مايك المنتدى العام

[اكرم شكرى]

السلام عليكم ورحمة الله وبركاتة





اولا اشكر سلوى على موضوعها الجميل ده و دعوتها لى لمايك المنتدى واشكر احمدالمصرى على كلامة واحب اطمنه ان صوتى مش هيعلى اكتر من اللازم وانا عارف هو يقصد اية مش تخاف يا ابو حميد اما المفترية الى من يوم دخولى المنتدى وبدعى ربنا اشوف فيها يوم ورتطنى فى المايك وما انكر انى ما اكنت اعرف عن ان فية موضوع جميل اسمه مايك المنتدى الا لما طلع على سطح المنتدى العام ولما قرأتة من اول صفحة الى اخر صفحه عرفت انى اتورتط بجد لان مرمرية ما خلت حد يتكلم بعدها واكيد دعوتها لحد مش تكريم ده شغل لئيم انا عارفه لان الافترى مالوش اخر ولا ينتهى وما انسى اول اسبوع دخولى المنتدى حبستنى وعلشان ام بسملة شاركت قبلى فى المواضيع سألتها ايه حكايه حبس مرمريه قالقتلى ليه فى حاجه قلتلها شوفت فى شريط الاهدأت انى محبوس عندها وفى اللحظه دى عرفت ايه هو سجن مرمريه مش علشان ام بسمله فهمتنى لا ؟؟؟؟ .. من شكل ام بسمله من غير ما تنطق كلمه عرفت انى وقعت ولا حد سمى على وقالتلى جملة واحده ربنا معاك ومع نفسك يا حبى وبوستين من هنا وهنا وودعتنى ...من هنا فهمت مين هى المفتريه يعنى تقدروا تقولوا كانت بوسه ومن اول السطر وبسم الله الرحمن الرحيم تحية طيبة وبعد ..نبدأ المشاكل ..المهم...

[اكرم شكرى]

نرجع نقول ان مرمريه ورتطنى من وحى نيتها الى فاهمها كويس وبحاول بكل جهدى انى اطلع من النقرة دى بس يارب ما ادحرج فى حفرة بسبب كلامى اصل انا لسانى سايب ورغاى وجبتم لنفسكم الصداع لا غُنى ولا سياسه ولا اقتصاد ولا بتاع تحاليل فاهمة يالى ليكى الكلام يا بتاعت الامبول وفصيلة دمك bوoوالحجات دى,,ما علينا وعلى رأى الشاعر من طلب العلى طلع على السطح يشم هوى ويحضرنى ابيات من الشعر تتناسب والموقف الى انا فية
تقول
تدفق فى البطحاء بعد تبهطل وقعقع فى البيداء غير مزركل

وسار بأركان العقيش مقرنصا وهام بكل القارطات بشنكل

يقول وما بال البحاط مقرطما ويسعى دواما بين هك وهنكل

إذا أقبل البعراط طاح بهمة وإن أقرط المحطوش ناء بكلكل

يكاد على فرط الحطيف يبقبق ويضرب ما بين الهماط وكندل

فيا أيها البعقوش لست بقاعد ولا أنت فى كل البحيص بطنبل

طبعا هتطلع ام فهم تقيل واكيد كلكم فى نفس واحد بتقولوا مرمريه لا يا جماعة انا ما قلتش مرمرية بس اكيد هى ..المهم
معنى الابيات دى الاتى يمكن تفهم

تبهطل : أى تكرنف فى المشاحط

المزركل : هو كل بعبيط أصابته فطاطة

العقيش : هو البقس المزركب

مقرنطا : أى كثير التمقمق ليلا

البحطاط : أى الفكاش المكتئب

مقرطما : أى مزنفلا

هك : الهك هو البقيص الصغير

البعراط : هو واحد البعاريط وهو العكوش المضيئة

أقرط : أى قرطف يده من شدة البرد

المحطوش : هو المتقارش بغير مهباج

يبقبق : أى يهرتج بشدة

الهماط : هى عكوط تظهر ليلا وتختفى نهارا

الكندل : هو العنجف المتمارط

البعقوش : هو المعطاط المكتنف

البحيص : هو واد بشمال المريخ

الطنبل : هو البعاق المتفرطش ساعة الغروب

وبعد هذا الشرح المفصل للألفاظ والكلمات نود أن نذكر أن قائل هذه الأبيات هو الليث بن فأر الغضنفرى وكان شاعرا فحلا

روى الشعر وهو ابن عشرة أيام!!!
اكيد بردةهى مش فهمت ..ما علينا
ماطولش عليكم قولو طول

[اكرم شكرى]

