العودة   شبكة صدفة > المنتديات العامة > منتدى صدفة العام

منتدى صدفة العام مواضيع عامة, مقتطفات, مواضيع جديدة، معلومات عامه.

إضافة رد
 
أدوات الموضوع
قديم 05-31-2010, 04:28 PM رقم المشاركة : 1
معلومات العضو
الدره العصماء
إحصائية العضو







الدره العصماء غير متواجد حالياً

 

Smile زغروطة يا ام فاروق





.زغروطة يا ام فاروق.

لولولولولولولولولولولولول ولى






أم محمد: عقبال عندك يا ام فاروق البت ابتسام بنتي جالها عريس انما ايه ..يتاقل بالمال..والخطوبة الخميس اللى بعد الجاى ان شاء الله..



ام فاروق: الف الف مبروك يا ام محمد ..ربنا يتمملها بخير يارب..



ام محمد : الله يخليكي يا اختي ..عقبال بناتك كده ان شاء الله ..



دخلت ام فاروق بيتها ورزعت الباب وراها وهى هتفرقع من الغيظ...وبقت عماله تكلم فى نفسها..يعني انتى يا محمد بتغيظني يعني علشان جوزتي بناتك التلاته وانا لسه بناتي قاعدين ..!



أم فاروق (بأعلى صوت) : انتو يابنات ..انتى يا بت منك ليها ..انتو يا مفاعيص..تعالوا هنا بسرعه..!




(الست ام فاروق عندها خمس بنات ما شاء الله ..ربنا يخلي.. )



رانيا 30 سنه كلية طب

رضوى 28 سنه كلية تربية
روعة 24 سنة كلية اداب
راجية 22 سنة كلية تجارة
رحمة 20 سنة كلية صيدله






اجتمع البنات بعد ما كانوا سمعوا الحوار بين امهم وام محمد وهما عارفين الكلمتين اللى هياخدوهم فى جنابهم من امهم!



أم فاروق: بصوا بقى يا بنات ..انا جالى الضغط والسكر والقلب منكو..وخلاص مرارتي هتفرقع ده ان ماكنتش فرقعت !



بنات المنطقه كلهم اتجوزوا وانتو لسه قاعدين ..اعمل ايه بس ياربي؟!





قالوا ذوقي البنات

جبتلكوا اغلى ميك اب واحسن لبس ودولاب كل واحده فيكوا يشهد..
وانتو اصلا قمرات من غير حاجه..

وبرده مفيش فايده!





قالوا ورى الناس بضاعتك

سيبتكوا تلفوا وتخرجوا وتروحوا الافراح والحفلات ..وبرده مفيش فايده !






قالوا محسدوين ومعملكوا عمل

جبتلكوا شيوخ وعملنلكوا احجبة ورقيناكوا ..ورده مفيش فايده!






قالوا مكاتب الجواز

قدمنلكوا فى 1000 مكتب وبرده مفيش فايده!





قالوا يبقى التليفزيون هو الحل

اتصلنا ببرنامج (بدل العريس الف) فى قناة (النصب العلني) ..وبرده مفيش فايده!





قالوا يبقى مفيش غير النت

جيبنلكوا نت واشتركتنا فى كل مواقع الجواز ..وبرده مفيش فايده!





قالوا مواقع الجواز موضه قديمة , الفيس بوك هو الحل

سييبتكوا تدخلوا على الفيس بوك على امل تعلقوا اى عريس..وبرده مفيش فايده!





قولولي اعمل ايه بس يا ناس؟؟!!!!



يلا انتى وهى غوروا من قدامى..كل واحده تنزل دلوقتى ومترجعش البيت الا بعريس فى ايديها والا مش هتدخل البيت!!

قوموا ..مش طايقه اشوف وش حد فيكوا!!
صبرني يارب!










نسيب الست ام فاروق على ما تهدى شوية..

وتعالوا بينا ندردش حبتين ..





واكيد طبعا عرفتوا هتكلم معاكم فى ايه ..مش محتاجه مفهوميه يعني ..



مشكلة العنوسة..!!



البنت بقت ليل نهار تحلم بالعريس اللى هيجي ياخدها على الحصان الابيض فى ليلة بيضا ويعيشوا عيشه كلها ابيض فى ابيض






تعالوا الاول نعرف يعني ايه كلمة عنوسة (لغويا)..؟



معنى العنوسة : قال أهل اللغة : (( عنست البنت البكر تعنُس بالضم، وعنوسا وعناسا؛ أي طال مكثها في بيت أهلها بعد إدراكها ولم تتزوج فهي عانس، والرجل اذا أسن ولم يتزوج فهو أيضا عانس، وأكثر ما يستعمل في النساء ))



يعني العنوسة للولد والبنت..



