى ثقتك فيهم / بتحكيلهم كل حاجة ولا مش كل حاجة؟




اخبار دموعك اية / قريبة / بعيدة ؟؟




ما قدر حبك لنفسك ؟




بتغيرى من حد او على حد / حبيب- اخ –اب- ام- صديقة- مثلاً ؟





امتى تكتأبى وتقفلى غرفتك على نفسك وتنعزلى ؟





الغرق بين معاملة بابا وماما ليكى / ومين فيهم احن عليكى؟





حسيتى يوم بتفرقة فى المعاملة بينك وبين اخواتك ؟




تشربى حاجة




نسكافية يا ولد









نرجع للاسئلة




المرأة مخلوق غامض ولاواضح ؟




قلتيلى اسمك اية ؟




بتعرفى تطبخى ؟




اكله بتحبيها ؟




اكله تبعدى عنها ؟




بتعملى رجيم ؟




بتحبى الارانب ؟




اية اسعد يوم مر عليكى ؟




اية اليوم الى تحبى ما يرجع تانى ؟




رحلة قمتى بيها ما تنسيها ؟




مكان تتمنى تزورية ؟




احكيلنا مقلب عملتية فى حد ؟




ومقلب اتعمل فيكى ؟




تفهمى فى السياسه ؟




شخصية سياسية تحترميها من هو ؟




لحد امتى هتفضل مشاكلنا العربية بدون حل ؟




كلمتين تقوليهم لرئيس بلدك / خفاف عشان نروح بالسلامة فهمانى طبعاً ؟




وزير مضايقك تقوليلة اية/ واى وزارة ؟




لو كنتى فى منصب مهم او وزيرة تحبى تمسكى اية ولية؟




ممكن تشكلى وزارة من اعضاء صدفه على حسب شخصية كل عضو فى مخيلتك ؟




شخصية اسلامية تركت فى نفسك علامة ؟




ما تعنى لكى الصلاة وهل تسهى على وقتها حاضر ؟




وصلاة الفجر ؟




آية كريمة دائما تخطر فى بالك ؟




وحديث نبوى ايضا ؟





اية رأيك فى ما يسمى بالفن ومدى تأثيرة بالسلب والايجاب ؟




شخصية فنية تستهويكى ؟




مثل تؤمنى بية ؟




شخصية من عامة الشعب تحترمى مهنته وتوجهي له كلمة شكر ؟




اية رأيك فى الشباب السيس الفسافيس ومصطلحات الشباب /نفض /كبر / الخ ؟؟




منتدى صدفة به عيوب ومميزات ؟




ابدأى بالعيوب




ثم المميزات




اقرأى الصفات دى وحطى امام كل صفة اسم عضو ؟




طيب




خفيف الظل




متحفز دائما




عصبى




وفى




مستفز




غامض




وميض يظهر ويختفى




صديق




لا غنى عنة




ماذا ينقص صدفة




نصيحة نضعها امام اعيننا تنصحينا بها ؟




عضو تتمنى تشوفى اسمة فى الاشراف ؟




عضو قريب من فكرك ويفهمك على طول الخط ؟




عضو دائما تختلفى معه ؟




عضو تتمنى رجوعة ؟




بتفكرى فى اية حالا ؟



سؤال تحبى نسألة وما سألناه




مش كفاية كدة




تحبى نستضيفك تانى ولا حرمتى




اتفضلى المبغ الى طلبتية






قبل ما تمشى قوللنا نكتة




اتفضلى عشان الكرسى ايجار بالساعة





ونسيبك للاعضاء يسألوكى




ونفكركم 10 اسئلة فقط
لكل عضو






آخر مواضيعي 0 أم متوفاة تنجب طفل
0 توافق ام ترفض .... متجدد
0 اتدع اليأس يأخذ مجرآه ؟؟؟؟
0 مهارات الحفاظ على الحياة الزوجية
0 مبارك والوجة الاخر
قديم 02-26-2010, 06:55 PM رقم المشاركة : 2
معلومات العضو
marmer

الصورة الرمزية marmer

إحصائية العضو








marmer غير متواجد حالياً

 

افتراضي رد: ساجدة تفتح قلبها

هههههههههههههههههههههههه

رووووووووووووووووووورى

فرحااااااااااااااااااانة فيكى

ارقص يا حضرى

ارقص يا حضرى

حبيبى يا رقة فاكر ولا لا

هههههههههههههه

احسن

هيييييييييييييييييييييييي يييييييييييييييييييييية

هيييييييييييييييييييييييي ييييييييييييييييييييية


هيييييييييييييييييييييييي يييييييييييييييييييية

العيد فرحة يا سلام

غنوا وباركوا

هيييييييييييييييييييييييي يية



اختيار جامد يا ابو منون

احييييييييييييييييييييييي ييييييك

من معاميع قلبى الداخلية

جاااااااااااااااوبى يا عمرى


خدى

عروسة المولد اهى



دى رسمة مش بتتاكل ههههههههههه

سلام يا روووحى رووحى روووحى







آخر مواضيعي 0 حلمي لأيامي الجايه
0 صفات الله الواحد
0 عيش بروح متفائله ونفس مؤمنه
0 إبتهال قصدت باب الرجا
0 كونى انثي
قديم 02-26-2010, 07:37 PM رقم المشاركة : 3
معلومات العضو
لمسة دفء