انا ملاحظ فى منتدانا الرائع جدا (بدون مرمريه )اللى حبيته جدا بكل ما فية واه من الى فيه ..ما علينا هذا المنتدى لاحظت فية قلة المتزوجين وعشان كده احب اقول كلمة بالنيابة عن المتزوجون فى منتدانا ولكل بنوته حلوه من بنوتات المنتدى هتتجوز قريب ان شاء الله او مخطوبه او هتتطخطب (مالكيش فى اكلام دة يا مرمريه) احب اوجة نصيحة من اخ لكم متزوج السعادة بأيدكم يا بنات حواء اذ حبيتم تكونوا سعداء هتقدروا ولو مش حبيتم هتقدروا الست فى بيتها رمانة الميزان هى الى تخلى بيتها جنة وهى الى تخلى بيتها نار والعياذ بالله وممكن اقولكم مقتطفات من حياتى الشخصيه هتلاقوا فيها عبره وتعرفوا اين تكون بؤرة السعادة فى البيت حلوه بؤره دى ...المهم زى ما اتفقنا الست عليها العامل الاول فى جعل بيتها كله سعاده بأبتسامه او كله نكد (واخدة بالك يا مرمرية) بتكشيرة والست المكشره فى البيت تشبه طبق الفول كل يوم تصحى تلاقيه فى وشك ...اول نصيحه لكل بنوته لما تتجوز تنسى اكله اسمها كشرى اه اسمعوا كلامى دى نصائح لا تعوض الكشرى يا بنت الحلال اول طرق للضياااااع .. (ابقى اعملى انتى كشرى لجوزك يا مرمريه )والله شكل المايك ده هيعمل مشاكل المفروض المتزوجين ما تستدعيهم يا سلوى فى كلام يحاسب عليه القانون ده بعد تحقيقات النيابه الى لا زم تطلع فيها مدان ..ما علينا..نكملكم الصداع بعد الفاصل

[marmer]

ربنا معاك ومع نفسك يا حبى وبوستين من هنا وهنا وودعتنى

شوفت السجن بتاعى بيعمل اية

بيطلع احلى رومانسيات من نغاشيش القلب الجوانى

المفروض تبعتلى جواب شكر و30 جنية

ابقى اعملى انتى كشرى لجوزك يا مرمريه

انا جوزى لو ما اكلتة خالص هيكون بيموت فيا

فمابالك بقى لو اكلتة كشرى مصراوى

اكيد طبعا مش هيطلع زى ناس ويفضحنى على صفحات النت

ومهما عملت فية هيفضل يحبنى بردة رغم عن عين الاعادى

دة انا ثروة قومية هههههههه


مالكيش فى اكلام دة يا مرمريه

طبعا ماليش جواز اية محالها عشت الحرية محلاة خبيز الفلاحة



ملحوظة اللى هتسمع كلام ابو منون

وجوزها طردتها

مافيش غرف فاضية فى المنتدى

المنتدى انا ماجراة كومبليت

فتبقى بقى تروح عند ابو منون وام منون هيستقبلوها بالورود والرياحين
والرياح والزعابيب هههههههه

لو على ام منون تشيلكوا فى عيونها

لكن ابو منون هيبيتكوا تحت السلم

يا الله يا ابو منون

اكمل اكمل

فقد مضى عهد الاستعمار

[نور]

اخى اكرم
منور بحضورك اللطيف
ولايهمك مايك صدفة
ديمقراطى وحر وعلى منبره
يقول كل منا مايريد
ننتظرك مع تفكيرك الحر واسرد ماشاءت
فالمتعة كلها حين تعبر وتحكى بصدق
موفق بكل حضورك وفكرك ومااجمل اشعارك
وان كنت القاها صعبة ومحبكة قووووى
دمت بخير وسعادة
باقات من الشكر والاحترام لك

[اكرم شكرى]

اطلعى برة يا مفترية
المايك معايا مش عاوز لعبطه
ايه لعبطه دى؟؟
هو انتى ورايا ورايا