بس انا جاى انهارده اكلم البنات وبسسسسسسسسس..!




ده انت غتت اوى ..انت تكلم البنات بمناسبة ايه يعني؟؟



اولا : انا بكلمك لاني مسلم وليكي عليا حق النصيحة ..



ثانيا: بكلمك كأخ ليا اخوات بنات وحاسس بيهم ومسئول عنهم..



ثالثا: بكلمك كشاب عايش بين الشباب وشايف سلوكهم وتفكيرهم ..




رابعا: بكلمك كشاب عايز يتجوز وبيدور على عروسه ..








الجواز يا بنات سُنة ربنا فى الأرض..يعني مش عيب ولا حرام اني اتمنى الجواز..

بالعكس ده من وصايا النبي صلى الله عليه وسلم:
( تزوجوا فإني مكاثر بكم الأمم ، و لا تكونوا كرهبانية النصارى )





ومشكلة العنوسة موجوده من زمااااان بس مكنتش ظاهرة بالدرجه ..ولكن فى زماننا تفشت وانتشرت واصبحت ظاهرة بشكل واضح لاسباب كتييييييييييييييير جدااااااااااا مش موضوعنا اننا نتكلم فيها..



والاحصائيات الاخيره بتوضح مدى السوء اللى المشكله بتتجه ليه كل يوم ويوم..

كشفت دراسة حديثة صادرة عن الجهاز المركزي للتعبئة والإحصاء في مصر عن أن عدد العوانس في مصر بلغ 13.3 مليون، وأن عدد الذكور يصل إلى 7.6 عانس، مقابل 5.7 مليون عانس من الاناث..!!





وفيه احصائيات كتير جدا بتقول ان عدد البنات فى مقابل الولاد اصبح كبير وده من علامات الساعه زى ما النبي صلى الله عليه وسلم قال:

ليأتين على الناس زمان ، يطوف الرجل فيه بالصدقة من الذهب ، ثم لا يجد أحدا يأخذها منه ، ويرى الرجل الواحد يتبعه أربعون امرأة يلذن به ، من قلةالرجال وكثرة النساء .








يمكن أغلب البنات عندنا فى مصر سن الجواز فيهم بيتراوح بين سن (18-24) تقريبا ..طبعا فى بنات بيتجوزوا اقل او اكبر بس مش كتير..

نظرة المجتمع طبعا اللى الكل يعرفها للبنت اللى وصلت 25 سنة ولسه متجوزتش انها خلاص بقت عانس وجوازها اصبح شبه مستحيل خاصة فى الزمن ده ..ليه؟

اصل فيه غيرها كتييييييير ..نفس المميزات تقريبا وكمان اصغر منها سننا ..!





ويمكن نظرة المجتمع دى بيشبها البعض تشبيه سئ زى البضاعة فى السوق..العمليه عملية عرض وطلب!







المكشله الكبرى اللى بتقابل اى بنت هى مشكلة الضغوط من عدة اتجاهات ..اهمها..ضغوط من البنت نفسها..وضغوط من الاهل ..وضغوط من الناس..



اولا: ضغوط من نفس البنت:

وده غصب عنها مش بمزاجها..زى ما قولنا ان الزواج سنة ربنا فى الارض , وربنا سبحانه وتعالى خلق المراة ضعيفة وميالة للعاطفة محتاجه راجل يكون جنبها يعطف عليها ويحسسها بالحنان والامان ده غير فطرة الامومة اللى ربنا وجدها فيها..فالبنت جواها زيها اى بنت صاحبتها نفسها تتجوز وتبقى ربة بيت وتبقى ام وتعيش الحب الحلال..





ثانيا: ضغوط من الاهل:

ودى من الضغوط الكبيره على الاهل قبل ما يكون على البنت خاصة فى الزمن ده وفى ظل الظروف الصعبة اللى بيعشها الأهل..بتلاقى الاهل وخصوا الامهات نفسها تشوف بنتها عروسه وتفرح بيها ونفسها تشيل ولادها وتلاعبهم ..دى مشاعر معظم الامهات ..بجوار ان فيه بعض الناس نفسها بناتها تتجوز علشان تخف عليهم المصاريف والاعباء شوية وناس تانيه حكم الاعادات والتقاليد مش راضية تجوز الصغيره قبل الكبيره فنفسها الكبيرة تتجوز علشان توسع الطريق لاخواتها..وهكذا..ده بيخلى الاهل مضغوطين وكمان بيضغطوا على البنت وزى ما شوفتوا فى اول الموضوع الست ام فاروق..!





