دعوه للتغير

[ehab_sdik]

اكيد كلنا شفنا الواد ابو جل في شعره اللي مبلط في الشارع!؟
او ابو شعر منكوش...ولابس قميص او تي شيرت روز
عليه ورد او مطرز و البنطلون واقع منه و آل يعني الواد مفيش زيه اتنين و يا ارض اتهدي و كله ماشي على الموضة
و يا سلام بقى لما تلاقي واحد لابس كدة و عنده عضلات
آل يعني كدة الواد راجل مية مية ومفيش زيه اتنين
ولا شاب محلو وشايف نفسه حلو ومطول شعره
ال يعني عامل ديل حمار......
ولابس توكه وبيطرقع لبانه وروش جدا....
ولا البنات اللي تلاقيها لابسة بدي ستومك"
يعني بطنها باينة لا مؤاخذة"
او البنطلونات ال"لو ويست".."
يعني توصل لحد تحت الوسط..لا مؤاخذة برضه"الضيقة و بتبقى ماشية مش قادرة تتنفس...
او مثلا تلاقيها لابسة ضيق جدا زي بنطلون الليكرا او الاسترتش الضيق"بتاع كارينا" و فوقيه فستان قصير و محجبة!!؟؟؟
او ألاقي واحدة لافة راسها لفة هدايا بايشاربات كتير
و حاجات بتلمع وتقريبا ناقص تعلق نور او ترش "جليتر"
و آل هي كدة محجبة!؟..
ولا واحده منقبه وماشاء الله عليها وحاطه في عيونها جميع مستحضرات التجميل الي تكفي 20 عروسه ليله زفافهم

طبعا متخلونيش اتكلم عن الشبشب

ابو صباع"الزنوبة"اللي تلاقي الولد او البنت لابسينه و ماشيين

يطرقعوا بيه و يجرجروه على الارض كأنهم داخلين الحمام مش

نازلين الشارع و لا الشرابات اللي بصوابع انا بخاف من رجلين

الناس اللي لابساه بحس كأن عندهم رجلين فراخ او عندهم اربع

ايدين.."

الصوت العالي...

مش عارف ليه احنا المصريين بنحب الصوت العالي...اكيد فيه حاجة

حصلت في ودان

الشعب...تلاقي واحد سايق عربيته و معلي الاغاني على الآخر..او

واحد تاني بيحب يدوس

الكلاكس كتير بسبب او من غير و يا سلام بقى لو بينده واحد

صاحبه..تلاقي الشارع كله بيرد عليه

و بيترجاه يبطل يدوس على الكلاكس ده اذا مكانش

بيزعق"يامحمااااااد"...حاجة تانية...تلاقي

شلة بنات قاعدين و عادي بس صوتهم عالي ملفت جدا في كلامهم

و ضحكهم..

.عندنا جارة كل

ما تنده بنتها اللي في الغرفة اللي جنبها اسمعها"يا

نوووووريييييييييين"..مش عارف ليه كل ما

اسمعها احس انها هتقول بعد كدة"التمساحة يالاه"زي سناء جميل في

الراية البيضاء!؟..

مثال آخر..

.ناس قاعدين بيتناقشوا تلاقي واحد صوته عالي عشان يثبت

رأيه او يفرضه"

كأنه في برنامج الاتجاه المعاكس

...ده غير البياعين المتجولين واللي مكتفوش بصوتهم بل بقوا

بيجيبوا عربيات

و ميكرفونات < قمه التكنولوجيا > و ينادوا على بضاعتهم..امعانا

في تعذيبك!!؟

وال يعني ان الرزق مش حيجي غير كده

البلطجة....

ودول ناس واخدينها عافية و بالدراع...زي سايس الجراج...

تبقى
ماشي جنب مول و عايز تركن وتلاقي ده طلعلك زي العفريت مش

عارف منين او زي مارد المصباح و يشاورلك على الركنة "
مع انك شايفها"

و يديك ارشادات و توجيهات عن كيفية الركنة " وكتير من

الاحيان تكون غلط !!!!! مع انك مادام وصلت المول بعربيتك يبقى

اكيد بتعرف تسوق" وسهله اوي انك تركن ..تقدر متديلوش حاجة!!

