احببتك.. فأهديتك.. عرشاً حتى تتربع عليه ..

همس الليالي · 04-20-2011, 10:02 PM

بسم الله الرحمن الرحيم

صباح / مساء / الفل والجوري

أكيييييييييييد الكل يسأل مين هالحبيب اللي راح يتربع على العرش اللي راح أسويه له
لا لا لا
لا يروح فكركم بعيييييييييييييد
كلنا عندنا هالحبيب وكارفينه ليل ونهار
وجزاء له وعرفانا بجميله معانا
قررت إني اهديه هالهدية البسيطة
؟
؟
؟
مين هالحبيب
طبعا حبيب الكل اللي هو الجواااااااااااااااال

مين منا ما كرفت هالضعيف وهرته بالمكالمات والمسجات

أنا جلست أفكر وأفكر واحوس بالغرفة وأنا لي كم من يوم أفكر أسوي ستاند لجوالي قلت بدل لا افرفر في السوق خلني ابتكر شئ من وحي خيالي
لقيت إن عندي بالغرفة هالاشياء البسيطة واللي لا يكاد بيت يخلو منها ألا وهي:

الورد الصناعي

راح احتاج منه البتلات والأوراق الخضراء هنا شكل الوردة بعد ما فكيتها

وهنا شكلها بعد ما قصيتها إلى أوراق متفرقة

نحتاج كمان الكرتونة اللي تجي بوسط لفة السفرة وطبعا هيه اعرض وأقسى من تبع المناديل الرول

طبعا أنا قصيتها بهالشكل باستخدام السكين المنشارية

نحتاج كمان نقص من كرتون على شكل دائرة بهالشكل

نحتاج قماش عشان نلبس هالكرتونة أنا استخدمت ساتان سكري طبعا قصيت دائرتين من القماش لتلبيس الجزء العلوي والجزء السفلي من قطعة الكرتون بهالشكل

وجبت الصمغ المسدس صمغت القماش على قطعة الكرتون وبعدين قفلت الأطراف بغرزة البطانية بهالشكل

بعدين برضو قصيت دائرتين من الساتان وهالمرة عشان اعمل مخدة للغالي وراح يكون قياس الدائرة هو نفس قياس قاعدة الكرتونة الاسطوانية اللي قصيناها أنا خيطت أطراف المخدة في البداية وبعدين تركت فتحة عشان احشيها بالقطن وكانت هذي النتيجة

بعد كذا عشان أغلف القطعة الاسطوانية اللي قصيتها قصيت من القماش الساتان السكري مستطيلين والقياس لهالمستطيلين هو انك تلفي القماش على الرول السابق إلى ما تتلاقى الأطراف وبكذا تكوني حددتي العرض والطول راح يكون على حسب الطول اللي حددتيه للاستاند من البداية
بعد كذا غلفت الستاند بالقماش باستخدام الصمغ المسدس

لصقت الشكل الاسطواني للستاند بالقاعدة المدورة بعد كذا جبت بتلات الوردة وبديت الصقها ع الستاند من أعلى إلى أسفل ولصقت على أطراف القاعدة المدورة الأوراق الخضراء وعشان ما يبين الصمغ اللي أسفل الشكل الاسطواني لفيت حوله شريطة وردية ولفيت كمان بنفس الشريط فيونكة في الجزء الأمامي وزينتها بحبة لولو
وكانت النتيجة كالتالي

صورة اوضح

وهذي والغالي مرتز فيها بعد عناء يوم طوييييييل من الهذرة والمسجات

أتمنى تكون الفكرة راقت لكم وأعجبتكم وياليت لو تجربون تطبقونها

طبعا مع الأخذ بعين الاعتبار انو هالاستاند ما يناسب كل أنواع الموبايلات اقصد مثلا البلاك بيري والآي فون وغيرها من الأجهزة الكبيرة والعريضة

م/ن