الصورة الرمزية لمسة دفء

إحصائية العضو







لمسة دفء غير متواجد حالياً

 

افتراضي رد: ساجدة تفتح قلبها

السلام عليكم


أخى أكرم ....اختيار مميز جدا


ساجدة .....رائعة الحضور

صاحبة الشخصية القوية


ساجدة


ربى يعينك على الأسئلة


دوم يارب متألقة الحضور






آخر مواضيعي 0 العيد قرّب / والحبايب بعيدين.وانا عيوني ولّمَتْ (دمعة) العيـن..
0 تعبت أشيلك في مطارات الزمن شنطة سفر
0 غازي القصيبي ورومانسية بلا حدود.
0 أكتب اليك...و انا خاائفه ان تخدشك الكلماات..!!
0 دفتر الأيام
قديم 02-26-2010, 08:04 PM رقم المشاركة : 4
معلومات العضو
نور

الصورة الرمزية نور

إحصائية العضو







نور غير متواجد حالياً

 

افتراضي رد: ساجدة تفتح قلبها




اخى اكرم
تحية احترام وتقدير
لفكرك الذى ينثر الجمال والدفء
ويقربنا من قلوب احبتنا فى صدفة


وتحية شكر وتقدير
لااختياركم الرائع للغاية
لشخصية قمة بالجمال الروحانى ودماثة الخلق
والتدين بعيدا عن المظهرية والتكلف
بكل بساطة شخصية تجذبك بحديثها الذى يقربك من الله دوما
شخصية تخشى الله 00 طيبة وحنون واخت مقربة للجميع
ساجدة
اختى الغالية
منورة ديما بحضورك
وجميل ان نفتح قلبك لنرى ااجمل مافيه
من حب وخيروعطاء وتضحيات وصبر ومثابرة
كلنا شوق وانتظار لاجاباتك ولنا عوووودة
لنرشف من معين لاينضب لجمال فكرك وحضورك الرائع








آخر مواضيعي 0 أنا أَيضاً يوجعنى الغياب
0 ﺃﻋﺪُﻙ !
0 ذاكرة الجسد...عابر سرير ...لاحلام مستغانمي
0 أنا وانتي.. حكاية بريئة
0 إنيِّ طرقتُ البابَ ياربّ
قديم 02-26-2010, 08:18 PM رقم المشاركة : 5
معلومات العضو
رقة الاحساس

الصورة الرمزية رقة الاحساس

إحصائية العضو







رقة الاحساس غير متواجد حالياً

 

افتراضي رد: ساجدة تفتح قلبها

اختيار رائع وفي مكانه اخي الغالي

الله يساعدك اختي ساجده على الاسئله كلها

ومرمر شمتانه فيكي خلي بالك ههههههههههههههههه

ليا عوده بعد اجابات الاخت الغاليه القريبه من قلوبنا جميعا الاخت ساجده







آخر مواضيعي 0 ارحل وخد معك اجمل ما تركت
0 دردشه صدفه
0 شط البحر
0 أين انت ؟
0 الحزن الصامت
آخر تعديل نور يوم 02-26-2010 في 08:49 PM.
قديم 02-26-2010, 09:05 PM رقم المشاركة : 6
معلومات العضو
ساجده

الصورة الرمزية ساجده

إحصائية العضو








ساجده غير متواجد حالياً

 

