اخي الفاضل
عاشق الاهلي
نعم
اجابات تلقائية
شكرا ليكى
واليك باقي اسئلتي لك
ماشى ياستى....فففففففففففففففففف ففف
يلا خلصينى
ما هي العادات التي دائما تفعلها؟
غالبا الفرجه على الماتشات....يعنى لو عدى عليا يوم من غير مااشوف ماتش ولا ماتشين بحس ان فى حاجه غلط فيا....بس بجد نفسى اخف شويه من حبى للكوره ....بس للاسف مش قادر
هل لديك هواية خاصة تنفرد بها عن باقي أفراد أسرتك؟
هى الكوره....عندى اخويا ووالدى بيحبو الكوره بس مش بالطريقه الغبيه دى....وانا بقول غبيه لانى مش راضى عن نفسى...بس مش بأيدى
هل تؤيد بأن تلعب الفتاة رياضات قتالية (كونغفو-كاراتيه-مصارعة) ؟
لالالالالالالالالالالالال الالا قتاليه ايه....مينفعش طبعا....
لانى بشوف فى البنت المعنى الحقيقي للرومانسيه والجمال فالبنت المفروض تهتم بجمالها مش تقوليليى قتاليه
كيف تفرق بين الالتزام والتشدد؟
الشخص الملتزم شخص بيطيع ربنا وبيصلى وبيقرى قرأن نفس اللى المتشدد بيعمله بس الاختلاف بيكون فى طريقه التعامل مع المحيطين به
الملتزم يدعو وينصح بهدوء وبساطه اما المتشدد غالبا بيكفر اللى بيعمل حاجه غلط من الناس اللى حواليه
ما هي أصعب مادة واجهتها في مراحلك الدراسية؟
((القانون الدولى الخاص وتنازع القوانين)) فى الليسانس
وكنت هموت ليله الامتحان لكن بفضل ربنا جبت فيها جيد الحمد لله
هل تضرب الأطفال لحظة الشغب؟
لا طبعا.....مش بحب ضرب الاطفال ولما الاقى اب ولا ام بيضربو اطفالهم لازم ابعده عنهم
هل تلجأ إلى العنف أحياناً؟
عند الحاجه
ما هو اكثر اسم يعجبك في المنتدى؟
عاشق الاهلى
ماهي اكتر حاجه بتعجبك في المنتدي؟
اعضاءه الطبيبين
ايهم تفضل علامة الاستفهام ام التعجب؟ ولماذا؟؟
علامة =
لانها هى اللى بتريح
كم مرة ختمت القرآن؟
دى حاجه بينى وبين ربى ....محبش حد يعرفها
هل تؤمن بأن العمر بالعقل وليس بالسن؟
اكيد....لان فى ناس سنهم كبير وعقلهم اصغر من عقل العصافير
بجد والله دى حاجه قابلتى فى حياتى وعن تجربه
هل تعبت من الاسئلة؟
كلك نظر...........
اكمل يعني؟
اوكِ
ما هو الاسم الغريب اللي عاوز تعرف معناه ؟ ده لوفي يعني؟
فى حاجات كتير ...بس حاليا مش متذكر حاجه منهم ...كفايه اللى انا فيه
كم سؤال سألك الاعضاء حتى الآن؟
عشيه وعشين سؤال
متأكد ؟
اه
ماذا جنيت من هذا المنتدى بعد جلوسك فترة فيه ؟
اتعرفت على ناس طيبين جدا ومتميزين فى حاجات كتير وبيحبو بعض من غير حتى ما يعرفو بعض...ولا يشوفو بعد....وكمان عرفت معلومات كتيره جدا ومفيده جدا من خلال المواضيع المشاركات .
لو سلمت ادارة المنتدى لمدة يوم واحد ماذا تفعل ؟ولماذا؟
أبحث عن العيوب وأصحهها وأحافظ على المكان لحبى له ولمن فيه
لمن تهدى هذه الورود
الحمـــراء_الصفـــراء_زهره البنفسج
الحمراء: لابطال مصر واللى فرحو اكثر من 200 مليون مصرى وعربي
الصفراء:لشعب مصر الطيب جدا والمكافح والصابر على البلاء.
