حكايتى مع المنتدى

اكرم شكرى · 11-21-2009, 07:12 PM

السلااااام عليكم ورحمة الله وبركاته
وعليكم السلاااااام اختى جنة
مساااء الورد عليكم جميعاً
(ورد ايه مش مرتاح للورد ده)
(مش ده الاسم الحركى للتقليه)
على العموم نفترض النيه الحسنه
مساء الفل والياسمين
ومنووووورنا يا ابوبسملة
وتشكــــر على الاجابااات الصادقة
والمشـــــــاركة الطيبة منك
ده من صدق روحك وطيبة قلبك
وتسلم ام بسملة انها خلتك تيجي تشارك معانا
ربنا يسامحها
وانا عن نفسي هوصي ام بسمــــلة تكتـــر بالكشري ^-^
هههههههههههههه
اه كده مش قلت مش مرتاح للورد كان قلبى حاسس
ربنا يحفظكم ويسعدكم يااارب
يحفظنى من الكشرى طبعاً اميـــــــــن
ويجعل ايامكم فرح وسعــــادة
وبانتظار ام بسملة
^-^
جيالك مش تقلقى
وهتشميها اقصد وهتشوفيها
مش تقلقى اول ما تدخل هتعرفى لوحدك
هو الكشرى بيتشابه
تسلمى عزيزتى على كلامك الرقيق
وجعلك الله يا جنه فى مكان اسمك
اميـــــــــــــــــــن