افتراضي رد: ساجدة تفتح قلبها

بسم الله نبدأ

استر يارب





اعزائى اهل صدفة




اليوم نفتتح قلب رائع










بدون مشرط ولا عمليات




ولا مستوصف ولا مستشفيات




نفتح قلب صادق قلب طيب مخلص




قلب يستمد قوتة من قوة ايمانة




قلب رائع بكل معنى




قلب يؤثر فينا ونؤثر فية




القلب الدائم الخوف




قلب العزيزة علينا جميعا

قلب لها من اسمها نصيب فى شخصيتها







ســــــــــاجـــــــــدة



القلب الرقيق

كلام اكبر منى بكتيييير .. قطعت عنقى يااستاذ اكرم




وبسم الله نبدأ فتح قلب ساجدة

استر يارب



ســـــاجــــــدة

نعم





انعم الله عليكى





مش هنفكرك انك هتتكلمى بصراحة ولا تجمل ولا مجاملات

اكيد طبعا الصدق منجاه




واعرفك ان ليكى الحق بعدم الاجابة على اى سؤال




منتهى الحرية فى الاجابه من عدمها




( اياكى مش تجاوبى على اى سؤال ) فاهمة؟؟

حاضر يابيه




اولا اهلا وسهلا رقيفة صدفة






هلا وغلا




اتفضلى استريحى على الكرسى ده






ايه الحلاوة دى ربنا يخلييييك والله مرهقة ونفسى استريح





عارف انة عجبك مش تلعبى فية عشان دة عهدة

اه اسفه حاضر





فنجان شاى بالنعناع يا ولد لساجدة









جزاك الله خيرا بس ممكن واحد تانى من غير نعناع مش باحبه البتاع ده


تحبى كيك مع الشاى اتفضلى



من يومك ذوووووق يااستاذ اكرم

وكمان شيكولاتة








يدووووووووم العز


عرفينا بنفسك لو سمحتى









ممكن نتعرف بأسمك ان حبيتى/؟

ببساطة ...هند






عمرك اذا حبيتى/؟

26 سنة ( بايخ السؤال ده)هههههههه




جنسيتك /؟

مصرية طبعا




الحالة الاجتماعية/؟

بين البنين هههههههه فهمت حاجة؟؟




اتولدتى فين/؟

فى بيتنا بس فى الاوضة الصغيرة القبلى




عايشة فين الان/؟

فى بيتنا برضه بس فى الاوضه البحرى الدوشة




بتشتغلى اية/؟

المفروض يعنى انه انا عندى شغلانتين

واحدة خاصة بيا انا واخويا

والتانية فى مكان حكومى المخصص بتخليص التراخيص والحاجات دى






مكان العمل /؟

مانا قولت

شغل خاص وشغل حكومى






فصيلة دمك/؟

(o )




عرفينا على شخصيتك

انسـان,

كثيرا .....ما أخطأ

نادرا ....ماأصيب







اللون المفضل ليك؟

الاسود




الوردة المفضلة؟

الجورى






تحبى الكلاسيك ولا الكاجوال ؟

الاتنين والكاجوال اكتر




فريق تشجعية ان كنت من هواة الرياضة؟

كل واحد يشجع بلده ولو انه ماليش فى الكورة نهائى




مارست رياضة معينة من قبل؟


وفكرتى فى الاحتراف ؟ هههههه

طبعا زى البطلة العالمية السابقة مرمر لعبت كل حاجة

بس كنت بطلة فى نط الحبل

بس روحت مرة العب كارتيه مدة صغيرة وبعدين امى قالت لا انتى بنت العبى بعروسة احسن




هواياتك؟

القراءة

اقرا لحد ماعيونى يصرخوا ويقولولى ارحمينا




عدد اخواتك كام وترتيبك فيهم ؟

احنا كلنا 5 اخوات

انا الوسطانية رقم 3 أكبر منى بنتين واصغر منى ولدين





اية ممكن يستفزك؟

الغباء ,التفيقه, قلة الذوق , التفاهة , الاستظراف




ايه ممكن يبكيكى؟

ذنوبى




ايه يخليك تبتسمى؟

انا دوما مبتسمة




صفة تكرهيها؟

الكذب , المراء ,الانانية , البخل , التفاهة




صفة تحبيها؟

الصدق , الكرم , رجاحة العقل




امتى ممكن تكذبى؟

انا الايام دى طول الوقت اكذب لانه انا عايش معايا جدتى عندها 90 سنة وطبعا الشيخوخة عاملة عمايلها معاها

اكذب على جدتى لما تقولى ودينى عند اهلى فى كوم الشقافة اطلعها لحد الصالة واقولها ادينا وصلنا بس الناس قليلة الذوق مش هنا يلا نرجع ارجعها تانى الاوضة تقولى لا ودينى بحرى




بتحب اية اكتر الصيف ولا الشتاء؟

انا شخص غير شتوى بالمرة لانه بيتعبنى بطريقة غير طبيعية

انما الصيف احبه جدا وربنا يخلى المراوح والتكيف




تحب اية اكتر الليل ولا النهار؟

الليل

كافى انه ربك يتنزل فى الثلث الاخير منه ينادى عباده

اكيد الوقت اللى بيجيه محبوبك بيكون احلى الاوقات







مريتى بتجربة حب /و كام تجربة؟

ههههههههههههههههههههههههه هههههههههههههههه





ساكن قصادى وبحبة ....فهمانى طبعا ...كان فية ابن الجيران والحجات دى ؟؟؟؟

ههههههههههههههههههههههههه هه

شر البلية ما يضحك

فاكرة اول مرة اتعاكستى فيها ؟

بالتأكيد مش فاكرة بس فاكرة اخر مرة ههههههههه

وكان اية رد فعلك وقتها ؟

هاقولك اخر مرة لانها لسه من كام يوم

اتصلوا عليا وقالولى انه اختى تعمل هتعمل عمليه قابلينا بسرعة فى مكان كده قريب من مستشفى

المهم نزلت طبعا وكنت متوترة جدا ومش فاهمة حاجة ومحدش شرحلى قالولى لما نشوفوكى هنقولولك

روحت المكان ووقفت هناك واتصلت عليهم انتوا فين قالوا قريب منك اهو وقفت طبعا وانا على اعصابى واقول استر يارب واستغفر ربنا

