العودة   شبكة صدفة > المنتديات العامة > منتدى صدفة العام

منتدى صدفة العام مواضيع عامة, مقتطفات, مواضيع جديدة، معلومات عامه.

إضافة رد
 
أدوات الموضوع
قديم 11-24-2009, 08:06 PM رقم المشاركة : 1
معلومات العضو
marmer

الصورة الرمزية marmer

إحصائية العضو








marmer غير متواجد حالياً

 

افتراضي وبعد ده كله بتسأليني الزفارة دي جية منين؟

في السوبرماركت الكبير اللي بيقولوا عليه الايام دي هايبرماركت .. وبالتحديد في ثلاجة السمك قالت السمكة لصاحبتها :
- أنا شمة ريحة زفارة .. منين ياختي الريحة دي؟


- يمكن الفراخ اللي جنبنا



- معقولة .. دي فرنساوي


- وإيه يعني .. يعني هية الفرنساوي على راسها ريشة


- طبعا يا أختي .. على راسها وعلى كل حتة في جتتها .. مش فرخة


- صحيح .. إمال تفتكرى الريحة دي منين


- يمكن الهامبورجر اللي ورانا


- الهامبورجر الامريكاني !! .. مش معقولة أبدا .. أمريكاني وزفر .. ما تركبش يا حبيبتى


- لأ تركب وألف تركب .. أنا سمعت إنها كترت عندهم وبيصدروها اليومين دول للعالم كله !!


- بلاش لماضة ليحولوا الملف بتاعك لمجلس الأمن وتبقى حكاية


- وحيعمل إيه مجلس الأمن بتاعك ده


- هوه مش بتاعي .. ده بتاعهم .. وعشان كده بيخوفوا بيه العيال اللي ما بتشربش اللبن الصبح


- خللينا في موضوعنا .. ريحة الزفارة دي جية منين


- شئ يحير ويمخول العقل .. الفراخ وفرنساوي والهامبورجر وأمريكاني إمال الزفارة دي فين


- يمكن الراجل اللي عمال يفعص فينا من الصبح ده


- بيني وبينك أنا شكة فيه .. باين عليه ما استحماش من السنة اللي فاتت


- وليه عامل في نفسه كده .. د باين عليه راجل كبير في السن .. مش يحترم شيبته


- شوفي عمال يبص على الحريم ازاي .. يا راجل عيب دي قد بنت بنتك


- وحاطط لي سلسلة في رقبتك كمان !! .. إخيه عليك


- ولا شوفي اللي جنبه دي كمان .. ولية قد جدتي ولابسه بنطلون كاوتش


- يمكن موضة


- يعني إيه موضة


- الموضة دي عند بني آدم .. إن الواحد منهم يسمع كلام الترزية بتوع بلاد برة .. وزي ما يقول لهم الترزي يعملوا ..


- الحمد لله طول عمرنا عايشين في البحر مش محتاجين هدوم ولا ترزية!!


- ياختي بني آدم دول حيجننوني .. ربنا لما وزع الأرزاق على الخلق كلهم رضوا إلا ولاد آدم ما حدش رضي برزقه .. لكن لما وزع العقول عليهم كل واحد عجبه عقله وبس ..


- على رأيك .. لما الواحد فيهم ما يفهمش حاجة يقولوا عليه حمار .. مع إن الحمار فاهم شغله تمام .. ولما واحد فيهم يطلع ندل مع صاحبه يشتموه ويقولوا له يا كلب .. مع إن الكلب وفي جدا لصاحبه .. ولما واحد منهم يلخبط أي لخبطة يقولوا سمك لبن تمرهندي .. واسألي نفسك ماله السمك وإيه عيبه اللبن والتمرهندي عشان يعتبروها رمز للخبطة البني آدمين.


- طب تصدقي بإيه؟


- آمنت بالله


- بيقولوا علينا إحنا معشر السمك إننا زفرين وإن احنا أس الزفارة


- فشر .. قطع لسانهم .. د إحنا طول النهار في المياة .. يعني آخر نظافة.. الدور والباقي عليهم.


- ومالك قرفانة منهم قوي كدة ليه


- من عمايلهم .. مبوظين الدنيا في كل حتة .. في الجو خرموا الأوزون .. وفي البحر رموا النفايات بتاعتهم .. وفي البر الأخ بيقتل أخوه عشان كرسي من الكراسي أم ظهر عالي !!!


- وبعد ده كله بتسأليني الزفارة دي جية منين؟









آخر مواضيعي 0 حلمي لأيامي الجايه
0 صفات الله الواحد
0 عيش بروح متفائله ونفس مؤمنه
0 إبتهال قصدت باب الرجا
0 كونى انثي
رد مع اقتباس
قديم 11-24-2009, 08:22 PM رقم المشاركة : 2
معلومات العضو
احمد الغول

الصورة الرمزية احمد الغول

إحصائية العضو








احمد الغول غير متواجد حالياً

 
إرسال رسالة عبر Yahoo إلى احمد الغول

افتراضي رد: وبعد ده كله بتسأليني الزفارة دي جية منين؟

ههههههههههههههههه

حوار لذيذ بجد

سمك مثقف

ومتابع الاحداث العالميه

بس قليلى يا مرمر

هى ريحه الزفارة دى جيه منين







آخر مواضيعي 0 ولادك يامصر
0 مبروك عليه الفرحة
0 ----- فلسطين-------
0 لما بقعد مع نفسي--------
0 كلماتك فى حب رسول الله
رد مع اقتباس
قديم 11-24-2009, 08:23 PM رقم المشاركة : 3
معلومات العضو
أحمد اسماعيل

الصورة الرمزية أحمد اسماعيل

إحصائية العضو







أحمد اسماعيل غير متواجد حالياً

 

افتراضي رد: وبعد ده كله بتسأليني الزفارة دي جية منين؟




هههههههههههههه


مرمرية



يسلموووا على الطرح الرائع

طرح فيه الطرافة والجمال

دعواتى لكى بالصحة والعافية






آخر مواضيعي 0 مباراة الأهلي ووفاق سطيف الجزائري
0 دعاء يوم الجمعة
0 روسيا تسلم محطة تشيرنوبل النووية إلي أوكرانيا
0 دعاء آخر يوم في شعبان
0 فضل الصيام
رد مع اقتباس
قديم 11-24-2009, 08:30 PM رقم المشاركة : 4
معلومات العضو
marmer

الصورة الرمزية marmer

إحصائية العضو








marmer غير متواجد حالياً

 

افتراضي رد: وبعد ده كله بتسأليني الزفارة دي جية منين؟

خليها فى سرك بقى يا غول

ههههههههههههه

تسلموا

الغول

المصرى







آخر مواضيعي 0 حلمي لأيامي الجايه
0 صفات الله الواحد
0 عيش بروح متفائله ونفس مؤمنه
0 إبتهال قصدت باب الرجا
0 كونى انثي
رد مع اقتباس
إضافة رد

مواقع النشر

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 05:45 PM.


Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Content Relevant URLs by vBSEO 3.6.0 (Unregistered) Trans by

شبكة صدفة

↑ Grab this Headline Animator