سؤال واحد فقط مع ------نوبى انا

[احمد الغول]

والان مع
شخصيه مميزة
فروحة المرحة واضحه فى كل ردودة

ضيفنا هو
/

/

/

/
نوبى انا

/

/

/

وسؤالى لك من هو نوبى انا ؟؟

لك منى كل التقدير والاحترام

[ام معاذ]

السلام عليكم ورحمة الله وبركاته

اخى نوبى ما وصفك به الاخ احمد الغول

اقل ما يقال عن شخصية مثل شخصكم الكريم

اخى الكبير فى المقام

لو قابلتك فى يوم من الايام سأسألك نصيحتك لى

فى تربية ابنائى وكيف اوجه متناقضات الحياة معهم

اسعدك الله وكتب لك السلامه


الشكر موصول لاخى احمد الغول
دمتم بخير

[نوبى]

ان ان اه
وعليكم السلام ورحمة الله وبركاته
اخى احمداختى يعرب اخوانى اخواتى
انا غلبان واحب التبسم مش الضحك لانه هناك فرق
احب اقراء المفيد النافع حتى وان كرر
لان التكرار ايه .... بيعلم الشطار
ابو احمد ونهال 10 و 13 سنة وبالتقاعد للمرض ولله الحمد وسعيد جدا بحالى
واحب الكتابة باستفاضة ولا ازهق والقراءة باستفاضة ايضا ولا ازهق
واحب الناس كلها حياتى نت وموبايل والصلاة بغرفتى ولا اخرج منها الا يوم الجمعة للصلاة والفسحة ؟؟
اخبرمن لا يعرفنى بحالى ليحمد الله على حاله كما احمد الله على حالى لانى مش احسن منه
وهناك الكثير من المواضيع الشيقة اجد نفسى فيها واسعد بها جدا الا وهو الابتلاء .
وبعدين عاوزانى انا ياام معاذ وعبد الله والبراء اعلمك
اهذه الاسماء الاعلام تحتاج للتعلم او التوجيه
بارك الله لكى فيهم وبارك الله لهم فى والديهم وصحبة فى الجنان ان شاء الله
وبزيادة تورية ياام البراء انتى امهر من كل ماارى وتكتبين اعجبنى امنيتك عن مكان تتمنى رؤية اولادك به !
وبتسالينى انا ....... دانا غلبان
انما عليكى بالمصادقة معهم هى مفتاح لكل جميل مع الابناء بنين وبنات
اسالك انا عن مصادقة البنات فى سن نهال فى ايامنا الحلوه دى عندى وماشاء الله عندك

معلش احنا بنتكلم

[نوبى]

عفوا موضوعك جميل وسهل التعامل معه للتعارف يااحمد

لكنه سؤالى انا لكن وعذرا لنسيانى

من هو احمد الغول

وسؤالى للمحترفين بصدفة ليه التصاوير

بيطلع معها بقية الرابط

[أحمد اسماعيل]

ههههههههههههههههه


صباح الفل عليك يا نوبى


انت بتنسخ الروابط بطريقة تجعلهم يظهروا كده


على الاميل هقولك على الطريقة الاسهل ليك




سؤالى ليك




كلمة تقولها لاسرة صدفة التى نعتز بانك أحد أفرادها ؟؟

[همس الليل]

السلام عليكم عمو نوبى

صباح\مساء الخير

اكتر شىء ممكن يضايقك لدرجة انك ما تتحكمش فى اعصابك؟؟

سلامو عليكو

[نوبى]

كلمة تقولها لاسرة صدفة التى نعتز بانك أحد أفرادها ؟؟

بجد ومن غير زعل ...........................................
احلى صدفة فى حياتى من بين المنتديات جمعا جمعاااااا
كانت صدفة وبناتها وشبابها قلت لك قبل كده يااحمد
والان لاانتمى الا لصدفة
اما بقية الاحبه ............. خالتى عندكم لا ماجاتش انما اصحاب برضة يابن صدفة
فكرنى موضوعك ياغول بكرسى جابر الله يرجعه بالسلامة