اكرم شكرى · 11-21-2009, 07:20 PM

احمد

وزهرة

وجنة

فرحانين اوى بالكشرى
خرجى احمد من الموضوع عشان بحبه

وزهرة شكلها هتشاركوا فى عربية الكشرى هههههههههه

الحق خبى ام منة

قبل ما يخطفوها منك
يااااااااااااااااااريت

عشان تعملهم كشرى

اسالنى انا
لا اسألينى انا يارب تكلو منه عشان تخلص عليكو

دول عصااااااابة ههههههههههه
وهياخدو جزائهم اصبرى لما تجيلكم

وبعدين دة كلة

ام منة نايمة
ما انتى مش تعرفى
مفعوله اكيد وسره باتع
مجربه

دة شكلها واكلة محل كشرى
لا ده كفايه معلقتين منه

قولها تيجى تتجاوب يا ابو منة

احسن ما احبسك انت ههههههه
لا الا كده ارجوكى عندى خبر بحبسك
هبعتها اهو
وهتندمى

أحمد اسماعيل · 11-21-2009, 08:16 PM

حماى العزيز ههههههههههه

تسلم ابو منة

يارب يحفظهم ليك ويبارك فيهم

وونعم التربية التى ربيتها ليهم

يارب يرجعكم الى بلدكم بكل خير سالمين غانمين

وبالنسة للكشرى ... ههههههههههههههههههه

مساااااااااااااامحك من الشرق للغرب

كل انت واتهنى وصحة وعافية ليك

هههههههههههههه

شخصياً مش جوعان ولا عاوز الا سلامتكم

اما وصفتك تودينى عند جدى على طووووول

هههههههههههههه

احلى مسا ليكم جميعاً

ساجده · 11-21-2009, 08:29 PM

انا جيت على ريحة الكشرى

ايه بس اللى مزعلك منه ياااستاذ اكرم

ووالله فكرة كل يوم كشرى لحد العيد

يعنى ام بسملة جزاكى الله خيرا على الافكار

استاذ اكرم المنتدى منور بتواجدك الطيب انت وزوجتك الكريمة

ولا تزعل من اللى احيانا مش بيقدروا يشاركوا اوقات بس بتكون الدنيا ملخبطة

انما كل حد كتب كلمة هنا بجد بيحب صدفة من قلبه

منورنا اخونا الكريم

وبكرة نعملوا عندنا كشرى ونبعتولك منه ونخلى الشطة برة

وبعدها تحبس بعصير جوافة باللمون ده اختراعى والبت مرمر المفترية بتموت فيه

تحياتى ودعواتى لكم بالخير

marmer · 11-21-2009, 11:59 PM

ساجدة

اجرى يا بت من هنا

هنا كشرى

بس

مافيش جوافة بالليمون

جوافة بالليمون

دة انتى طلعتى اكتر من عشمااااااااااااااااوى هههههههههه

اهو منتظرين ام منة

يا ابو منة

لما اشوف هتفضل مخبيها لحد امتى هههههههه

يا سيدى على الحب وعمايلة ههههههه

ام بسمله · 11-22-2009, 12:13 AM

اللهم صلى على النبى

كل ده حصل

انت محتل الجهاز وشغال عليه

عقابا ليك يا اكرم

مفيش كشرى لغايه ما ننزل مصر

ده انا بخاف على المعلقه والطبق لتاكلهم مع الكشرى

نسيت كل اللى بعمله وافتكرت الكشرى

ماااااااااااااااااااااااش ى

بس الحمد لله ورايه بنات زى القمر واقفين ورايا

وهنعمل عربيه الكشرى يا مرمريه ولا يهمك

بس مش تبقى مفتريه اوى ابقى ادينى حاجه من المكسب

علشان انا اللى هيطلع عينى

اصل اكرم فاكر الكشرى ده سهل

حطى بس انتى عربيه الكشرى فى اجنده الاعمال بتاعتك وانا موافقه

قولى له يا نور يا حبيبتى هو حد طايل الكشرى فى الغربه

واحلى حاجه زهره حبيبتى اللى بعتت له الكشرى

تسلمى يا قمر بصراحه انا كان عجبنى اوى شكل الكشرى بس والله

انا الكشرى بتاعى تحفه والدليل انه بينسف الطبق

تسلمىجنه حبيبتى والله انتم صحبه جميله ورائعه

علشان كده قولت اجيب لكم جوزى

بس مش كنت عارفه انه هيعمل فيه كده

مع انى عارفه كويس وكل مره اقول انا مش هدخل معه منتديات ومفيش فايده

ده انتم لسه هتشوفوه وهو بيشرد لى كل مواضيعى

بيبوظ لى كل المواضيع بردوده

اما انت بقى يا مصرى مش هديك وصفه الكشرى انا هبعته لك معه

هو بيسافر حفر الباطن ابقى استناه بقى على الحدود

وخد منه الكشرى واحكم انت عليه

اما الوصفه اللى وصفها لك اكرم دى مش وصفه كشرى

دى وصفه تودى فى داهيه

تسلمو كلكلم على كلماتكم الجميله وانتم عارفين انا بحبكم كلكم

وانتم ناس زى العسل

ربنا يديم علينا المحبه يارب

ولازم لازم اعمل لكم كشرى وتقولو لى رايكم

اروح بقى لاسئله مرمريه المفتريه وربنا يقدرنى عليها

marmer · 11-22-2009, 12:30 AM

واخيرا

ظهرتى

يا ام منة

دة انا كنت خايفة يكون مخبيكى

دة اية الاحتلال دة

لالالالالالالا

احنا ما عندناش رجالة تستعمل الكمبيوتر اكتر من ساعة وخمس دقايق فى الشهر ههههههههه

لازم تتاخدى معااااااااااة اجرااااااءات حاسمة

اما بالنسبة لمكسب عربية الكشرى

وقوفا بجانبك

يا الله هفنجر

وهديكى واحد من عشرة فى المية من المكسب

ان شاء الله ماحد حوش ههههههههههه

اة صحيح

وعوزاكى تعملى اشتراك لمنة

عشان تعملوا رباطية علية

تبقوا حزب نسائى فى البيت

وفى المنتدى هههههههههههه

مستنية اجاباتك يا قمر

ونورتى الموضوع

أحمد اسماعيل · 11-22-2009, 12:43 AM

ههههههههههههههههههه

مرمرية جاية تهدى النفوس

هههههههههههههههههههه

الله يسعدكم يارب

تصدقى ام بسملة ... السنة السادسة بالغربة ما كلت كشرى الا مرتين
كل شىء هنا لا طعم ولا ريحة .. اى شىء خارج الوطن مختلف مهما كان
وانت يا حماى العزيز أبو بسملة ... هنتظرك على الحدود على المنفذ بتاع الكويت ومعاك الحلة

ههههههههههههه اوع تيجى فاضى .. لازم تيجى ومعاك الكشرى والا اقول الراجل ده بيهرب سحالى