؟لأ طبعا

عشان هترجع تلاقي عربيتك مكسورلها فانوس او مراية او مخبوطة

او مخدوشة بطول العربية.......

نوع تاني ...تلاقي طالب الثانوية

خارج من مدرسته يوم النتيجة و مبسوط بنجاحه و تلاقي اللي يتلم

عليه عشان عايزين"الحلاوة"

هم ذاكروا مكانه و نجحوه ولا ايه!

؟.....مثال تاني..ناس بتشتري شقة في مكان و بعد ما يتفقوا مع

اصحاب الشقة تلاقي البواب ملاحقهم و بيطاردهم عشان"الحلاوة"

و لو مخدهاش مش هيساعدهم في نقل حاجتهم او يكسرها لهم لو

نقلها

يلا نغير السلبيه الي في حياتنا ونكون شعب متحضر ده احنا حضاره

وتاريخ عريق

والله يا شباب الجيل احنا شعب جميل

يلا نغير ونقول للتقليد الاعمي لا والف لآ

يلا كل واحد يحاول يغير من نفسه ونحاول نكون حالنا احسن من كده

اجمل المنى وارق تحياتي

ايهاب صديق

[أحمد اسماعيل]

صباحك كله خير أخى الكريم .. أيهاب صديق



رائع جدا أن يكون بين المجتمع قلوب تنبض وتنادى بالتغيير للافضل ....وقتها نشعر بأن للشارع والمكان ضمير ينطق

تكلمت عن ظواهر سلبيى منتشرة ونتعامل معها بشكل يومى ..... أتفق معاك مائة بالمائة هناك عيوب كثير

لكن يا صديقى منذ خلق البشرية هل يوجد مجتمع مثالى ... منذ قابيل وهابيل هل ترى ذلك ؟؟

هذه هى النفس البشرية التى تمتلىء بالملايين منها الدنيا وتكون مجتمعات ...من أهم واجباتنا لتغيير مجتمعنا .. كل فرد منا يبداء باقرب الناس له

ويحاول معهم ليكونوا الافضل ويتعلموا من بعضهم .... والحكومات ورجال الدين والتعليم عليها جانب هام فى ذلك

وبكل صدق .. كل مجتمع وله سلبيات وعيوب كثيرة وليس عندنا فقط .. على الاقل العيوب والظواهر الى عندنا معروفة ولها حلول

بعض المجتمعات تعانى من ظواهر ليس لها علاج ..


نسأل الله العفو والعافية ونطلب من الله الهداية لنا ولغيرنا



أيهاب صديق .. أثبت أنك محلل رائع للمجتمع



تسلم أخى الكريم على موضوعك القيم

ننتظر الافضل والاروع منك دوما

تقبل منى كل الود والاحترام

[ehab_sdik]

السلام عليكم ورحمه الله وبركاته
الاخ الحبيب الغالي / احمد المصري
صباحك مليئ بذكر الله
شكرا لمرورك الكريم العطر وكم سعدت لانك صاحب اول مشاركه
فهذا يعني انك ما شاء الله تتمتع بالنشاط والفكر الثاقب
فجميل ان يكون بين اعضاء المنتدي شخصيه جميله مثلك
فلك مني كل الاحترام والتقدير
فانت اهل لذلك
اخي الحبيب
لابد ان تذكر العيوب فينا قبل ان نذكر المميزات
لان بين طيات الشعوب من ينظر الي عيوبنا فقط ولا يهتم ان يري فينا مميزاتنا
لان مصلحه بعض الدول والشعوب ان يرون فينا العيوب وايضاحها
فاني اشرت في نهايه موضوعي اننا شعب جميل وعريق فدعوت الكل بالتغير
وقلت فلنبدء بانفسنا ومن حولنا من نملك زمام امورهم كاولادنا واخواننا
فانا لا ادعو الي اصلاح الكون بل انصح فقط بتغير افكارنا السلبيه
واكرر انا شعب جميل وعريق وذو حضاره عريقه
ولابد ان كل منا يحاول ان يصلح من نفسه ويصلح ممن يملك ذمام امره
فلابد ان نبدا بانفسنا لكي نتلاشى العيوب الموجوده في مجتمعاتنا
فنبدلها الي مميزات وحضاره وعراقه
فشكرا لك علي مرورك وسعه صدركم لي
وعلي فكره
انا لا اجرؤ علي طرح مثل هذا الموضوع في اي منتدي اخر غير هذا
لانه منتدي مصري ولي كل الفخر اني احد اعضاؤه
اجمل المنى وارق تحياتي
ايهاب صديق

