عارفه يامه

[ساجده]

كتب على سلامة ,

عارفه يامه

انا حاسس ان الموت

ماخدتش منك

غير الطرحه

والجلابيه السوده

ما انا كل ما اعدي

جنب الاوضه

اسمع صوتك..

وانتى بتضحكى ع الدني

اوبتدعي لى ...

روح.. ربنا معاك..

ها تسافر..

وهاترجع مجبور الخاطر

وها استناك...

طب اسندى على كتفى

بكره تقومي

بكره تخًفى

عارف مين يا ابنى

بيقع ويقوم

اوعى تدور ع الدفا

فى فلوس وهدوم

ومتنساش تحوش شويه

اصحاب..

وافرح اووى..

لما يدق الباب

وتلاقى حد بيحضنك

لوجه الله...

ياه

فاكره يامه لما كنتي

تعملى بصاره

وتدى منها لابله سارة

يرجع ف الطبق رز باللبن

يروح لام حسين..

يرجع صنيه بسيسه

تدى منها لخالتى بيسه..

يرجع الطبق مليان حب

معقوله فيه كده قلب..!

عارفه يامه

النهارده بقيت بخاف بجد

بخاف من اى حاجه

ومن اى حد..

بخاف غصب عني

اتخبط فى حد

او اطلب من حد يسال علي

لحسن يعمل محضر..

ويرفع قضيه

ويطلب تعويض

من اول هنا يامه

لازم نبدا من جديد

هو الفرح ليه يامه

شكله لسه بعيد؟؟

ادعى لى يامه

[طارق سرور]

شكرااااااااااا اختى ساجده على الطرح والنقل الرائع

[marmer]

عارفه يامه

النهارده بقيت بخاف بجد

بخاف من اى حاجه

ومن اى حد..

بخاف غصب عني

يا خوفى يا بدران

انا خايفة منك يا بت انتى هههههههههه


دايما جامدة فى اختيارك

[ساجده]

تسلموووووووو على مروركم