ثالثا: ضغوط الناس:

الناس الناس الناس..الناس مش بتسيب حد فى حاله ابداااا ..وخصوصا فى الارياف وبين الستات وبالذات موضوع الجواز ده..مش عارفه فلانه لسه متجوزتش لحد دلوقتى ياترى ايه السبب يكونش مش عارف ايه ؟؟
وفلانه خطوبتها اتفركشت وعريسها عمل مش عارف ايه وفلانه وفلانه.....
وكلام الناس بيجرح ومش بيخلص!







الضغوط دى مع الشيطان مع النفس الاماره بالسوء بيدفعوا البنت انها توصل لدرجة انها عايزة تعمل اى حاجه مقابل انها تتجوز..او تشيل الضغوط دى عنها باى طريقه حتى ولو كانت الانتحار!!!!





يعني بعض البنات زى ما بنشوف وبنسمع كتير.. تكون ملتزمه وصاينة نفسها ومش عايزه تغضب ربنا ومع ذلك برده مجالهاش عريس لحد دلوقتى مع ان زميلاتها اللى مش ملتزمين او لبسهم على الاقل منيل بنيلة بيجلهم عريس واتنين وعشره وهى محدش قالها تلت التلاته كام ولا فكر يدق الباب..فيبدأ الشيطان يشكك البنت فى نفسها ..هو انا صح ولا غلط..طب لو صح امال ليه انا كده وهما كده؟؟



ويبدأ الشيطان يشوف شغله ويخيلها تتنازل واحده واحده ..من خمار لعباية وطرحة قصيرة ..وبعدين جيبة وبلوزه وميك اب خفيف ..وبعدين بنطلون ...وهكذا .........وبرده مفيش عريس..!



تبدأ تخرج وتلف وتروح هنا وهناك على امل ان حد يشوفها ويتقدم لها ..وبرده مفيش فايده!



تبدأ ترخص نفسها لو كانت فى كلية مثلا او فى شغل وتروح هى اللى تكلم الولاد وتتصاحب عليهم وده طبعا بنشوفه كتير ..وبرده مفيش فايده!



تدخل النت وتحط صورها على الفيس بوك وتكلم ده وتشيت مع ده وتدى ده رقم موبايلها ..وبرده مفيش فايدة!



ولو البنت مكنتش جميلة مثلا او مش واثقه فى نفسها ممكن تتنازل وتعمل اكتر من كده عياذا بالله ..

وانتو شايفين اكتر منى!





طيب ليه كده مفيش جواز برده؟؟!



المشكله ان البنت مش عارفه ان كل اللى بتعمله ده اسمه اخذ بالاسباب ..حتى ولو كانت الاسباب دى صح او غلط ..هى فاكره ان الاسباب دى ..الجمال واللبس والخروجات والشات هى اللى هتجيب العريس..



ونسيت ان رب الاسباب سبحانه وتعالى هو اللى لازم يأذن علشان الاسباب تشتغل ..

ومن غير ده يبقى حتى لو خدت باسباب الارض كلها مش هيجلها عريس برده..





ابقوا اسمعوا المقطع ده..













طيب ايه الحل دلوقتى؟؟؟؟



قبل ما نتكلم فى الحل..لازم الفت نظر البنات لعدة نقط..



اولا: انا كشاب زى اى شاب (والناس بتقول عليا محترم وكويس ) لما اجى ادور على زوجه ليا عمرى ما هختار زوجتى من ع النت ..او من الشات ..او بمكالمة موبايل..وعمرى ما هفكر فى يوم فى واحده متبرجه لبسها مش زى ما ربنا ورسوله امر ولو كانت أجمل واحده فى الكون..

اهم حاجه عندى الدين ..اولا واخيرا..الدين والحياء هو اللى هيخليكي اجمل واحده فى نظر اى شاب ملتزم..





طيب ده كلامك انت ..انما اللى بنشوفه على ارض الواقع ان كل الناس بقت تختار بالجمال واللبس والشياكه واكبر دليل ان كل اصحابي اللى مش ملتزمين اتجوزا وانا الحمد لله كويسه ولابسه اسدال ولسه قاعده؟!



طيب هسألك شوية اسئله وعايزك تفكرى فيها كويس جداا..


تفتكرى الشاب اللى اختار بنت علشان جمالها ..لو حصلها اى حاجه ..مثلا طلعلها شوية حبوب فى وشها ومراحوش ..او لاقدر الله حصلها حرق او اى حاجه ..هيطيق يعيش معاها ؟؟!



