من سلسلة " إسأل دكتور ومتسألش حد تاني " .. هنتكلّم النهاردة إن شاء الله عن ** تغذية مريض الكبد ** علشان نصلّح العادات اللي ممكن تضر بصحته لا قدّر الله ...
** علشان نفهم الأكلات المسموحة لمريض الكبد لازم نفهم الأول ايه هي وظائف الكبد .. ببساطة خالص خلي بالك من الجملتين دول :-
الكبد موجود علي اليمين أعلي البطن (( الكبد بيخزّن السكريات والفيتامينات ، وبيكسّر الدهون ، وبيبني البروتينات اللي لازمة علشان نبني جسمنا )).
** وبالتالي لمّا الكبد يكون تعبان وظايفه دي بتقل ,,, يعني المفروض ما نزوّدش عليه الحِمل ,,, طيب يعني إييييييه ؟!!!
1- أهم حاجة ممنوع طبعاً شرب الكحوليات اللي بتضر بالكبد بدرجة كبيرة
2- تاني حاجة فاكرين البروتين اللي بيصنّعه ده ، فكل ما ندّيله بروتين من برّه هو بيضرّه لأنه مش قادر يعمل بيه حاجة لأنه تعبان ,, يعني نقلل شوية البروتينات في الأكل بنقول مثلاً 1 جرام بروتين لكل 1 كيلو جرام ,,, يعني وزنك 70 كيلو مثلاً ناكل 70 جرام بروتين وهكذا ,, يعني نقلل اللحوم خصوصاً اللحمة الحمرة والبيض والجبن وكده
3- طبعاً هو بيكسّر الدهون ، فما بالك بقي لو اديته دهون وهو تعبان مش هيقدر يكسّرها ، فيا ريت نقلل الدهون ,,
4- حاجة كمان احنا بنقول هو بيخزن الفيتامينات وبعض الحديد .. فهو تعبان مش قادر يخزنها ، فاحنا ناخد فيتامينات من برّه لأنها مش قادرين نخزنها ,,
5- بنقول ممنوع الأكلات اللي بترهق الكبد شوية زي الأكلات المملحة فياريت نقلل الأملاح علي أدّ ما نقدر ,, ونقللّ الوجبات التقيلة عموماً بس تكون وجبات خفيفة وغنية بالنشويات والكربوهيدرات اللي بتتحوّل لسكريات بعد كده.
الخُلاصة علشان ما نتوهش !! مريض الكبد يكتّر من الفاكهة ، ويقلل من اللحوم والجبن والبيض ويبعد عن الوجبات التقيلة .. ومتنساش تقلل الملح والحاجات اللي بترهق الكبد وتاخد فيتامينات برده مش هتضر إن شاء الله
** ألف سلامة عليكم *
02-24-2014, 12:03 AM
رد: هنا تغريدات الحنين الى الوطن وبعضا منى !!!