وواقفة مش شايفة حد اصلا وعيونى على اى عربية زيتى معدية

والاقى عيل كده بتاع 16 سنة ماشى ومشرق على الحياة كده وبيبصلى

ويقولى الجميل واقف لوحده ليه عاوز حاجة ولا ايه

طبعا رديت عليه وقولتله اه بس مش الجميل اللى عاوز ده شبشبه عاوز يسلم على حد

راح قايلى خليه زى ماهو وخد بعضه ومضى الى حال سبيله




طفولتك كان شكلها اية ؟

اسعد مما انك تتخيل

كنا اخوات كتير وولاد عمى وولاد خالاتى وخلانى كلنا ساكنين بنفس المنطقة

والتجمع دوما عندنا كل يوم لانه عندنا مساحة واسعة فى بيتنا مخصصة للعبنا احنا وبس

وطبعا طول اليوم لعب غير الخروجات وطبعا شط اسكندرية ياشط الهوا

طول الصيف مش ورانا شغلانة غيره

وامى الصراحة عطتنا حقنا فى الطفولة على الاخر

يعنى كل سعادة عشتها وانا طفلة




مادة دراسية حبتيها ومادة كرهتيها ؟

انا بقى وبلا فخر كنت شاطرة جدا جدا

اموت فى يوم الاملاء هههههههه

وكنت شاطرة ولا زلت فى الرياضيات









آخر مواضيعي 0 أخلاق الكبار
0 ترويض وتهذيب النفس
0 قل يارب....
0 إلى أين أذهــب ؟؟؟
0 فكرت قبل كده ربنا خلق المخلوقات الشريرة ليه؟
قديم 02-26-2010, 09:33 PM رقم المشاركة : 7
معلومات العضو
ساجده

الصورة الرمزية ساجده

إحصائية العضو








ساجده غير متواجد حالياً

 

افتراضي رد: ساجدة تفتح قلبها

كلمينا عن عيوبك

لا تعد ولا تحصى





كلمينا عن مميزاتك

معذرة فكرت مليا ولكنى وللاسف

لم اجد اى مميزات






بتحاسبى نفسك ولا سيباها لله ؟

باحاسبها واعاقبها بطريقة بشعة

يعنى سيدنا عمر وصانا حاسبوا انفسكم قبل ان تحاسبوا

احاسبها

بم أردتِ من كلمتك؟؟ بما اردتِ من حركتك

اعاقبها واحرمها واهينها واوبخها

قبل ان يأتى اليوم واحاسب امام كل الخلق

فربما انقذها قبل فوات الاوان








فرصة جتلك وما استغلتيها وندمتى بعدها ؟

انا ولله الحمد ربنا انعم عليا بنعمة عظيمة اسأل الله دوامها

وهى انه استخير ربى قبل ان اى شئ

تخيل انه كل شئ فى حياتك تدخل على ربك وتقوله رأيك ايه

اكيد اكيد ربك يختار الخير والصح واللى مايندمك عليه طول عمرك






ما هو حلمك الذى لم يتحقق ؟

احلم ببيت فى الله وبالله ولله






عندك اصدقاء ؟/ عرفينا عليهم (غيرى طبعا)

ههههههههههههههههههههه

اكتر حد ممكن يكون عنده اصدقاء هو انا

لانه دعيت ربى بيوم انه يرزقنى صحبة صالحة

عد ياسيدى

رانيا صاحبتى من 15 سنة واغلب الوقت احنا سوا

ام مريم صاحبتى وزوجها اخويا وكمان طول الوقت معايا

وهما ضميرى وخير تذكرة بالله وبيصحونى للفجر

نادية صاحبتى وكمان طول الوقت سوا

فاطمة جارتى ومزهقانى فى عيشتى واعتبرها اختى التالتة

نها بنت خالى ولما بنتقابل كل المسكنات بتخلص بسبب الرغى

5 بنات اخوات جيرانى وبيعتبرونى السادسة بتاعتهم

ام عبد الرحمن وابو عبد الرحمن ودولا بقى شئ مهم عندى جدا وضميرى برضه وخير صحبة فى الله

يعرب ام معاذ اختى الكبيرة وصحبة الجنة

شيخى وزوجته ودول بقى بيتى التانى واهلى رقم 2

واهم من كل الناس دى امى ثم امى ثم امى







مدى ثقتك فيهم / بتحكيلهم كل حاجة ولا مش كل حاجة؟

جينا للسؤال اللى مش باحبه

يعنى اكيد اثق فيهم طالما قربت منهم اوووى

لانه فعلا كل الناس اللى ذكرتهم فوق قريبين لدرجة يمكن هما نفسهم مايعرفوها

ولكن...

انا من الاشخاص اللى كلامى قليل جدا

ومش احب اقلق حد ولا ازعل حد بسببى

فممكن مااحكى كل حاجة اقول كل واحد فيه اللى مكفيه

واجيب من الاخر واروووح عند اللى احسن منهم كلهم

ركعتين فى جوف الليل مع فضفضة لمدبر الامر الرحمن الرحيم





اخبار دموعك اية / قريبة / بعيدة ؟؟

بعيدة جدا جدا جدا

لو شوفتها قولها ياريت ترجع لانها بعدت اوووى ويمكن مااعرفش الاقيها تانى





ما قدر حبك لنفسك ؟

تحت الصفر بالمينس يعنى





بتغيرى من حد او على حد / حبيب- اخ –اب- ام- صديقة- مثلاً ؟

من حد لا طبعا كلنا انسان وكلنا ذو عيب وميزة

ومااختاره الله لك من شكل او خلق اكيد افضل ليكى ونحمده ونشكره

وما ينقصنا ندعوا الله ان يستر عيوبنا وان يهدينا لاحسن الاخلاق

وان يجعلنى فى اعين الناس كبيرا وفى عينى صغيرا

اما على حد دى بقى صعبة اووووووى

انا الطبع ده مش عندى خالص






امتى تكتأبى وتقفلى غرفتك على نفسك وتنعزلى ؟

الا بذكر الله تطمئن القلوب

لو كل شخص اعتاد لسانه وقلبه على ذكر معين استحالة يحس بالاكتئاب

( ومن يعتصم بالله فقد هدى الى صراط مستقيم)

