مصر يا ما يا طيبة

ضوء خافت · 02-11-2011, 09:14 PM

والله يا بلدي وعلي الصوت
والله وهان في عنينا الموت
والله وعملوها شبابنا
وقالوا للكل سكوت
سكوت الثورة قامت
سكوت الضعف مات
سكوت دي بلادي
جوا دمي للممات
مبروك عليكي دم الشهيد
مبروك عليكي صرخة وليد
اتولد جوا الميدان
اتولد ويا جرس الكنيسة والاذان
عمدوه وادنوا في ودنه
بسم الرب الله أكبر الله أكبر
اوان الظلم فات
ونور الحرية آت
أنت أبويا ؟ّ! كنت أبويا ؟!
تلاتين عام بشوف وتعميني
بسمع وتصمني أتكلم تبكمني
كنت بتربيني ؟؟!!
معلش يابا آسفة
لو كنت أنت فعلا أبويا ؟
هان عليك إزاي دم اخويا ؟
وصرخة أمي الطيبة ؟
مصر ياما يا طيبة
من خيرك خرج المداد
حبر يكتب للتاريخ ثورة ....
ولاد
كانوا فاكيرنهم صغيرين
ميعرفوش يا ما
إنك بتولديهم مفطومين
على الكرامة والشهامة
رافعين كل هامة
كنت دايما بقول وانا فخورة
أنا مصرية
دلوقت أقول وانا فخورة أوي
أنا مصرية واخواتي
الولاد ديه
عشتي يا مصر وعلمك يرفرف
تحيا الحرية

ضوء خافت

طارق سرور · 02-12-2011, 01:53 AM

اختى الشاعرة الرائعة ( ضوء خافت )

كم عجبنى التشبهات الأدبية والطريقة المحترمة لثياق هذه الكلمات الرائعة

بارك الله فيك اختى وإلى الأمام دائما

JANA · 02-12-2011, 05:00 PM

احساسك حلو اوى ياضوء خافت ومنتظرين منك المزيد
والى الامام دائما

نور · 02-12-2011, 08:41 PM

كلمات حماسية نارية جميلة
كما انت ضوء
صاحبة حروف تنطق بكل احاسيس صادقة
ونسال لمصر العزة والكرامة والخير
ولك كل الشكر والتحية

أحمد اسماعيل · 02-12-2011, 08:46 PM

ضوء .. ننتظر ضوء الثورة يملاء كل اراضى مصر
ننتظر الخير لبلادنا وليكون الخير قادم على ايديهم
ننتظر الافضل والاروع فى الايام القادمة

تسلمى على رووعة الطرح

اسعدك الله وبارك فيك

marmer · 02-13-2011, 08:53 PM

عشتي يا مصر وعلمك يرفرف
تحيا الحرية

راءع

ضوء

ما خطى قلبك

عن مصر

تسلمى

الوعد الصادق · 02-14-2011, 05:18 AM

الغالية
ضوء خافت
كلمات رائعه جدا
فكل ما فيها حقا جميــل
أدامك الله على جميل طرحك
مميز دائما
وتقبل مروري