والجماعة أنت فاهم .. اى حاجة بيصدقوها بحكم عقليتهم هههههههههه

يلااا يا ام بسملة عاوزين الوصفة فى مطبخ صدفة وباذن الله ننفذها

الله يسعدكم جميعاً

وصباح الخير على كل الطيبين هنا

ام بسمله · 11-22-2009, 12:53 AM

كيف بدات رحلتك(حكايتك) مع المنتدي وكيف وصلت له؟

وصلت له عن طريق البحث عن اكسسورات للمواضيع وفواصل

وبعدين لما دخلت على الموضوع مش ظهر لى ولا صوره وكان لازم اسجل

فسجلت والحمد لله انى سجلت علشان اكون معاكم

_هل تفكر في المنتدي وانت خارجه والي اي درجه.......وبما تفكر؟

بصراحه مش دايما لان انا على طول مشغوله وبيبقى كل تفكيرى ازاى اخلص اللى ورايا

وبعدين ما حدش بيدينى فرصه افكر انا عندى تلاته على طول ماسكين ودانى

والله ساعات بصرخ فيهم واقول لهم سيبو لى دماغى حرااااااااااااااااااااااا م

_ما أول شئ تفعله عند دخولك المنتدي....(بشرح لو سمحت)؟

اول حاجه بدخل اصبح فى موضوع احمد صباحك ومسائك هنا

وبعد كده بشوف المشاركات الجديده وبعدين ادخل على العام وتبداْ بقى الجوله

ولو فى مواضيع حلوه بنزلها وطبعا زى ما انتى شايفه الوقت ضيق مش بلحق

الف اوى فى المنتدى

_من هم الثلاثه الذي يشغلون تفكيركـ وانت خارج المنتدي؟

ما انا قولت لك مش عندى دماغ افكر فى اى حاجه

انا ساعات بنسى اْمى والله ما بهزر

انتى لا تتخيلى مش بيبطلو طلبات ولا كلام ولا ماما

ويا اما بفض اشتباكات بينهم وبين بعض يا بتشابك معهم

بكلمك بصراحه وبينى وبينك ولادى بيصعبو عليه مفيش قدامهم غيرى انا واكرم

مش بيتكلمو مع حد ولا بيلعبو مع حد

اضحكك بقى ساعات يصعبو عليه اوى ويقولو لى ماما العبى معانا بس مش لعب عادى

ده بيخلونى راجل اسمى محمود ولازم اتخن صوتى ونلعب

__من الثلاثه الذي تبحث عنهم وانت في المنتدي؟

مش ينفع اختار اكتر من 3

بصراحه كلكم زى العسل وبدور عليكم كلكم

نور صاحبه القلب الابيض الطيوبه

حبيبتى المفتريه مرمريه

اخويا الجدع اوى احمد المصرى

_من الذي يسعدك عند مرورة في موضوع لك ويوقع فيه؟

والله العظيم بمنتهى الامانه

كلكم بتسعدونى

_موضوع تمنيت ان تكتبه لكنه موجود باسم عضو آخر؟

موضوع همسه عتاب لاحمد المصرى

_ رساله خاصه الي مين ترسله وماذا تقول له؟

طبعا ارسلها لاكرم واقول له بطل افترى بقى عليه

حرام عليك ده انت مش لك غيرى فى الغربه

وتسافر بكره بالسلامه وترجع بالسلامه

_ما هو الشئ الذي يقلق في المنتدي؟

دخول اعضاء جدد للاستفزاز

_اصعب موقف مرعليك في المنتدي ولا تقدر ان تنساه؟

مفيش اصعب من الموقف اللى احنا فيه الايام دى

والاحداث اللى بتحصل اللى تحزن

_لحظه مرت عليك في المنتدي ولم تنساها ألي اليوم من شدة الفرح به؟

لما شوفت موضوع احمد المصرى النهارده

شرف لك مصرى ان يشاهد هذه الصور

موضوع عجبنى جدا جدا

واول ما اخلص معاكى هروح ارد عليه لان الجهاز كان محتل زى ما انتى عارفه

_اي القسم التي ترتاح فيه وتحب ان تكون فيه مبدع ؟

المنتدى العام بحس انى بلاقى نفسى فيه

لان دايما مواضيعه من واقعنا وحاجات بتمس قلوبنا

واي قسم الذي تبدع فيه؟

والله بقى انتم اللى تحكمو انا ببدع فى ايه

ولو ان مفيش ابداع ولا حاجه

انتم مبدعين ورائعين

وحضوركم اكتر منى بكتير

_عضو معاك في المنتدي تريد ان تقول له شئ؟

احمد يا مصرى هتتجوز بسمله يعنى هتتجوزها

وهتاكل الكشرى يعنى هتاكله

وربنا يهون عليك غربتك وترجع بالسلامه

_هل تريد ان تقول شئ قبل ان تغادر؟

انتم اعضاء زى العسل وبحبكم كلكم وانتم اخواتى

وربنا يديم علينا المحبه يارب ويبعد عننا اى حد يحاول يفسد بينا

_من هو العضو الذي ترشحه او تورطه بعدك كي يشرفنا

في الموضوع ويحكي حكايته؟

لا كفايه عليه كده انا ماصدقت العيال تنام واكرم يسيب لى الجهاز

هسيب لك انتى المهمه دى انتى جدعه وبتسدى مكان الكل

سعدت جدا بوجودى معاكى يا مرمريه يا عسليه

كفايه بقى مفتريه مفتريه

ندلعك شويه بقى وتبقى عسليه

marmer · 11-22-2009, 01:10 AM

يا بختك يا مصرى

ضمنت عروسة

مين قدك ومش اى عروسة

ماشية معاك هههههههههههه

بصراحه مش دايما لان انا على طول مشغوله وبيبقى كل تفكيرى ازاى اخلص اللى ورايا

وبعدين ما حدش بيدينى فرصه افكر انا عندى تلاته على طول ماسكين ودانى

والله ساعات بصرخ فيهم واقول لهم سيبو لى دماغى حرااااااااااااااااااااااا م

امال فين ابو منة

اكيد بيكون على الجهاز

انا عارفة الحركات دى هههههههههه

ربنا يخلى

يا ام بسملة

واحنا كدة عرفنا

بسملة ومنة
ومين التالت بقى

وحقيقى اجابات جميلة

وعوزاكى تبسولى البنانيت كتير

وتخليهم يشتركوا

عشان نجنن ابو بسملة ههههههههه

وتسلمنا ويسلم الكشرى بتاعك

ايون كدة ارفعى راس مصر فى الغربة

واعملى كشرى يوصل من اول البلد لاخرها

ويوصل لابو بسملة فى شغلة

لامفر من الكشرى ههههههههه

وكالعادة

طبعا انا هختااار

احمد الغول