بسكويت زيت الزيتون السهل جدا و لذيذ جدا و مصور جدا

[مرمر]

السلام عليكم

بسكويت بزيت الزيتون لذييذ و سهل جدا ...ينفع للازمات و ضوف من غير مواعيد ..و هو بصراحه بسكويت طري و هش من الداخل و مقرمش من الخارج ...يعني بين البسكويت و بين الكيك .. و عليه غليز بنكهه البرتقال ...

و كمبنيشن النكهتين ((زيت الزيتون و البرتقال )) بصراحه عجيييب و لذيييذ ....


بس اهم شي ان زيت الزيتون يكون ذو نوعيه جيده جدا جدا ...نخب اول يعني ...علشان نكهته تكون حلووووووه و لذيييذه

ما بطول عليكم

مقادير البسكويت :

2 2\1 ..كوبين و نص طحين
2\1 نص ملعقه صغيره باكن بودر
ذره ملح
1 كوب سكر
2 بيضتان
1 ملعقه صغيره فانيليا
2\1 نص كوب زيت زيتون
4\3 ثلاث ارباع كوب حليب

مقادير الغليز ((اسمحولي ما عندي مقادير محدده ))

سكر بودره
عصير برتقال


الطريقه

اول شي نخفق البيض و الفانيليا جيدا



و بعدين نضيف السكر و نستمر بالخفق



بعدين نضيف زيت الزيتون (( المكون الرئيسي ))و احرصي انه يكون ذو نوعيه جيده و نستمر في الخفق



انخلي الطحين و باكن بودر و ذره الملح ..و ابدئي ضيفيهم بالتدريج الي خليط البيض بالتناوب مع الحليب ...



اخفقيهم جيدا و راح تحصلين على عجينه رخوه غير متماسكه مثل البسكوت ...اقرب الي عجينه الكيك

و بعدين باستخدام ملعقه الطعام خذي من العجينه و حطيهم على شكل دوائر في الصينيه الفرن مدهونه بزيت الزيتون ..((لا تدهنين الصينيه بزيت عادي او زبده ...علشان ما يتاثر الطعم و نحافظ على نكهه زيت الزيتون ))...مثل الصوره



و دخليه الفرن على درجه حراره 180 ...لمده 15 دقيقه ...او لين تشوفن ان اطرافها بدات تحمر

و هذا شكلها بعد ما طلعت من الفرن و خليها تبرد نهائيا لا تلمسينها لين تبرد



و في هذي الاثناء نسوي الغليز و هو سهل جدا

خذي كميه من السكر البودره ... و ابدئي ضيفي عليها ملعقه عصير البرتقال و حركي ...و كل ما احتجتي ضيفي من عصير بالملعقه ..لين ما يصير القوام سائل لكنه متماسك ...((ما اعرف اشرحها كيف )) مثل الصوره



و بعد ما يبرد البسكوت اسكبي شويه من الغليز عليها يعني على كل بسكويته ملعقه صغيره من الغليز ... اتركيه لين الغليز ينشف ....بعدين استمتعي بالطعم اللذيذ

الشكل النهائي



و هذا من داخل علشان تشوفون كيف هي هشه من الداخل



و هني و عافيه

[نور]

رووووووعة
سلمت مرمر
طرح اكثر من مميز
اكلة جميلة وطريقة سهلة
دمت مميزة بكل اطروحاتك
اسعدك الله

[مرمر]

نور الغاليه

تسلمي علي مرورك الغالي