تفتكري اللى اختار بنت علشان عجبته فى فرح او حفلة مش هيبص لغيرها ..ده بص لالف واحده زي ما بصلها ..ولا تفتكرى ده واحد ملتزم علشان يختار بالشكل ده؟



تفتكرى ان البنت اللى راحلها شاب عنده عربيه وعماره وفلوس وافقت عليه وهو حتى مش بيصلى هيعاملها بما يرضى الله وهيتقى الله فيها وهتكون عيشتهم سعيده؟؟



تفتكرى ان العريس اللى اختار الجمال وقلع عروسته الحجاب فى ليلة الفرح وخلاها ترقص قدام الناس ده راجل اصلا عنده نخوه هيحافظ على مراته ويصونها ويخاف عليها ؟؟



اه بنات كتير بيتجوزوا ..بس ايه اللى بيحصل بعد الجواز؟؟



مصايب وبلاوى ..وعيشه هباب..وده اللى بنشوفه وبنسمعه وما خفى خلف ابواب البيوت كان اعظم!!!


كام حالة طلاق فى المحاكم وكام مشكله وكام خناقه ..!


لان البيت اتبنى غلط من الاول..!



يا فرحتي البنت اتجوزت..!!!


سنة او سنتين او كام شهر حتى وتلاقيها اتطلقت!!

والمكشله تبقى اكبر من الاول لو معاها اولاد..!



والأدهى انها ممكن تكون عايشه عيشه لا تطاق ..نكد وهم وغم وضرب وخناقات ..ومجبره على كده علشان خاطر الاهل او مش عارفه تتطلق او لاى سبب كان..!


لينا ناس جيراننا ..الراجل مراته طيبه جدا والناس كلها بتشهدلها ومع ذلك مطلع روحها وكل يوم يضربها ويبهدلها قدام الناس ومعيشها فى جحيم !



يا ترى تحبي تتجوزى زى صحابك وتبقى دى عيشتك؟؟



اسمعى حديث النبي صلى الله عليه وسلم علشان تعرفي ربنا بيرزق المتبرجات بعرسان ليه وانت لأ..!

قال النبي صلى الله عليه وسلم :

( إذا رأيت الله تعالى يعطي العبد من الدنيا ما يحب ، و هو مقيم على معاصيه ؛ فإنما ذلك منه استدراج)

قال تعالى
فَلَمَّا نَسُوا مَا ذُكِّرُوا بِهِ فَتَحْنَا عَلَيْهِمْ أَبْوَابَ كُلِّ شَيْءٍ حَتَّى إِذَا فَرِحُوا بِمَا أُوتُوا أَخَذْنَاهُمْ بَغْتَةً فَإِذَا هُمْ مُبْلِسُونَ ) سورة الأنعام


ربنا بيستدرجهم وهما مش حاسيين..ربنا يتوب علينا وعليهم قبل فوات الاوان..



ثانيا: اوعى علشان كبرتي فى السن او جوازك اتأخر ..اول ما عريس يجيلك ترضى بيه لو كان غير ملتزم ..انتي ممكن تتنازلى عن اى شئ ..عفش ,دهب , فرح..انما الدين لاء..احنا عايزين عريس صالح ياخد بايدك للطاعه ويعيش معاكى بالمعروف ويعاملك زى ما النبي كان بيعامل زوجاته صلى الله عليه وسلم..وتربوا ذرية صالحه تكون صدقة جارية ليكوا بعد وفاتكم..




ثالثا: اوعى تفتكرى ان كل واحد قالك بحبك وبموت فيكي يبقى صادق ومش بيكدب؟؟!!!

من كام يوم كنت قاعد مع جماعه زمايلي فلقيت واحد فيهم بيقول للتاني ..البت (فلانه) انا زهقت منها خلاص ..وهديلك رقمها تشتغلها وتعيشلك معاها يومين..التانى قالوا ليه بس ده انت بقالك معاها كام سنه ووعدتها بالجواز والبنت متعلقه بيك..قاله انت هتعيش انت كمان ..او عى تكون فاكر انى بحبها بجد ..ولا ممكن اتجوزها اصلا..يومين بنقضيهم وغيرنا يستلم ..!
ومن ده كتييييييييييييييييير..









طيب ايه الحل ؟؟؟؟؟؟؟؟



انا زهقت من نفسى ومش عارفه اتصرف ازاى مع بابا وماما او مع الناس؟؟!



بصي يا اختي ركزى فى الكلام..



اولا مع نفسك :

لازم قبل كل شئ تجديد التوبة لربنا سبحانه وتعالى ..
عايزين يبقى عندنا شوية يقين ..
هندخل بقى فى كلام الشيوخ يقين ومش عارف ايه..!
ده مش كلام شيوخ .. ده كلام ربنا اللى خلقنا وعارف مصلحتنا وكلام النبي الذى لا ينطق عن الهوى اللى ربنا ارسله رحمة لينا وللعالمين.. ده الدين بتاعنا ..اللى هدفه اننا نعيش احلى حياة ..


