السلام عليكم ورحمة الله وبركاته
اليوم جبت لكم صور جميلة لمصر زمان
مهووووسة انا بمصر زمان و المباني العتيقة و التاريخ و الأصالة و مشاهدة شوارع وسط البلد و هي فاضية.. عثرت على كنز من الصور القديمة.. طبعا اتجنيت عليهم و فضلت أتصفح فيهم.. هختار اكتر حاجات لفتت انتباهي و أثرت فيا
ميدان باب الحديد.. المسمى حاليا بميدان رمسيس.. مين يقول لي بأه تمثال ايه اللي محطوط مكان تمثال رمسيس؟
ميدان التحرير و المتحف المصري.. و راجل و حماره.
كوبري قصر النيل 
طيب تعرفوا ليه بيندهوا لأي حد اسمه إسماعيل بأبو السباع؟ انا عرفت ان أول ما الخديوي اسماعيل أنشأ كوبري قصر النيل و حط السباع على أول الكوبري المصريين طبعا في دمهم التريقة على حكامهم فكانوا بدل ما يقولوا الخديوي اسماعيل كانوا بيقولوا عليه أبو السباع وبعدها طلعت ابو السباع على كل اسماعيل
آآآآآآآآآه.. قلبي.. حد يلحقني.. هايغمان علية.. دي الجامعة الأمريكية، امال همه خبوا العربيات و الناس فين على ما ياخدوا الصورة دي؟
ميدان التعقيد 
اللي هو يعني ميدان ابراهيم باشا و المعروف حاليا بميدان الأوبرا
الأوبرا القديمة و الميدان و التمثال.. و شوية ناس ماشيين في الشارع 
كوتاب
مصر بلد الامن والامان
11-23-2009, 01:41 PM
صور لام الدنيا زمااان
رد: صور لام الدنيا زمااان