عود لسانك على قول

لا اله الا الله الحليم لا اله الا الله الكريم لا اله الا الله رب العرش العظيم

وربك هيفرجها



انما اقفل بابى عليا لو اتعصبت لدرجه انه حسيت الشيطان متملك منى

وقتا بسرعة انعزل

زى دلوقتى كده






الغرق بين معاملة بابا وماما ليكى / ومين فيهم احن عليكى؟

هو بطبيعة شغل ابويا انه اطول وقت كنا مع امى

كمان انا نسخة بالكربون منها شكلا ومضمونا

ولكن ابويا طيب جدا جدا حتى اطيب من امى هههههههه

وكان بيعوضنا خروج وفسح ولعب

وحاليا انا تحت رجليهم هما الاتنين

يمكن يرضوا عنى






حسيتى يوم بتفرقة فى المعاملة بينك وبين اخواتك ؟

للاسف ايووووووووة

لانه انا باحس انه انا الكبيرة وانا الولد

هههههههههههههههههههه

الوسطانى ده دايما مظلووووم هههههههههه

انا ماليش فى الدنيا غير اخواتى وامى وابويا ولو رقبتى يحتاجوها حالا تكون بين ايدهم





تشربى حاجة





نسكافية يا ولد





جزاك الله خيرا والله فى وقته

يدووووم العز استاذ اكرم






آخر مواضيعي 0 أخلاق الكبار
0 ترويض وتهذيب النفس
0 قل يارب....
0 إلى أين أذهــب ؟؟؟
0 فكرت قبل كده ربنا خلق المخلوقات الشريرة ليه؟
قديم 02-26-2010, 10:05 PM رقم المشاركة : 8
معلومات العضو
ملكة بإحساسي

الصورة الرمزية ملكة بإحساسي

إحصائية العضو








ملكة بإحساسي غير متواجد حالياً

 

افتراضي رد: ساجدة تفتح قلبها

السلام عليكم

شكراا اكرم شكري

على مجهودك وموضوعك المميز
وتسلم على ذوق اختيارك
الاختنا الغالية ساجدة
مشاء الله عليك
وعلى ردودك الجميلة
الله يوفقك في الاجابة على كل الاسئلة
دمتي دائماا موفقه في كل حياتك
استمتعت كثيراً بتنقلي بين سطورك اجابتك الرائعه
اتمني الك التوفيق
وبارك الله فيكم
ولك كل تحياتي وتقديري
موفقه باذن الله







آخر مواضيعي 0 برنامج DuDu Recorder v4.90 الافظل في تسجيل المكالمات والملاحظات
0 كن بشرا وليس اشباه بشر
0 كيف تجعل عطرك يدوم طوال السهرة
0 ازياء رائعه وانيقة للمحجبات
0 فساتين قصيرة وناعمة للسهرة
قديم 02-26-2010, 10:22 PM رقم المشاركة : 9
معلومات العضو
ساجده

الصورة الرمزية ساجده

إحصائية العضو








ساجده غير متواجد حالياً

 