ياااااااااااناااااااس ياااااااااهووووووووه
حدش ياخد مرمريه ويجيب بدلها قرطاس حمص
اسرحى يابت انتى من هنا هنرش ميه
انصرفى انصرفى بحق لا الله الا الله انصرفى
انصرفى والا هقرأ ايه الكرسى واحرقك انصرفى
هوووووووووووووووووووووووو وووووو
الحمد لله انصرفت
ماحدش يحضرها تانى
خلينا فى موضوعنا
نكمل النصائح للبنانيت للسعدة الزوجيه
نحكى يوم من ايام الزواج السعيد هلشان تتحمسو
وتعجلوا بالزواج وتكون حياتكم سعيدة
طبعا انتم عارفين ان البيوت مش بتخلى من اللحظات السعيدة
واسعد لحظه عند ام بسملة وهى بتودعنى على الباب و؟؟؟؟؟
مش الى فى دماغكم عيب انتم لسه صغيرين ؟؟؟اقصد وانا على الباب باخد منها ورقة كل يوم الى فى منتهى الرقه
(اتعلموا شويه دة الجواز متعة)
طبعا باخد الورقه وانا طاير من السعادة الاجبارية
احط الورقه فى جيبى وانا ببص فى عنيها عشان تكون اخر حاجه اشوفا فبل الشغل
المهم
بعد ما اجلس ساعتين فى المكتب وعشان اكسر الروتين
افتح الورقه واقرأ الكلام اليومى ذو الطعم والنكهه
البدايه حبيبى (اتعلموا يا بنات الكلام)
وانت راجع تعدى على السوق تجيب
شبت وبقدونس وكزبرة
عشان ام الكرنبه اللى بلتنى بيها امبارح
(ماهى غلطتى مالهاش زنب)
وخيار وطماطم خسايه عشان السلطه محدش بيكلها غيرك
(يعنى هو لازم اتعبها بسلطه كل يوم تحكمات رجاله)
ومش تنسى بطاطس وكوسه وبتنجان اسود زى الايام دى
(العيال معصبها شويه معلش )
وتعدى على الجزار تجيب لحمه وتكون حمره مش زى بتاعت الاسبوع الى فات كلها شغت وتترمى ماهو فلوسك كتيرالفريزر فاضى
(صحيح انا الى ماخدش بالى من الجزار وهو بيقطع غلطتى)
وتروح السوبر ماركت تجيب جبنه رومى وجبنة بيضا وفلامنك وجبنه بلنفاتى
(اصلها ياروح قلبى بتموت فى البلنفاتى القديمة)
وتجيب معاك مسحوق الشطفاش عندى غسيل يوم الجمعه من الصبح لبليل
(بتتعب يا عنى حتى يوم الاجازه)
طبعا انا بقعد ارتب الطلبات علشان هى يا حبه عينى بتكتب ومش تعرف ان بين السوق والسوبر ماركت نص ساعه بلعربيه فلازم ارتب علشان ما انساش
طبعا السوق الاول ماهو اقرب للمكتب
اطلع الورقه والبياع يبصلى ويقلى انت مأمور الضرايب غبى مايعرفش ان دى ورقه من روح قلبى.. ارصد له الطلبات ويجهزها ومافيش بتنجان اسود اتصل بيها اقولها مافيش بتنجان اسود يا روحى فيه ابيض بس تقولى بكام الابيض اسأل البياع وقولها السعركزا تقولى والاسود اسأل البياع يقول كان موجود بكزا
تقولى يعنى الفرق ريال واحد اقولها اه تقولى والمكالمه اتكلفت ريالين اقولها تقريبا تقولى يعنى متصل بيا وتضيع ريالين عشان فرق ريال.. اسكت عشان انا افهمها وهى طايرة .. كان المفروض من غبائى اجيب ابيض على طول من غير اتصال
المهم اخد الابيض بدل الاسود واطلع على السوبر ماركت وانا بقول دعاء السفر
نص ساعه مش قليل
ادخل على البائع اسأله عاوز جبنه بيضا ورومى وفلامنك وبلنفاتى
يقولى البائع كله موجود ومافيش بلنفاتى اجبلك سحتمانى طبعا افكر واقول اتصل وبعدين افتكر ان اتصالى هيجيب مشاكل ويعصب روح قلبى طب ما اتصرف بنفسى
اقوله خلاص هات 2 كيلو سحتمانى.. فتك طبعا دماغى بتفكر وهتفرح بيا
اخد الجبنه الرومى والفلامنك والبيضا والسحتمانى واحاسب واركب السياره اه نسيت
نسيت ايه اصحوا معايا ؟؟؟؟نسيت مسحوق الغسيل الشطفاش ارجع تانى جيب يا ابنى مسحوق الشطفاش ..معلش يا باش مهندس الشطفاش مش بينزل من 4 سنين ونفس الشركه بتنزل مسحوق قاهر ومعزب البقع بوش طوش طبعا هعمل ايه ؟؟؟ شاطرين.. اشغل الفتاكه بدل ما اتصل ..واجيب البوش طاش واروح اركب عربيتى وصاروخ على البيت

[marmer]

ابو منون

انا شوفت الصرصار دة

ماشى

قولت اجيب شبشب واخبطة لكى يلقى مصرعة


شوفت

بقى انا مهمة ازاى

اية النصايح دى

يا الله يا بنات بيت ابو منون مفتوح ليكوا

كل واحدة تحضر ورقة

وتكتب فى اولها

اخويا الغالى ابومنون

بعد التحية والسلامات

اهو دة الكلام الحلو

وبعدها بقى تطلب السوق كلة

يا بنات

جيب ابو منون مخروم واللى فى جيبة مش لة

ملحوظة اقرى اية الكرسى

كلة بثوابة

واوعى تنسى سورة الكهف بكرة الجمعة

وسلملى على كشرى ام منون

جايلك كمان شوية

قول يارب

[نور]