انتى اكيد عارفه ان من شروط الايمان ..
الايمان بالقدر خيره وشره..
يعني ايه؟؟
يعني كل اللى يجيبه ربنا كويس..
يعني اتجوزت الحمد لله ..خير ..
الجواز اتأخر ..الحمد لله خير..
متجوزتش ..برده الحمد لله خير..
لو ربنا كاتبلى عريس يبقى هيجلي هيجيلي ..انهارده ..بكره ..بعد شهر ..بعد سنه ..المهم انه هيجي وقت ما ربنا يشاء..
احد السلف كان بيقول كلام جميل اوى (علمت ان رزقي لن يأخذه غيري فاطمأن قلبي)
رزقى مكتوب من يوم ما اتولدت ..محدش هيأخده غيري..يبقى اشيل الهم ليه؟؟


بل فيه حديث من اعجب الاحاديث اللى قريتها وناس كتير لو عرفوه المفروض يغير من تفكيرهم..ويخيلهم يبطلوا يشيلوا هم الرزق ..

يقول النبي صلى الله عليه وسلم :

إن الرزق ليطلب العبد كما يطلبه أجله .

المحدث: الألباني - المصدر: صحيح الترغيب



يعني الرزق هو اللى بيجري ورانا علشان يوصلنا زى ما الموت بيجري وراك ..!

يعني انتى عماله تلفي ورا العريس وهو بيلف وراكي ..





ولو حد قالك انتى ازاى هتتخطبي او تتجوزى من غير ما حد يشوفك ؟؟
لازم تخرجي وتروحى هنا وهناك وتفرجي الناس !
قوليله انا عندي يقين ان عريسى مقسوملى ..يجي ازاى دى مش بتاعتي ..دى ربنا سبحانه وتعالى اللى بيسبب الاسباب علشانها ..
زى الاكل ما بيجيلي كل يوم وانا قاعده فى بيتي لحد عندي..بابا بيجيبه ..اى حد يجيبه ..المهم انه بيجي!
كذلك موضوع العريس..


واوعي تفتكري انك مهما لبستي او اتشيكتي او كنتى جميلة او كلمتى ولاد كل ده هيسرع جوازك..

اسمعى الحديث ده ..
قال رسول الله صلى الله عليه وسلم :

إن روح القدس نفث في روعي ، أن نفسا لن تموت حتى تستكمل أجلها ، وتستوعب رزقها ، فاتقوا الله ، وأجملوا في الطلب ، ولا يحملن أحدكم استبطاء الرزق أن يطلبه بمعصية الله ، فإن الله تعالى لا ينال ما عنده إلا بطاعته




يعني اوعي علشان الرزق اتأخر شوية تعصي ربنا علشان تطلبيه..!

خليكي فاكره كويس .. (ما عند الله لا ينال إلا بطاعته)





طيب انا ملتزمه او كنت مش ملتزمه وبفضل الله التزمت وغيرّت لبسي وحياتى وبقيت بطيع ربنا ..
وصبرت كتير وجوازى متاخر برده!
يبقى لازم تعرفى ان ده هو الخير ليكي..ان جوازك يتاخر او (لا قدر الله ) انك متتجوزيش هو ده الخير ..
زى ما قولتلك قبل كده ترضى انك تتجوزى وتعيشى فى هم وغم وجحيم وهتتمنى ساعتها انك تقعدى طول عمرك ولا انك تكونى اتجوزتى!
خلى الايه دى فى قلبك على طول :
(وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ)


ربنا هو اللى عالم الخير فين ..وهو ارحم بيكي من امك وابوكي..لو عالم ان الجواز خير كان قدمه ليكي..
ولكنه يعلم ان تاخيره هو اللى خير علشان كده أخره ..
يبقى خليكي فاكره (وَاللَّهُ يَعْلَمُ وَأَنْتُمْ لَا تَعْلَمُونَ) ..





ثانيا: مع الأهل:

الام والأب..فكرهم غير فكرك..بس ممكن تقنعيهم بالكلام اللى فات ده ..بس ناس كتير ايمانها ضعيف وبرده مش بيقتنعوا ..اعمل معاهم ايه؟
اصبرى عليهم واوعي تزعقى معاهم او تزعليهم واتعاملى معاهم بكل ادب واحترام ورحمة ..




ومتجادليش كتير علشان متتعبيش..
وادعى ربنا انه يهديهم ويرزقك الصبر عليهم والبر بيهم..



ثالثا: مع الناس :

اوعى تلتفتى لكلام اى حد ..
الناس عمرهم ما هيبطلوا كلام سواء اتجوزتي او متجوزتيش!
سيبي الناس يقولوا زى ما يقولوا..ولا يهز شعره فيكي..
انتي مؤمنه وعندك يقين وثقه فى الله انه عمره ما هيضيعك ..