افتراضي رد: ساجدة تفتح قلبها

نرجع للاسئلة





المرأة مخلوق غامض ولاواضح ؟

غامض جدا جدا استحالة تعرف عقلها بيدور ايه فيه

ولا يمكن انه تستحوذ على عقلها حتى لو امتلكت قلبها





قلتيلى اسمك اية ؟

سمير





بتعرفى تطبخى ؟

الحمد لله طباخة على كل شكل ولون

اطبخ قديم وحديث

طواجن وصوانى وحلو وحادق وخفيف وتقيل

اللى تحبه حضرتك تلاقيه حاضر





اكله بتحبيها ؟

اخر همى

سندويتش جبة يقوم بالواجب ونحمد ربنا





اكله تبعدى عنها ؟

السبانخ ههههههههه والبتنجان برضه مااكلهوش

رغم انه باعمل مسقعة حلو اوووى





بتعملى رجيم ؟

هههههههههههههههه ايه الاسئلة دى

لا مش باعمل لانه اصلا مش باكل






بتحبى الارانب ؟

لا باحس انها واحد مقتول كده ونايم

كمان طريقة دبحها وسلخها وتنضيفها بتقرفنى الصراحة





اية اسعد يوم مر عليكى ؟

اسعد يوم ياااااااه

اكيد تسأل على حاجة بعد الطفولة

ولكن خلينى اقولك يوم 28 / 10 /2009

كان تفريج كرب رهييييب

اعتقد انه اصعب كرب ممكن يكون مر عليا او هيمر





اية اليوم الى تحبى ما يرجع تانى ؟

15/6/2009

بداية الكرب اللى ربنا فرجه فى السؤال اللى فات





رحلة قمتى بيها ما تنسيها ؟

لا حضرتك انا اكتر بنت راحت رحلات

ولا رحلة افوتها

لانه انا روحت كل مكان فى بلدى

ولكن الاسماعيلة كانت من اروع الرحلات





مكان تتمنى تزورية ؟

قبلتى بيت الله صابر

علنى يوم لكى زائر

ياترى هل ترانى ناظر

للكعبة وتغمرنى بأمانا

نبينا اغلى امنياتى

ازورك لو مرة بحياتى

وبجوارك اصلى صلاتى

واذكر ربى واتلو القرآنا





احكيلنا مقلب عملتية فى حد ؟

يعنى مش لدرجة انه يكون مقلب

بس ممكن حد يجيبنى علشان اهدى جدتى

واطلع ويقولولى هديها علشان حد جاى يزورها وكده

وانا وجودى بيخليها تمام والاقى القعدة غلست كده

اروح انا بشويش كده اخليها تقلب عليهم وتطردهم كلهم

النهاردة طردت اخواتى وولاد عمى وزوجة عمى





ومقلب اتعمل فيكى ؟

بما انه عيد الحب كان لسه قريب وافتكرت انا الموقف ده

انا من الناس اللى كنت باشتغل وانا فى الكلية ومكنتش باروح الكلية الا مرات قليلة

ولكن يوم ماافوته وهو عيد الحب

طبعا فكرة انك تقول للناس حرام وكده فكرة صعبة شوية

لانهم لو هيقتنعوا انه عيد الحب حرام كانوا احترموا نفسهم من الاساس ومافى بنت ارتبطت بولد اصلا

المهم انه انا كنت اروح بس علشان اغلس عليهم واتريق

وكان بيكون يوم عالمى

اروح لاى اتنين والاقى معاهم جاتوه اخد حتة ليا وحتة لكل حد من اصحابى

وافتح الهدايا واتريق لحد مايمشوا وهكذا وارمى عليهم صواريخ

المهم وانا فى سنة رابعة دى اتفقت مع رانيا صاحبتى انه لازم نختم اخر سنة فى الكلية بعمل اجرامى رهيب

ولحد الفجر سهرانين نحضر فى المقلب

وكنا مخطوبين واتحججنا لخطابنا باى حجج علشان مايقولوش نقابلهم وكده

وطبعا انا ريتا الشرية اشتريت حاجات ومفرقعات وبلاوى علشان ابوظ اليوم

المهم روحنا الجامعة وانا استنى فى حضرتها

ولحد ماهى تيجى محدش سلم منى

وكان عندى عقدة من الهدايا اللى بتكون كبيرة وحمرا وشريط احمر وكده

المهم اتارى الست هانم صحبتى

جاية الجامعة ومعاها هدية حمرا كبيرة ملفوفة بشريط احمر

وجايباها ليا فى عيد الحب وتقولى انا باموت فيكى يااحلى صاحبة فى الدنيا

طبعا كل اللى عملته فى الناس طلع عليا

لانه كل الجامعة يومها خلصت اللى عملته فيها

وطبعا علشان ترجع من الجامعة لحد شارع خالد بن الوليد معناه فضيحة

وكل اسكندرية تتريق عليك

ودخلت البيت اول ماشافونى الناس تنحت كده لا وكمان دخلت لقيت خطيبى فى البيت قاعد مع ابويا

قالى وده ايه ان شاء الله

وكانت خناقة للفجر





تفهمى فى السياسه ؟

انا تخصصى فى الكليه كان شعبة علوم سياسية

وكنت جايبة تقدير على فكرة

وبحث التخرج كان فى الازمة النووية الايرانية





شخصية سياسية تحترميها من هو ؟






لحد امتى هتفضل مشاكلنا العربية بدون حل ؟

حتى يحكم الاسلام العالم

فكروا شوية كده

لو كل تعاملات الناس حسب مايرضى الله وحسب ما رسولنا اتعامل

تخيل هيكون شكل الدنيا ايه

الرسول صلى الله عليه وسلم لما أقام دولة الاسلام

الناس كلها حست بالعدل والامان

سيدنا عمر لما جاءه الرجل يطلب لقائه ووجده نائم عند المسجد

نظر له وقال (حكمت فعدلت فأمنت فنمت ياعمر)