اكتر شىء ممكن يضايقك لدرجة انك ما تتحكمش فى اعصابك؟؟

الحمد لله مافيش اى حاجة ممكن تضايقنى من اى حد فى صدفة او غيره او بحياتى حتى
بصى اختى همس او هموسه زى مابيقولوا ليه اتضايق من سين لانى ممكن احتاجه بكرة
لا وممكن ماتحكمش فى اعصابى كمان لا انا والحمد لله مش عدوانى
لانى نوبى طيب لان النوبيين كلهم يتسم طبعهم باالطيبة والحلم
كلنا طوال الوقت شهيق زفير طيب لو طلع الزفير ومادخلش الشهيق ازيك بقى تنفع العدوانية ...
عندى اميرة فلسطين فى منتدى على طول تنادينى بعمى طارق لان والدها اكبر منى بشهرين
وللعلم انا شكلى صغنن واوزعة مايبانش على غير 25 سنه
لكن ماتفكريش ماتشغليش بالك تنامى بسرعة ليلا لان بالك رايق بتفكرينى بيها
وعاوز اخللى نهال تكون معانا فى صدفة للتواصل
لانى محتاج لدعائكم فكرنى ده بحاجتى للدعاء بظهر الغيب
منذ فترة بعيدة وكنت اطلبها فى المنتديات شحاته يعنى
زى ماانتم بتدعوا لاخونا جابر شفاه الله وكلنا عرفنا بالخبر المزعج ده من ام سندس
طيب انا ام نهال ماتعرفش تشغل الكمبيوتر حتى ايه ده انا اتكلم كتير ليه
معلش انا ب اسرح فى الكتابة


ومعلش بقى من غير تصاوير لغاية حصة الاستاذ ويفرجها ربنا

[نور]

ههههههههههههههههه
اول مرة اضحك اليوم
ومن امس
ابونهال
اخى طارق
حقيقى سعادتى لسببين
اولها دخلت اطمن على اخى جابر
والحمد لله مر مرحلة الخطر وخرج من العناية المركزة
واللهم تم شفاءه على خير لتتم الفرحة بقلوبنا
الثانى والجميل حديثك من القلب صافى نقى
بجد الا يستدعى هذا التبسم والضحك
حتى مازالت مرتسمة على وجهى اقسم
لاحرمنا الله منك
سؤالى لك طارق
لانك بقى لايظهر عليك الا 25 ربيعا
ايهما يسعد قلبك ويجعلك تتبسم
ضحكة صغير 00 ام دعوة من القلب
واين تجد لحظات الهدوء
حين تذهب للصيد
ام بالجلوس على شاطئ البحر 0000
ولمن توجه كلمة
لن اندم يوما ان مررتم بحياتى !!!!
لانى حادعو لك كتير قوى من غير شحاته يعنى
اللهم اسعد قلبك واهنئ روحك
واجعلك دوما ترتسم الفرحة بعمرك
اللهم يسر لك كل امرك
اللهم بارك لك بعمرك
اللهم لاتحرمنا تواجدك العطر
ايه رايك تدفع كام
ههههههههههههههههههه
لرووووووووووحك ونقاءها وحديثك الذى لانمل منه
على فكرة كان نفسى تكون اكبر حجما
هههههههههه

[اميرة صدفة]

السلام عليكم اخي نوبي
سؤالي كالتالي

لو قالوا لك ماهي أجمل دمعة داعبت وجنتيك ؟

[ام معاذ]

السلام عليكم ورحمة الله وبركاته

انما عليكى بالمصادقة معهم هى مفتاح لكل جميل مع الابناء بنين وبنات
اسالك انا عن مصادقة البنات فى سن نهال فى ايامنا الحلوه دى عندى وماشاء الله عندك


جزاك الله خيرا اخى الله يعطيك الف عافيه

وعلى فكرة دعائنا لك او لغيرك بظهر الغيب
ليس شحاته
انه حقك علينا

لقول النبى عليه الصلاة والسلام


عَنْ أَبِي الدَّرْدَاءَ رَضِيَ اللَّهُ عَنْهُ، أَنَّهُ سَمِعَ رَسُولَ اللَّهِ صَلَّى اللَّهُ عَلَيْهِ وَسَلَّمَ يَقُولُ: "مَنْ دَعَا لِأَخِيهِ بِظَهْرِ الْغَيْبِ قَالَ الْمَلَكُ الْمُوَكَّلُ بِهِ: آمِينَ وَلَكَ بِمِثْلٍ".
أخرجه مسلم (4/2094 ، رقم 2732). وأخرجه أيضًا : أبو داود (2/89 ، رقم 1534).

اخى فهذا اقل حقوقك علينا

اثابك الله واسعدك

وادام عليك نعمة الروح الطيبه

دمت بخير