البنفسج:لاحلى اعضاء فى الدنيا....اعضاء صدفه
من الأعضاء أجمل مشاركة لو سمحت اكتب اسماء بصراحه ؟؟؟
احمد المصرى طبعا بدون منافس
لو ربنا وفقك واتجوزت هتعزمنا ولا هتنفضلنا ؟؟؟؟؟؟؟؟؟؟؟
لو عزمتكم...حتيجوا ولا لا؟.......
لمن تضحكـ وانت تبكي؟؟
لمن ابكانى... واقله برافو عليك
ايه مفهوم الحرية عندك؟؟؟
انك تعمل الحاجه اللى انت عايزها فى الوقت و المكان اللى انت عايزه وبالطريقه اللى انت عايزها....من غير رقابه ولا قيود ولا تحفظات عليك.
هل ندمت في حياتك على شي معيّــن ؟؟؟
اه....لا داعى لذكره
مـن هي اكثر انسانهـ بتحسها بتفهم يعني تعرفت عليها عن طريق الماسنجر " جاوب"؟
مفيش
لو خيروك بين أمرين فماذا تختار و لماذا ؟
الأمر الأول : إنقاذ شخص بريء من حكم الإعدام ..
الأمر الثاني : تقديم مجرم هارب من العدالة ..
مـــــــاذا تـــــــخــــــتـــــــــ ار ؟
و لــــــمـــــاذا ؟
اختار الامر الاول .....لانى محامى ولو حصل وانقذت شخص برىء من الاعدام تكون خبطه العمر بالنسبه ليا.
لو كنت خارج من المنتدى خروج نهائي لا عودة بعده ( لا قدر الله ) و قالوا لك الإدارة : لازم قبل ما تطلع تختار عضو
و تعطيه مشاركاتك كلها ، مين تختار ؟؟
( أتمنى إنك تختار عضو واحد فقط )
مشاركاتى جزء من حياتى والهام عقلى... واهديها للزمن لانه الوحيد القادر على الحفاظ عليها
ماهو رايك في الفتاه التي تقود السياره " ماذا تعني لك الام ؟
مفيش اى مشكله لما الفتاه تسوق سياره....المشكله بتبقى فى الراجل اللى قاعد جنبها....بيبقى شكله وحش اوى اوى.
اما الام:فتعنى لى اغلى حاجه فى الوجود ونبض قلبى ونور عيونى والقلب الحنون اللى لو لفيت الدنيا كلها مش ممكن تلاقى قلب زيه .
إذا كانت الدموع سلاح المرأة فمآ هو برأيكـ سلاح الرجل ؟ ولماذا ؟
سلاح الرجل يكمن فى عقله وقوه تحمله ازمات الحياه وغدرها وكيف يكون قويا فى تحمل المواقف الصعبه
بما تشعر وانت خلف الشاشه ان هناك عقولا تكتب بما لاتعيه ولا تفهمه
مجرد نسخ ونقل؟؟؟
الحياة فيها الاختلاف فى العقول والصفات
لكن نتفق على شىء واحد .. أن الاغلبية لا تهتم وتنشر الا ما هى مقتنعة به
هل تعتقد بان شخصيات الاعضاء في المنتدى مثل ما هي في الحقيقه بما انك بتعرف جزء من اعضاء المنتدى ؟؟
معرفش
من العضـو وبصرآحه تشدك ردوده وتعجبك ؟؟
انا قلت قبل كده احمد المصرى
من من الاعضاء وبصراحه تحس مواضيعهـ ابدآــع ؟؟
كلهم.....مبدعين
هل وضعت يدك بيد شخص وابتسمت في وجة وانت في داخلك تتمنى له الموت وتحقد عليه؟
لا طبعا....لان ده نفاق وانا الحمد لله مش منافق
ماذا يعني لك الصديق ؟ وما هي موصفات الصديق المخلص في نظرك
من هو عدوك ؟
من سنه بالظبط كانت الصداقه دى عندى حاجه كبيره اوى اوى انما دلوقت عرفت ان من الصعب جدا جدا انك تلاقى صديق حقيقي بمعنى الكلمه واللى مننا يلاقى صديق حقيقي لازم يحافظ عليه ويشيله جوه عنيه .وبندم على كل اهتمام اديته لواحد وهو لا يستحقه
الصديق هو اللى يتمنالك الخير ويحب لك اللى يحبه لنفسه ويقدر ظروفك والحاله اللى انت بتمر بيها يعنى مثلا متكنش زهقان وتحس ان هو ولا فى دماغه الزهق اللى انت فيه وحاطط فى باطنه بطيخه صيفى ومش حاسس بالنار اللى جواك وكمان يكون معاك وقت الحزن والشده قبل الفرح .ويعرض نفسه للخطر عشان خاطرك.