واخيرا ..

ولكنه ليس بأخير ..بل قبل كل شئ..
عليكي بــ الدعــــــــاء ..


ربنا قال (ادْعُونِي أَسْتَجِبْ لَكُمْ) ..
يعني الدعاء مستجاب ..خاصة بقى لو فى قيام الليل او بين الاذان والاقامه او الدعاء بظهر الغيب او دعاء الام لبنتها ..


قولي يارب..واطلبي الزوج الصالح من الله ..
خزائن ربنا مليانة عرسان ..بس انتي قولي يا رب..


طيب ...انا بدعي بقالى كام سنه وحاسه انه مش بيستجاب ليا؟؟!

مين قال كده ..لو انت فعلا بتدعي بعد تجديد التوبه وباخلاص وبتاكلى من حلال يبقى ان شاء الله دعاءك مستجاب مستجاب مستجاب ..بس الاستجابه دى ازاى؟؟

اسمعى حديث النبي صلى الله عليه وسلم :
( ما من مسلم يدعو ، ليس بإثم و لا بقطيعة رحم إلا أعطاه إحدى ثلاث : أما أن يعجل له دعوته ، و أما أن يدخرها له في الآخرة ، و أما أن يدفع عنه من السوء مثلها قال : إذا نكثر ، قال : الله أكثر
)



ادعي ربنا وانتي على يقين بالاجابه..
اوعي تيأسي..
واوعي تعصي ربنا علشان الزواج..
انتي عايزه تتجوزي علشان تعيشي احلى حياة ..
واحلى حياة مش هتلاقيها الا فى طاعة الله..


**منقووووول**









آخر مواضيعي 0 مــحـجـبـة بس // إستايل وشيك !!!!
0 فضل العشر الأوائل من ذي الحجة
0 تجميع لروابط /خواطر على الطريق ..محمد رسول الله
0 أحكام مختصرة في شهر شوال
0 كلمات من مصر {اشتروني}
رد مع اقتباس
قديم 05-31-2010, 04:35 PM رقم المشاركة : 2
معلومات العضو
نور

الصورة الرمزية نور

إحصائية العضو







نور غير متواجد حالياً

 

افتراضي رد: زغروووووووطه ياأم فاروق .....*ّ*ّ*ّ*ّ*

طرح قمة بالرووووووووووعة
جذبنى من العنوان
ثم ادهشنى فى المضمون
تحليل وتوضيح شامل
لاسباب العنوسة
وكيف تقابلها الاسر وتعالج اثارها
والاجمل بالنهاية طاعة الله قمة السعادة الايمانية
سلمت غاليتى
الدرة العصماء
بارك الله لك
جزاك عنا خيييييييييييييير
ننتظرك مع غيث ممطر يروى الفكر دوما
دمت برعاية الله وحفظه







آخر مواضيعي 0 أنا أَيضاً يوجعنى الغياب
0 ﺃﻋﺪُﻙ !
0 ذاكرة الجسد...عابر سرير ...لاحلام مستغانمي
0 أنا وانتي.. حكاية بريئة
0 إنيِّ طرقتُ البابَ ياربّ
رد مع اقتباس
قديم 05-31-2010, 04:50 PM رقم المشاركة : 3
معلومات العضو
أحمد اسماعيل

الصورة الرمزية أحمد اسماعيل

إحصائية العضو







أحمد اسماعيل غير متواجد حالياً

 

افتراضي رد: زغروطة يا ام فاروق

الدرة العصماء.. حفظك الله على الطرح القيم



هى مشكلة تحتاج تكاتف الاهل والدولة ورجال الدين


الله يستر على شباب وبنات المسلمين


كتب الله لك السلامة والخير

همسة : حتى يكون للموضوع زوار ومشاهدات ويتم ارشفته .. العنوان لا يحتاج مد فى الحروف ولا رموز











آخر مواضيعي 0 مباراة الأهلي ووفاق سطيف الجزائري
0 دعاء يوم الجمعة
0 روسيا تسلم محطة تشيرنوبل النووية إلي أوكرانيا
0 دعاء آخر يوم في شعبان
0 فضل الصيام
رد مع اقتباس
قديم 05-31-2010, 06:08 PM رقم المشاركة : 4
معلومات العضو
الدره العصماء
إحصائية العضو







الدره العصماء غير متواجد حالياً

 

افتراضي رد: زغروووووووطه ياأم فاروق .....*ّ*ّ*ّ*ّ*

اقتباس:
المشاركة الأصلية كتبت بواسطة نور مشاهدة المشاركة
طرح قمة بالرووووووووووعة
جذبنى من العنوان
ثم ادهشنى فى المضمون
تحليل وتوضيح شامل
لاسباب العنوسة
وكيف تقابلها الاسر وتعالج اثارها
والاجمل بالنهاية طاعة الله قمة السعادة الايمانية
سلمت غاليتى
الدرة العصماء
بارك الله لك
جزاك عنا خيييييييييييييير
ننتظرك مع غيث ممطر يروى الفكر دوما
دمت برعاية الله وحفظه


أسعدنى مرورك العطر **ّ*ّ*يانور *ّ*ّ*ّ*صدفه
.
.