نحكم بما يرضى الله هتلاقى كل المشاكل اتحلت

ولكن .. انى لنا بعمر





كلمتين تقوليهم لرئيس بلدك / خفاف عشان نروح بالسلامة فهمانى طبعاً ؟

اتقوا يوما ترجعون فيه الى الله ثم توفى كل نفس بما كسبت وهم لا يظلمون





وزير مضايقك تقوليلة اية/ واى وزارة ؟

وزير التموين / وزير التعليم

اقوله : بتهببوا ايه؟؟؟





لو كنتى فى منصب مهم او وزيرة تحبى تمسكى اية ولية؟

امسك رئيس الوزرا

واشيل كل الوزرا واجيب وزرا تانين واقتل الاوالنين





ممكن تشكلى وزارة من اعضاء صدفه على حسب شخصية كل عضو فى مخيلتك ؟

ايه ده واشكل ليه من الاعضاء انا كل الوزرا

انالسه هاقسم مع حد





شخصية اسلامية تركت فى نفسك علامة ؟

ايه ده طيب مش تقول حية ولا لا

طيب عد ياسيدى

سيدنا محمد صلى الله عله وسلم

السيدة خديجة

سيدنا ابو بكر

سيدنا عمر

سيدنا على

فاطمة بنت الخطاب

السيدة نسيبة

هند بنت عتبة

كده كفاية ولا ايه





ما تعنى لكى الصلاة وهل تسهى على وقتها حاضر ؟

الصلاة ميعاد ربى

اسهى الهم اغفرلى واعنى واحسن وقوفى بين يديك

انا ولله الحمد اهم شئ هو الصلاة

حتى لو خارجة وعارفة انه طول اليوم انا خارج البيت

لازم اخرج على وضوء ومش انا لوحدى شرط اساسى فى اللى هاخرج معاهم يكونوا على وضوء

وحضرتك انا صليت فى اماكن لا تتخيلها

اى مسجد طبعا

بروفات المحلات يعنى الاماكن المخصصة انه الناس تقيس فيها

انا بقى كل محلات الاسكندرية علامة مسجلة هناك

فى محل فى الابراهيمية دورين هو فى اللاجيتيه لو حد عرفه

كنت هناك واذن للعصر وقولت لبنت من اللى شغالين هناك اناعاوزة اصلى

قالتلى ممنوع قولتلها ليه قالت لانه صاحب المحل نصرانى

قولتلها وانتو بتصلوا ازاى

قالتلى مش بنصلى زى ماانتى شايفة اغانى طول الوقت واحنا ممنوع نصلى

قولتلها المحل فى كاميرات فوق قالت لا

قولتلها تعالى معايا

دخلنا مكان تبديل الملابس وخلعت كوفيتى وقولتلها يلا نصلى

مش هياخد منك تلات دقايق كانك تعدلى هدومك

رجعت بعدها لقيتهم مخبين سجادة صلاة وبيصلوا هناك

مواقف احكيها من هنا لبكرة





وصلاة الفجر ؟

كل بيتنا بيصحى على صوت موبايلى لانه صوته مزعج جدا واصحابى احنا نصحى بعض للفجر

لدرجة انهم مرة قالولى هنكسر موبايلك ده قريب






آية كريمة دائما تخطر فى بالك ؟

نبئ عبادى انى انا الغفور الرحيم .. وان عذابى هو العذاب الاليم

ومن يعتصم بالله فقد هدى الى صراط مستقيم





وحديث نبوى ايضا ؟

احفظ الله يحفظك . احفظ الله تجده تجاهك.اذا سألت فأسأل الله واذا استعنت فاستعن بالله

واعلم ان الامة لو اجتمعت على ان ينفعوك بشئ لن ينفعوك الا بشئ قد كتبه الله لك واذا اجتمعت على ان يضروك بشئ لن يضروك الا بشئ قد كتبه الله عليك


رفعت الاقلام وجفت الصحف












آخر مواضيعي 0 أخلاق الكبار
0 ترويض وتهذيب النفس
0 قل يارب....
0 إلى أين أذهــب ؟؟؟
0 فكرت قبل كده ربنا خلق المخلوقات الشريرة ليه؟
قديم 02-26-2010, 10:49 PM رقم المشاركة : 10
معلومات العضو
ساجده

الصورة الرمزية ساجده

إحصائية العضو








ساجده غير متواجد حالياً

 

افتراضي رد: ساجدة تفتح قلبها

اية رأيك فى ما يسمى بالفن ومدى تأثيرة بالسلب والايجاب ؟

يعنى ايه فن اصلا؟؟؟





شخصية فنية تستهويكى ؟

........................ولا اى حد





مثل تؤمنى بية ؟

لا تفعل ما تستر منه





شخصية من عامة الشعب تحترمى مهنته وتوجهي له كلمة شكر ؟

بأمانة والله ومش فزلكة

عامل النظافة لانه بجد مهنة صعبة

وغير انه مستحملها كمان مستحمل العالم الغتتة المتعجرفة اللى بجد معندهاش ذوق ولا دم وبينظروا ليه على انه هيزود القذارة

رغم انهم لو فكروا شوية هيلاقوه هو اللى بينضفهم ومن غير هيكونوا ......





اية رأيك فى الشباب السيس الفسافيس ومصطلحات الشباب /نفض /كبر / الخ ؟؟

انا ياعمو عايشة فى البيت مع اربع ولاد منهم السيس الفسافيس ومنهم المحترم

ولازم اكون على اضطلاع تام بقاموسهم لانه لو لاقون مش فاهمى هاكون الكورة بتاعتهم

فلابد ومن كل بد انه اكون على دراية كاملة بلغتهم

ولو سمعت مفرد جديد انا مااعرفهوش بسرعة لازم ارشى احدهم حتى اعرف معنى الاصطلاح

والا الجوز هيكون توووباد يامان





منتدى صدفة به عيوب ومميزات ؟

اكيد





ابدأى بالعيوب

العيوب اشوفها عيوب اغلب المنتديات الا مارحم ربى

اصبحت المنتديات بالنسبة ليهم مجرد تسلية ومضيعة للوقت

كله يتسابق من اجل سكور مشاركات وبس

لكن الفائدة الكبرى من وجودهم هنا فى عالم النت هى الافادة والاستفادة قلما تجدها

تستغرب انه مسلم على مذهب اهل السنة وتلاقيه بينقل مواضيه للشيعة والروافض

وهو طبعا مش فاهم ولا عارف بس لمجرد انه يزود مشاركاته فى الاسلامى

او انهم يوصولوا باسرع وقت لوظيفة مشرف ثم مشرف ادارى وهكذا

وتستغرب انه شخص عنده 16 سنة صاحب منتدى

كمان ممكن تلاقى فى اى منتدى انه فيه ادارى او مشرف او اى وظيفة غير عضو تلاقيه لا يفقه اى شئ فى اى شئ

