ديوان الشاعر زايد بن سلطان ال نهيان

[لمسة دفء]

ياشاطئ الراحة

ياشاطئ الراحة وياشاطئ الزين
القلب بك يلقي غرامه وراحه
ييتك وقرّت من بعد شوفك العين
وانسيت بك همّ الزمان وجراحه
فيك النسايم مثل فوع البساتين
لي بالزهر يانع وفاحت رياحه
بك تنتعش روح المولع من سنين
والقلب في قربك يزيد انشراحه
تلفي على شاطيك كل المزايين
لي نافلات بالحسن والملاحه
البيض لي شروا الحصابي المثامين
الْخرّد اللي ينوّرن كل ساحه
والزّين لي يسكن وسط ناظر العين
ياكم زاره في مساه وصباحه
زاره وزاده فوق زينه بعد زين
حتى غدا للحسن والزين واحه

[لمسة دفء]

نسنس شرتا الفجر

نسنس شرتا الفجر
ويا ذعذاعه عبير
فلّ وعنبر عبر
عطر كل الحضير
يا نور و يا قمر
يا شمس مستنير
ودك خذني جبر
قلبي عندك أسير
لك يا دل منحدر
يثل ضافي مثير
مالي دونك صبر
من عنده بستجير

[لمسة دفء]

حيّ نود له لفحه

حيّ نود له لفْحه
أرّق اعيوني بلا حياده
عند يللّي نظرته فلْحه
من نظرها حرّم ارقاده
من جداهم نفسي شرْحه
صوب غيره ماليه راده
هو : دوا المصطاب من جرْحه
وهو يصيد اللّي بيصطاده
لي لفيته زادت الفرْحه
ويشتفي قلبي من ايهاده
من سلوكه أو نفسه المرْحه
ما أستطيع أبعد عن ابلاده
الملاحه فيك منشرْحه
ضافيه واكثر من العاده
يا سعادة قلبي أو فرْحه
إنت لي مفنود بالسّاده
عيد يوم أشوف لك لمْحه
والحشى عازل عن انهاده
رغبتي في وصلك إملحّه
فوق ما تتصوّر ازياده
لك محيّا بهجته سمْحه
ما تحمّل لحظة ابعاده
يود يسجي دارك البرْحه
نبت عشبه زاد رواده
الحضر والبدو به مرْحه
بالوطاه وعالي انفاذه

[لمسة دفء]

يا هبوب الورد والفلّي

يا هبوب الورد والفلّي
مطلع قاصد من ادياري
مرحبا بك عدّ ما أنهلّي
مالسّحب غيثٍ او ماياري
او مرحبا مليون بالخلّي
الغضي لي له أنا اداري
لي حديثه إليه إيسلّي
أو من اشوفه إتزول الكداري
هو دوا للنّفس م العلّي
هو حياتي أو جنّتي أوناري
الوزير إيصيح ويهلّي
دمع عينه سايل أو ياري
يشتكي من كامل الدّلّي
من وليفه لي خفى أو ذاري
عابرٍ في محمل إبشلّي
خاطف ابّناي ويماري
سنّةٍ واشراعه إمّلّي
مويته في برده إتباري
يالخوي كانك تبي الخلّي
جرّب البنّاي للجاري
واقصد المضنون وإدّلّي
خابرنّك فن في الدّاري
اولي شراتك نبه ما إيزلّي
لو ظلام اللّيل غدّاري
لي لفيته زاهي الحلّي
لي ايرحّب ليل وانهاري
بايرحّب بك او بيهلّي
با إتحسّ ابراحت أفكاري
مثل ما انته كنت معتلّي
به وزا منّك او لو ايداري
فرحتك باتفرح الكلّي
بينكن يا مانع أسراري

[أحمد اسماعيل]

سلوووى .. رائع مجهودك


تسلمى على روعة الطرح

دعواتى لك بالصحة والعافية

[لمسة دفء]

أحمد المصرى

أسعدنى مرورك الرائع

لك أرق التحايا وأعذبها

[اميرة صدفة]

طرح ومجهود رااائع

سلوى

سلمت يمناك على روعه الطرح

لك الجوري