>
حبايبي أمهات عروس...اليوم إنشالله بعرض لكم طريقتي المميزه في تعليم طفلي أسماء الفواكه, ولدي الله يخليه إنشالله عمره الحين سنتين ونص, والحين يحاول شوي شوي يتعلم أسماء الأشياء و يدخلهم في جمل..مثلاً أنا أريد (تفاح), أنا أحب (العنب)..أبي أركب (السيارة)
والكل إيعرف حبايبي إن الأطفال في هذا السن يحبون يلعبون..يعني مب كل طفل عنده القابليه إنه يجلس جنب أمه و تفتح له كتاب للأطفال عشان تعلمه.
ف بحكم إني أم وأحب إني أعلم ولدي و أثقفه عشان ما يتعب في المدرسة, وحرصي إني ما أضغط عليه و ما أطلعه من بيئة اللعب, قررت إني أدمج الإثنين, فرحت مركز التعليم المبكر و شريت له طين ملون و أدواته يعني(صلصال), وبديت أعلمه بالأشكال الموجودة أسماء الأشياء, بس اليوم إنشالله براويكم كيف علمته أسماء الفواكه
في الصورة إلي تحت علبة الطين إلي شريته مع الأدوات, الصراحه علبه متكاملة فيها الكثير من الأدوات و الأشكال و الطين الملون بكميات كبيرة و سعرة جيد جداً, بس إسمحولي عشاني طلعت الصورة من موقعهم, نسيت أصور العلبه.
الدرس العملي
والحين نبدأ : طبعاً يلسته حذالي و مسكت أداة من الأدوات, وبها تقدرين تختارين القوالب إلي تبينهم من فواكه أو حيوانات أو مواصلات, فأنا إخترت الفواكه و إبتديت بالفراااااوله
هذا هو صورة الأداة مع القالب
في البداية تفتحينه و تحطين أي لون من الطين داخل, وأنا إخترت اللون الأحمر عشانها فراولة.
</
بعدين تصكينه و تضغطينه عدل عشان تطلع حلوه مثل الصورة إلي تحت...
</
وهذي هي حبة الفراولة وهي على إدين ولدي الله يحفظه ومستانس حييييييل فيها >
وهذي تشكيلة ثانيه سويتها, وإخترت هالمرة الموووووز..يم يم
</
الدرس التعليمي
وبعدين يبت صينية بلاستك خاصه بالطين (الصلصال) و حطيت الفواكه عليها و تحت كل فاكه كتبت بالطين إسم الفاكه و بديت أعلمه الحين الكلمات
والحين بعرض لكم بعض الفواكه مع أسمائهم...هذا هو التفاح
</