حكــايــة نـــور
وحكاية نــور دي حكــايه .. نـــور كنت شايفه دايماً في أحلامي وجوايه
وعايش معايه .. وكنت بقرب له وهو كمان كان ديماً بيقرب ليّه
وحتي في عز الزحمة عمرنا ما تهنا حتي عن بعض دقيقة ولا حتي ثانيه
بس يخساره فجأة الأيـام بقت غريبه وزاد فيها طعم المر وبقت بجد مريره
وكل الحاجات إتبدلت وإتغيرت معايا ومن حوليّه
والسما غيمّت والعواصف بقت شديدة وعتيّه وهزت حياتي هزه كبيرة وقويه
وفجأة غمضت عنيه وفتّحت ما لقيت النور اللى كان مصاحبني وجاي بشويش عليّه
قلت يا ناس يا هووو إيه الحكـايه وإيه اللى حصللل وإيه اللي جرى ليّه
ما لقيت رد ولا جواب ولا لوم ولا عتاب ومولد وكل الخلايق بقت خلاص تايهه
ضحكت في نفسي وقلت مالك يوآد إنت لسه بتحلم وعايش في دي الأحلام الورديه
فووق ! فووق دا النور دا كان وهم وسراب وبلاش من تاني تعيش في أماني يا عنيّيه
فووق يا حيلتها وكفاية اللى جرى من أولها لأخرتها فوق وإقف كدا وقفه بجد قويّيه
وإوعى يا وآد تستنى تآني نور يلعب بيك من تاني وبطل تمشي تاني في زحمه زي دييّه
وخليك هادي وصامت وساكت وكاتم في نفسك ومتعمليش فيها حبيب وإهدي بقا شويه
دا زمنك بقا زمن كئيب ..يبقي تسكت وتلملم جروحك وتروح تحلم بعيد بلا خيبة غبيه
قلت لنفسي حاضر أنا راحل ومغادر بس أمانه تسلموا عليها وقولوا لها ذكراكي باقييه
يــا نـور كان ضيه يحلّي كل وقت وحين وبيكي ومعاكي كانت حلوه أيامي وكل لآلييّه.
ودي حكايه نــور دي اللى كان عايش معايه .
25 / 6 / 2014
الحب الصامت
06-25-2014, 01:10 PM
حكــايــة نـــــور