متى كان اسعد يوم في حياتك ؟ ولماذا هو اسعد يوم؟
1/1/2002
لأسباب شخصيه.
متى تشعر؟
بالضعف
وانا واقف قدام ربنا
الوحده
طول الوقت
الخوف
لما افكر فى المــــــــوت
الشجاعه
اغلب الوقت الحمد لله
الغضب
لما الناس تتكلم قدامى فى احوال البلد والفساد اللى فيها والغلاء الرهيب فى الاسعار وبشكل خاص الحديد والطوب لاننا عندنا ارض عايزين نبنيها.
هل انت انسان مسامح؟
جدا .....لأقصى درجه.
ايدك وجعتك ولا لسه؟؟
اكيد ....لازم توجعنى
أوك
هل تستطيع التخلي عن :-
الهاتف
لا
الكمبيوتر
اه عند الضروره
النت
اه عند الضروره
الاصدقاء
اه....لاننهم مالهومش لازمه
صدفه
لا...لانى حبتكم من كل قلبى وربنا يشهد عليا
ولماذا ؟؟؟؟؟
عشان كده
ما هي اغلى هدية أهديت لك ؟ ومن من؟؟
.........................................
ما هي اكبر صدمة تلقيتها في حياتك ؟ ومن من ؟ وكيف تصرفت اتجاهها
........................................
ما هي اجمل رحلة خرجتها ؟ والى اين ؟ ولماذا هي اجمل رحله؟
كانت الساحل الشمالى .الصيف اللى قبل اللى فات.
وكانت اجمل رحله لان ايمانياتى ارتفعت جدا فى الرحله دى .كانت تبع نقابه المحاميين .وكان ليها برنامج دينى ...
هل تمنيت يوما أن تدور عقارب الساعة عكس اتجاهها و ترجع إلى الماضي لتصحح خطأ وقعت فيه سابقا .... أو ان تعود للماضي لتغيّر عملا ندمت على فعله أشد الندم ؟ ؟ ؟ ؟ ؟ ؟ ؟
اه فى كل وقت اتمنى انى ارجع لايام ما كنت صغير لان فى حاجات كتير اوى حتتغير فى حياتى ...
من هو مثلك الاعلى ولماذا ؟
والدى...اتمنى اكون زيه فى كل حاجه بيعملها ...بجد بجد مشفتش حد زيه
مـاهوه شعورك عنـدمـا تـواجـهـ شخـص لا يستطيع تفهمك ...؟!
اريح نفسى واكبر دماغى واسيبه وامشى...
ماهو شعورك بعد كل الاسئلة دي؟
عايز انام
ارجو الا اكون اثقلت عليك
لا ولا يهمك ولا اثقلتى ولا حاجه
انا اللى ارجوا انى اكون جاوبت الاجابه اللى انتى عايزاها
كــن بخير اخي
شكرا شذى
02-09-2008, 10:55 PM
رد: عاشق الاهلى هو نجم شخصية الاسبوع الثالث
؟