آخر مواضيعي 0 مــحـجـبـة بس // إستايل وشيك !!!!
0 فضل العشر الأوائل من ذي الحجة
0 تجميع لروابط /خواطر على الطريق ..محمد رسول الله
0 أحكام مختصرة في شهر شوال
0 كلمات من مصر {اشتروني}
رد مع اقتباس
قديم 06-01-2010, 02:04 AM رقم المشاركة : 5
معلومات العضو
الدره العصماء
إحصائية العضو







الدره العصماء غير متواجد حالياً

 

افتراضي رد: زغروطة يا ام فاروق

اقتباس:
المشاركة الأصلية كتبت بواسطة أحمد المصرى مشاهدة المشاركة
الدرة العصماء.. حفظك الله على الطرح القيم



هى مشكلة تحتاج تكاتف الاهل والدولة ورجال الدين


الله يستر على شباب وبنات المسلمين


كتب الله لك السلامة والخير

همسة : حتى يكون للموضوع زوار ومشاهدات ويتم ارشفته .. العنوان لا يحتاج مد فى الحروف ولا رموز

..




وجزاك الله خيرا استاذنا الفاضل على الملحوظه ..حضرتك نبهتنى اليها من قبل وانا تقريبا سهوت عنها .






آخر مواضيعي 0 مــحـجـبـة بس // إستايل وشيك !!!!
0 فضل العشر الأوائل من ذي الحجة
0 تجميع لروابط /خواطر على الطريق ..محمد رسول الله
0 أحكام مختصرة في شهر شوال
0 كلمات من مصر {اشتروني}
رد مع اقتباس
قديم 11-14-2010, 10:35 AM رقم المشاركة : 7
معلومات العضو
ابو عمر المصرى

الصورة الرمزية ابو عمر المصرى

إحصائية العضو









ابو عمر المصرى غير متواجد حالياً

 
إرسال رسالة عبر Yahoo إلى ابو عمر المصرى

افتراضي رد: زغروطة يا ام فاروق

بارك الله فيك وجزاك الله كل خير
الله يعطيك الف عافيه اخي على الطرح المميز







آخر مواضيعي 0 وحشتونى
0 قـالـوا : هل رأيت من هو أسخى منك ؟ قـال : نـعـم
0 أمراض لا يراها الناس
0 كيف تجعلين زوجك يصغي اليك
0 الخروج من اللوحهَ
رد مع اقتباس
قديم 11-14-2010, 10:54 AM رقم المشاركة : 8
معلومات العضو
أحاسيس مبعثره

الصورة الرمزية أحاسيس مبعثره

إحصائية العضو








أحاسيس مبعثره غير متواجد حالياً

 

افتراضي رد: زغروطة يا ام فاروق

الغاليه

الدره العصماء

موضوع اكثر من رائع فقد احسنتى حياكته

من البداية الى النهاية وختمتيه بنصيحة رائعة

رزقك الله بالزوج الصالح انتى و سائر بنات المسلمين و نيجى


هنا فى المنتدى و نزغرط لك بقوة ان شاء الله فى همزة وصل

جزاكى الله خيرا



تحياتى

أحاسيس مبعثره






آخر مواضيعي 0 لا احد يستطيع أن يفهم نغماتك
0 يااااقلمى
0 ياحبيبى
0 الحب هو ان أحتاجك
0 بحر الحياة
رد مع اقتباس
قديم 11-14-2010, 12:15 PM رقم المشاركة : 9
معلومات العضو
اكرم شكرى