هههههههههههه
بعد كل ده عايز اننا نتجوز
ده احنا صعب علينا الحال كله
رب يعينك ويعين ام بسملة ياااااااااااااااارب
ننتظرك صاحب البسمة والحوار الجميل
اكرم
كل الشكر لحضورك واسلوبك الادبى اللطيف
لكى يصل بنا لاحلى مايك مفيد لكل بنات صدفة
بالانتظاااااااااااااار

[اكرم شكرى]

زهقتم
انتم لسه شوفتم حاجه
هندمكم على اختيارى للمايك
وصلنا لحد فين
اه
اسمعوا عشان تتعلموا يا بنات
وعلشان انا ساكن فى الدور التانى اطلع الحاجات على 9 دفعات من العربيه للشقه وادخل البيت وعرقى مرقى عادى كله يهون طلباتها اوامر عيونى كله فدها
تمسك الاكياس وسبحان الله بخبرتها المعهوده تضرب اديها فى الكيس الى فيه البتنجان الابيض
..ايه ده ..دة البتنجان الابيض يا عمرى..ابيض اية عمرك شوفت مسقعة بالابتنجان الابيض ..عادى يا حبى دايما تعملى كل جديد ..ماشى نشيل له شويه خلطه من الكرنبه ونحشية...مش بقولك انتى المخ وانا العضلات ..ماشى نشوف جايب ايه تانى ..وبنفس الخبرة تمد ايدها فى كيس الجبن وتمسك سبحان الله السحتمانى على طول خبره يا ناس.. وايه دى كمان ..معلش يا روحى مش لقيت بلنفاتى وقلت اتصرف ...يا حُسن التصرف كلها انت بقى انا والعيال مش هناكل منها .ولا يهمك حبيبتى اكلها انا دى شكلها رهيب .. وتطلع بنفس الخبرة مسحوق بوش طوش ..يانهار مبقع بوش طوش دة مسحوق امريكى ما سمعتش عن المقاطعة ..مقاطعة ايه يا حبى احنا لو قاطعنا الغرب هنموت من الجوع ونمشى عرايا ونركب جمال هو احنا بنعمل حاجه.. احم متغيرش الموضوع انا طلبت الشطفاش..حبيبتى الشطفاش مش نزل من 4 سنين ...احم متغيرش الموضوع يعنى اعمل ايه دلوقت اجيب بطاس واغلى الهدوم بعصايه غلية واسيب الفل اتوماتيك عشان خاطرك ..غلطه ومش هتتكرر يا عمرى هبعت اميل للشركه تنتجه تانى ..اسيب كل دة واروح اخد دش واغير وانام وانا بتعزب انى زعلتها ويعدى اليوم ونيجى ساعةالعشا تحط امامى الجبنه السحتمانى امد ايدى بسم الله ادوق السحتمانى ..ايه القرف ده اكل وابتسم وهى بتظغرلى اقولها روعة وابلع بالعافية اقول للعيال تاخد حته يا احمد لا يا بابا طب تاخدى حته يا بوسبوس لا يا بابا ..دول 2 كيلو سحتمانى طب منون حبيبة بابا حته من ايدى ابعد يا بابا ...اوكى اكل انا وانا ببتسم ومصارينى بتتقطع وكانت تانى يوم من نصيب عم جمعه الزبال يمكن تعجبة ؟؟
وده كان يوم من ايام الزواج ...اكيد اتعلمتم منها الحب والتضحيه مش كدة

[ام بسمله]

الله يسامحك يا سلوى

ايه اللى خلاكى تدى له المايك

ومش لاقيه غير يوم الخميس

يعنى السهره للصبح عليه

الحل الوحيد اعمل له شاى دلوقتى واحط له فيه حبايه مهداْ

ينام ويسيبنى فى حالى

بس انت نسيت بقى اهم حاجه

لما بتجيب لى بن القهوه غير اللى انا بشربها

اهى دى بقى اكتر حاجه بتنكد عليه

ماااااااااااااااااااااااا شى يا اكرم كمل براحتك

هنشر الغسيل واعمل لك شاى وارجع تانى

واحتمال اعمل قهوه ليه علشان شكل السهره صباحى النهارده

يا راجل افتكر اى حاجه غير الكشرى

مفيش محشى اشكال والوان مفيش بانيه

مفيش باشميل مفيش كفته

كل ده بيتنسى طب الكرنبه اللى فى التلاجه دى

هعملها ليه انا والعيال واتغدا انت بقى فى الارنب الجائع

يارب يعضك الارنب وهو جائع كده

علشان ترحمنى شويه

اقوم انشر الغسيل

ورااااااااااااااااااااااا ااجعه لك يا حبى