بلاش عتاب

[لمسة دفء]

لما تقابل حد كان بينك وبينه مشكلة ما ...


وتلاقيه بيسلم عليك بحرارة !!!!


ويقلك :: وينك ؟ زمان ما شفتك ؟!!!!!


بتستغرب ..... أكيد



أول شعور أو كلام حتقوله لنفسك ....


هو هاد .. مجنون ؟ وإلا أهبل !!


آآآآآآه يمكن ناسي


تقوم وتحكي معه بجفا



يصير هو اللي مستغرب .. ويسألك مالك ؟!!!!!!!!



حيحيّرك بتصرفه


هو ناسي ؟ وإلا بيستهبل ؟


ولو جربت تراجعه باللي حصل بينكم والمشكلة


حتلاقيه حط ايده على راسه .. وبيحاول يتذكر


فحتلاقي حالك بايخ ومنحرج كتير من نفسك


ماهو مش معقول كمان .... إنت ماسك على زعل


وهو ما معه خبر .. ولا كأنه حصل شي



وتصير تفكر .... وتحكي مع حالك


يالله يمكن ناسي .. آه هو طيّب وبينسى بسرعة !!


وأصلا هو ما بيتذكر ايش أكل الصبح .,. بعرفه



أو تقول ....


هو أصلا مو مهتم ... لو مهتم كان بيّن عليه أنه متأثر


و ما كان نسي بهالسهولة


بس شكلها مو فارقه معه !!


وتصير تراجع الموقف أو المشكلة براسك


وتطلع حالك غلطان


آه يمكن أنا اتحسست شوي .. وهو مو قصده اللي فهمته


أو تقول ....


يخرب بيته شو لئيم وخبيث ... عامل حاله مش عارف ولا ذاكر


طبعا يا عمي .عشان ما أعاتبه وأحرجه


قلك بعمل حالي ناسي بيقوم بيسكت وبيفك عني



طيب شو نعمل بهالحالة .......


نتعاتب وإلا ما نعاتب !!!!!!!!!


والله كان زمان بيقولوا .....العتب على قد المحبة


يعني كل ما كانوا الناس قريبين منك .. أو بتحبهم


عتابك على قد حبك ........ من العشم ..يا ويلي


يعني ناس كتير غلطت بحقي مثلا


نسيتهم ..ونسيت على ايش اختلفنا


لا هم ولا المشكلة .. هزّوني


بالعكس يمكن بقعد أضحك


لأنهم ما بيعرفوك ......

بس اللي بيعرفوك ويئذوك أو يجرحوك ...هون المصيبة


طيب ماهو عارفك ....يعني .. قاصدك


وبلاقي العتاب لو كان بأسلوب حلو وخفيف دم بينجح


بس أنه نسكت تماما !!!!!!!


ويرجعوا يعيدوا الكرّة !!!!!!


لا أظن


لأنه القريبين منك .. بتاخد على خاطرك منهم أسرع


وطبعا وأكيد فيه أمور صغيرة بنتغاضى عنها


ولما بتصير شغلة كبيرة .. بنطلع البدري والوخري


على رأي أمي


بس برضه على أد المحبة


وممكن يكون غلط غير مقصود


فلما نتعاتب بنفتح قلوبنا .. وبنحكي


وممكن تمرق بسلام ..... وما يعود لها أثر


بس المشكلة ..


لما تلاقيهم صاروا يكرروا الغلط بحقك


وكل مرة على قولة ( ما بقصد )


هون لا تصدقهم .......


كذّابين

[ساجده]

صح الكلام

العتب على اد المحبة

نعتب على الاشخاص اللى نحتاجهم بحياتنا


سلوى

تسلمى حبيبتى على طرحك

اسعدك ربى دوما

[همس الليل]

فعلا لو كانوا مش مهمين عندنا ما كنا عاتبناهم

العتاب بيصفى المشاكل ويخلى القلوب ترجع زى قبل الزعل

موووضع كتير حلووووو

تسلمى اختى سلوى على بساطة الموضوع وقوته فى نفس الوقت

دمت بالق يا قمر

[أحمد اسماعيل]

سلووووى ... يسلموووا على روووعة الطرح

جعل الله حياتك كلها سعادة وخير

دعواتى لكى بالصحة والعافية

[marmer]

العتاب للقريبيين لقلوبنا

بس

مشكورة