الصورة الرمزية اكرم شكرى

إحصائية العضو








اكرم شكرى غير متواجد حالياً

 
إرسال رسالة عبر MSN إلى اكرم شكرى إرسال رسالة عبر Yahoo إلى اكرم شكرى

افتراضي رد: زغروطة يا ام فاروق

الدرة العصماء

قرأت الموضوع واستمتعت جدا بكل كمة

وترتيب وصياغة وتتابع يدعوا للحسد الحميد

وبالفعل نتعايش فى هذه المشاكل يوميا ولكن كلمة عانس

وما تحتوى من معنى لغوى لا نستخدمة, فلها معنى معنوى دائما نستخدمة

هذه الكلمة امقتها تماما ولا اعترف بها

البنت تتزوج فى اى سن عنما يحين ميعادها

فالزواج كالاجل يأتى فجأة ولا نعرف من اين يأتى

وهذا كما المح الموضوع

ولكن ما تم شرحة كاف وواف من جميع الجوانب

ولن نضيف علية شىء

والاضافة الوحيدة هى نصيحة عن تجربة ليست شخصية

الاستغفااااااااااااااار

عنما علمت ان لا رزق خير حلال بركة

بدون استغفار نصحت كثير من البنات بالاستغفار

الاستغفار الدائم ليل / نهار/ ظهرعصر/فى البيت/ فى الشارع

فى المواصلات / فى العمل / فى الدراسة/ فى اى مكان

الاستغفار كل دقيقة وساعة وثانية

وجابت الوصفة نتائج رائعة

هى وصفة بسيطة جدا جدا جربوها


معنى ربما لم نلتفت الية من قبل

يقول الله عز وجل


َاصْبِرْ إِنَّ وَعْدَ اللَّهِ حَقٌّ وَاسْتَغْفِرْ لِذَنبِكَ وَسَبِّحْ بِحَمْدِ رَبِّكَ بِالْعَشِيِّ وَالْإِبْكَارِ [غافر : 55]

وايضا


أَنِ اسْتَغْفِرُواْ رَبَّكُمْ ثُمَّ تُوبُواْ إِلَيْهِ يُمَتِّعْكُم مَّتَاعاً حَسَناً إِلَى أَجَلٍ مُّسَمًّى وَيُؤْتِ كُلَّ ذِي فَضْلٍ
فَضْلَهُ


وايضا

َيَا قَوْمِ اسْتَغْفِرُواْ رَبَّكُمْ ثُمَّ تُوبُواْ إِلَيْهِ يُرْسِلِ السَّمَاء عَلَيْكُم مِّدْرَاراً وَيَزِدْكُمْ قُوَّةً إِلَى قُوَّتِكُمْ وَلاَ تَتَوَلَّوْاْ مُجْرِمِينَ [هود : 52]

وايضا

َمَا كَانَ اللّهُ لِيُعَذِّبَهُمْ وَأَنتَ فِيهِمْ وَمَا كَانَ اللّهُ مُعَذِّبَهُمْ وَهُمْ يَسْتَغْفِرُونَ [الأنفال : 33]


وايضا


َقُلْتُ اسْتَغْفِرُوا رَبَّكُمْ إِنَّهُ كَانَ غَفَّاراً (10) يُرْسِلِ السَّمَاء عَلَيْكُم مِّدْرَاراً (11) وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَاراً (12) (نوح


قال رسول الله صلى الله عليه وسلم (من لَزم الاستغفار جعل الله له من كُل هم فرجا ومن كُل ضيقً مخرجا وَرزَقةُ من حيثُ لا يحتسب



نستغفر وبعدين زغرطى يا ام فاروق ويا ام محمد ويا جميع الامهات

اللهم ارزق بناتنا الزوج الصالح واحفظهم من كل سوء


اشكرك اختى الدرة العصماء على الموضوع

بالفعل راااائع جدا

وجعلة فى موازينك ونفع الله بة العباد

تحيااااتى






آخر مواضيعي 0 أم متوفاة تنجب طفل
0 توافق ام ترفض .... متجدد
0 اتدع اليأس يأخذ مجرآه ؟؟؟؟
0 مهارات الحفاظ على الحياة الزوجية
0 مبارك والوجة الاخر
آخر تعديل اكرم شكرى يوم 11-14-2010 في 12:27 PM.
رد مع اقتباس
قديم 11-15-2010, 01:18 AM رقم المشاركة : 10
معلومات العضو
طارق سرور

الصورة الرمزية طارق سرور

إحصائية العضو







طارق سرور غير متواجد حالياً

 

افتراضي رد: زغروطة يا ام فاروق

اختى الدرة العصماء

طرح رائع جدااااااا ومتميز وشامل لجميع جوانب الموضوع

شكرى وتقديرى اختى المتميزة







آخر مواضيعي 0 خوف
0 اسرار
0 اللهم اجعلنا من المحسنين
0 اعرف مين هى مصر
0 البقلة
رد مع اقتباس
إضافة رد

مواقع النشر

الكلمات الدليلية
معنى

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 09:20 PM.


Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Content Relevant URLs by vBSEO 3.6.0 (Unregistered) Trans by

شبكة صدفة

↑ Grab this Headline Animator