طيب ازاى هتوفر للناس انك تفيدهم وتعرفهم اذا كنت انت نفسك لا تملك المعرفة

وفاقد الشئ لا يعطيه

ولما تقول ايه ده ازاى الشخص ده اصبح مشرف تلاقيهم يقولوا علشان جهوده ومش عارف ايه

جهود ايه وهو نفسه غير امين على المعلومات ولا القيمة اللى يقدمها

تخيل كده مشرف والناس تصلح ليه كل مواضيعه ولا يكون تحت المراقبة !!!!

ربك يهدى عموما





ثم المميزات

احلى حاجة فى صدفة الترابط

الكل بيدخل زواريقها بسرعة

فجأة تلاقى نفسك بقيت زيك زى اقدم حد والناس تتصاحب بسرعة

وحتى اللى بيتركوا المكان بيفضلوا يعرفوا بعض

والكل بيعرف بعض حتى على المستوى الشخصى





اقرأى الصفات دى وحطى امام كل صفة اسم عضو ؟





طيب... الكل





خفيف الظل ...مرمر,نوبى,اكرم,ابوعبدالرحم





متحفز دائما ......





عصبى.... هههههههه اكرم شكرى





وفى.... الكل





مستفز... هههههههه ايه الاسئلة دى





غامض ....مش عارفة





وميض يظهر ويختفى..... بحر النسيان





صديق ....يعرب / اميرة/ نور/ جنة / زهرة





لا غنى عنة... الكل طبعا





ماذا ينقص صدفة

شوية تركيز ...ونستغنى عن العناد





نصيحة نضعها امام اعيننا تنصحينا بها ؟

اتقوا الله ودوما وابد رددوا

الله ناظرى الله شاهدى الله مطلع علىّ





عضو تتمنى تشوفى اسمة فى الاشراف ؟

اشوف اسمه تانى فى الاشراف لانه كان مشرف وتركنى وحسبى الله ونعم الوكيل ههههههههههههههههه

يعرب





عضو قريب من فكرك ويفهمك على طول الخط ؟

نور/ يعرب / ابو عبد الرحمن





عضو دائما تختلفى معه ؟

مااختلفش مع حد انا لو اختلفت مش هتلاقينى

لانه ببساطة انا هنا لاسباب دعوية بحتة واى شئ ضد اسبابى واى عضو ضد ماانتمى ليه هيكون فيه اختيار انا او هو





عضو تتمنى رجوعة ؟

موناليزا , على عبد الهادى , همس الليل , مرمر, منى القلب, شهد الحياة , مؤمن , قلب الملائكة , منار , بحر النسيان,

وكل من غاب عنى وليعذرنى من نسيته





بتفكرى فى اية حالا ؟

فى شخص حلمت بيه وطول اليوم فى بالى وكذا مرة ذكر اسمه اليوم





سؤال تحبى نسألة وما سألناه

وما سألناه ... حسبى الله





مش كفاية كدة

كفاية ونص





تحبى نستضيفك تانى ولا حرمتى

تبنا الى الله وندمنا على مافعلنا وعزمنا على الا نعود

وفعلا اخر مرة اكون فى استضافة





اتفضلى المبغ الى طلبتية

جزاك الله خيرا







قبل ما تمشى قوللنا نكتة

طيب بما انه اسئلتك كانت كتيرة فعلا

هاقولك نكتة واحدة كانت بتقولها حالا كعقاب ليك علشان تحرم تستضيفنى

لانه انا حدفتها بالطبق لما قالتها من بواختها يعنى


واحد قاعد مع خطيبته فالنور قطع

قربت منه وقالتله يلا خد فرصتك قبل النور مايجى

اخد شنطتها وهرب




طبق اهو احدف بيه اى حد قدامك





اتفضلى عشان الكرسى ايجار بالساعة

ايه البخل ده






ونسيبك للاعضاء يسألوكى

ماااشى





ونفكركم 10 اسئلة فقط
لكل عضو



اسمعوا الكلام وخليكوا حلوين






آخر مواضيعي 0 أخلاق الكبار
0 ترويض وتهذيب النفس
0 قل يارب....
0 إلى أين أذهــب ؟؟؟
0 فكرت قبل كده ربنا خلق المخلوقات الشريرة ليه؟
موضوع مغلق

مواقع النشر

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 01:56 PM.


Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Content Relevant URLs by vBSEO 3.6.0 (Unregistered) Trans by

شبكة صدفة

↑ Grab this Headline Animator