عطني بعضي !!
صعبببه .. تاخـذ كلّي
وابقى بدون شي ..!؟
ولاّ اقولك :
لا نويت انك خلااااااص
ما ترجعني لنفسي
مرّني .. وطمّني اني طيّب
وللحيــن حــي ..!
كنت قبلك شخص عادي !
لا احب .. ولا ابوح
يعني خذها بأختصار :
ما عندي اية فكره عن سر الموالف
كنت حتى ما اعْرف شمعنى : قلب
إلاّ من بعض السوالـف ..!
كان حدّي لا زهـقت
ادخل بمخباي .. يدّي
واجلس اصفـّر للجروح ..!؟
تصدّق انّي :
كنت جداً طيّب
وجداً مزوح
يووووه لامني ذكرت
شلون كنت
قبل اعْرف شلون .. ياخذني العشق
وتنهيني انت ..!؟
انت احبّك .. وادري انّك لو بعدت .. تحبّني
........... وادري ان باطنك للما .. وظاهرك يم السحاب
شف هربت من الزمان وجيت .. تكفى خبّني
........... وخلّني داخلك عاري .. وانت دوّر لي ثياب !
كم مدحني شخص .. واثره من وراي يسبّني
......... وما طرالي والله ادفن ذمـّتي .. تحت التراب !؟
تدري .. !؟ صعب الهم وحده يقدر انّه يطبّني
........ إلا في حالة : ذكرتك .. ينفــتح له الف باب
شفني فاضي .. وانت دامك ممتلي بي عبّني
......... عبّني ولا شفت اني بنفجر .. فـش الغياب
دامني للحين اشوفك .. لا انوجعت .. تنبـّني
........ إعرف ان البال .. ودّى بسالفة طيبك وجاب
جاب .. كل اللي تقوله : بأنه صدق يحبّني
....... واني شفت بعيني قلبه ,, ودّع ضلوعه وذاب !!
ذاب !!
ذاب .. تدري شمعنى ذاب !؟؟
يعني انّك كل ما تفتح خفوقك
ودّك بخلّك تشوفك !
ما تلاقي إلا الغياب
حاضر بترديد خوفك !
ياه يا صبح الحنين
لا تخبّا وسط صوتي
فكّني
خلني أتظاهر إني مبتسم
خلني متماسك
وخلك [ حزين ] , ,
جيت بدري
جيت افضفض عنك صدري
يا جريح , ,
جيت أدوّر فيك راحه
ليه تبغاني ( أطيح ) !
يعني عاد القاها منّك
وإلاّ منّه
يا مُعين الصابرين ..!
فمان الله يا قلب ٍ غمرني بلطفه وطيبه
............... فمان الله يا عشق ٍ حفظته بالضلوع سنين
لو اقدر أحبس الدمعه عشانك وأجمع الخيبه
.............. قدرت أمشي لو حمولي كبيره بالقسا واللين
وأنا والله لو بحسب جمايل وقتي وعيبه
.............. حسبت إنه لفابك لي ولكنّه خذاك الحين
أحبك كثر ما شانت وجيه وطاحت مصيبه
............ أحبك كثر ما عاشت مواويل السعف والطين
أحبك كثر ما ينبض خفوقي وإنت تدري به
............. أحبك كثر ما طعنت غيابك توجع السكين
يغيب البال ما كن الليالي ضاقت بذيبه
............ لو إنه جاع للصوت الطويل وجرّة المقفين
طواه الضيم لكنّه طواه وهيبته هيبه
............ رغم لؤم المدينه والمباني وغفلة الصاحين
فمان الله لو غصّت عيوني بدمعة الطيبه
............. وأنا واقف على باب الفراق أتسوّله : مسكين
عشان الله إذا عندك بقايا تضحيه جيبه
............. ترى ضاقت بي أنفاسي ولا أدري أروح لمين ..!
أروح لمين
أروح لمين
وأنا كل ما هدا قلبي
وخفف من بكاه
تبين ..!
[ إحتياجي ]
مو لأن العيشه من دونك دمار
العُمر ما يوقف لغيبة أحد
...حتى لو نصفي يتقطّع
ونصفي الثاني يغار
بس إن جت للحقيقه :
لأنك أكبر قطعه في قلبي .. وخذوك ..!
وأنت شوف شقد تبعد هالمسافه
لأنتهو منك .. ورموك !!
وجيتني
ويديك تتنافض تعب
وقلت لي عطني علاجي
بعدها بتعرف صحيح
إشلون تدمنك الجروح
شلون يدمنك إحتياجي !!؛
يا أنت
وأنت اكبر من إنّي أخفي وجهك وأختفي
أو أدوّر منك زلّه
أو أغثّك وأكتفي
أو أشوفك تشحد الماء من يديني
وأنثره بالأرض
ويذلّك هماجي
؛
تبقى غالي
مو بيدّي أمنعك
لا جاني من طيفك وله
لأني اعرف من قبل لا أعرفك
إن بحر العشّق غدّار بـ هله
وإن لو نصفك ظلام
نصفك الباقي ( سراجي )
المسافه
اقسى ما يطري وبال البال ساهي
وأكثر الأشياء مخافه
لا غدت كلمه تحاشها الصدور
وتاخذ البال وتدور
تاخذ البال وتدوور
تاخذ البال وتدوور
وتكبر اكبر من حسافه
وتوجع أوجع من كسور
فاضت عيون السماء من هالحنين
وكف نادي
وحلم لكن حلم غادي
وطعم ذاقته السنين
يا كثر ما مرّت ايامي بعيوني
ناس واجد
يا كثر ما صرت احس بقلّبي
بين ضلوعي ساجد
واتركه منّه لربّه
واسمعه : يا رب احبّه
ويبكي شوي ويناااام
ويا وجع نوم الحزين
لا درى ب إن احد شافه !!
مثل ما انّك على قد السوالف جبتني لأقصاي
تجيبك لي النوايا أشباه .. لين اجمّع ظنوني
وانا عندي النظر يطوي الفراغ وتستريح خطاي
لاني من زمان ازرع صدق والناس يجنوني
هذاك اوّل .. وأنا اسمّع شوارع حيّنا مغناي
الين انّي صمخت إذن الحمام وطيّر لحوني
احط ايدي إلى ضاقت علي سنيني : بمخباي
واظل انفخ هواء صدري اصفّر ارجع بدوني
لانّي كنت .. الى منّي سمعتك تنتخي دنياي
اروح اكسر لجل تهنا .. خواطر ناس يغلوني
اجل لو كنت ما تدري فأدر وسولفه للماي
عشان اليا مشيت اذكر بأنك اوضح طعوني
تلمّستك طهر .. وادري بإنك كل يوم براي
وذي غلطة عمر تنهش بقلبي وتنزع جفوني
ولكن لك اجر إنّي عرفت اصحابي من اعداي
وعرفت اللي اهم اني اشوف الموت بعيوني !
المسافه
مثل من يتلمّس اطراف الحياة
والعمى هدّد كفافه !
للمطر : صآلح آلعبدآلكريم ~
08-27-2010, 09:59 PM
عطنى بعضى