[بسمه أمل]

بارك الله فيك
وجزاك الله خيرآ
لكِ مني جزيل الشكر

[ehab_sdik]

المشاركة الأصلية كتبت بواسطة بسمه أمل

بارك الله فيك

وجزاك الله خيرآ

لكِ مني جزيل الشكر

شكرا لمرورك الجميل وكلماتك الاجمل

اجمل المنى وارق تحياتي
ايهاب صديق

[همس الليل]

اخى ايهاب صديق

بصراحة الموضوع ضحكنى جدا
لانى وانا بقرا كلامك وكانى فعلا شايفة الاحداث بتاعته
لان ده اللى بنشوفه كل يوم فى حياتنا
ومش بنحس انه غلط ويمر علينا وكانه شى عادى جدا وطبيعى وواخدين عليه
واذا شفنا عكس كلامك بنستغرب وكانه مش طبيعى
يعنى لو روحنا مول وما شفنا سايس يجى يرخم وكانه بيقدم خدمة لينا نستغرب ونقول ليه مش موجود المكان محتاجه
مع اننا على رايك عرفنا نوصل للمول من غير اى مشاكل يعنى مش هتبقى المشكلة فى الركنة
ده طبعا على سبيل المثال
فى امور كتير فى حياتنا سلبية جدا
بس من تكرراها اخدنا عليها جدا ومش حاسين انها سلبية

اشكرك انك تطرقت لموضوع مهم جدا لم يتطرق اليه احد من قبل فى منتدانا
ولعل موضوعك يكون دعوة للتغير
وتكون من هنا البداية


تسلم اخى على طرحك الرائع واسلوبك الممتع والبسيط فى الكتابة

دمت بحفظ الرحمن

[ehab_sdik]

المشاركة الأصلية كتبت بواسطة همس الليل

اخى ايهاب صديق


بصراحة الموضوع ضحكنى جدا
لانى وانا بقرا كلامك وكانى فعلا شايفة الاحداث بتاعته
لان ده اللى بنشوفه كل يوم فى حياتنا
ومش بنحس انه غلط ويمر علينا وكانه شى عادى جدا وطبيعى وواخدين عليه
واذا شفنا عكس كلامك بنستغرب وكانه مش طبيعى
يعنى لو روحنا مول وما شفنا سايس يجى يرخم وكانه بيقدم خدمة لينا نستغرب ونقول ليه مش موجود المكان محتاجه
مع اننا على رايك عرفنا نوصل للمول من غير اى مشاكل يعنى مش هتبقى المشكلة فى الركنة
ده طبعا على سبيل المثال
فى امور كتير فى حياتنا سلبية جدا
بس من تكرراها اخدنا عليها جدا ومش حاسين انها سلبية

اشكرك انك تطرقت لموضوع مهم جدا لم يتطرق اليه احد من قبل فى منتدانا
ولعل موضوعك يكون دعوة للتغير
وتكون من هنا البداية


تسلم اخى على طرحك الرائع واسلوبك الممتع والبسيط فى الكتابة


دمت بحفظ الرحمن

السلام عليكم ورحمه الله وبركاته

دمتم جميعا بحفظ الرحمن

اشكر لكي مرورك الكريم همس

ويارب نفكر جميعا في معاني الكلمات

ونحاول ان نقول لا.........

لا لكل شئ غلط و بزيئ يمر علينا

ولابد ان نقولها

فهو وطننا الغالي ولابد ان يعلو و يرتفع


امنياتي للجميع بالخير والارتقاء دائما

ايهاب صديق