فراخ فيليه بالصويا صوص والفلفل الملون مع الأرز الأصفر

[نور]

فراخ فيليه بالصويا صوص والفلفل الملون مع الأرز الأصفر

لو عايزه تغيري في الفليهات وبتحبي الصويا صوص ........ الأكله دي رائعه واحلي ما فيها انها يا دوب عشر دقائق وتكون علي السفره , يارب تعجبكوا
المقادير :




6 شرائح فيليه
3 معلقه طعام صويا صوص
توابل مشكله ( فلفل اسود – حبهان ( هيل ) – قرنفل ( مسمار ) – زعتر – روز مارين ) مطحونه ناعم وملح
2 حبه فلفل اخضر واصفر واحمر
واحده طماطم جامده او ما يعادلها حبات صغيره
واحده بصل متوسطه

الطريقه:
بعد غسل الفيليه نضع عليه التوابل والصويا ويقلب



يسخن قليل من الزيت في طاسه كبيره

نضع الفراخ علي طول بدون ما نتركها مده في التتبيله
نشوح الفراخ تشويح خفيف علي الجانبين لكن متتحمرش مجرد 3\4 سوي ونطلعها


وده شكل الفراخ بعد التشويح ال 3\4 تسويه



نضع في نفس الطاسه مكان الفراخ البصل بعد تقطيعه شرائح وندبله فقط لا يتحمر


نضيف عليه الفلفل الالوان بعد تقطيعه شرائح ايضا ونقلبه شويه 3 دقائق
ثم نضيف الطماطم بعد تقطيعها مكعبات

ونقلب شويه ثم نعيد الفراخ في الطاسه ونقلبها لمده 3 دقائق


الأرز :
ينقع 2 كوب ارز بسمتي الغامق في ماء 1\2 ساعه ويصفي

نشوح فقط دون تحمير بصله كبيره مقطعه صغير ثم نضيف عليها 1\2 معلقه صغيره كاري وفلفل اسود وتوابل الكبسه المطحونه وفلفل اسود ونقلب

ثم نضع 3كوب شوربه دجاج او لحم و 2 مكعب مرقه ونتركه يغلي
ثم نضيف الرز ونتركه علي نار عاليه ومتغطي حتي يشرب معظم الشوربه ثم نهدئ النار جدا ونتركه الي تمام النضج

ويقدم وبالهنا والعافيه

[مرمر]

تسلمي نور

علي الوصفه الحلوه


متميزه بطرحك دائما
انا بموت بوصفات الفراحه
لانها الافضل من اللحوم
بالنسبالي

[نور]

تسلمى مرمر
على مرورك الساحر
دمتى بود

[همس الحب]

فعلا وصفات جميبة

حبيت طريقتها جدا
تسلمي ياغاليه
ننتظر المزيد
من ذوقك الحلو في الاختيار

[همس الليل]

تسلمين اختى نور على الوصفة

دمت بخير