تعال وضمنّي واجمع بحضنـك مـا بقـا بـي حيـل
كساني الشوق حُرقه يا حبيبـي ليـن ذقـت الويـل
حبيبي .. طال بي يومـي وانـا مشتـاق لاحساسـك
هلا بالليل .. أو تدري !!.. هلا بك لا غمرنـا الليـل
هلا باحساسـك وعطفـك وريـح العطـر بانفاسـك
حبيبي .. ليه ما شمسك تغيب سنيـن لجـل سهيـل
يهنينـي بوصلـك كثـر مـا هنّـت بـه لنـاسـك
تعال وضمنّي واجمع بحضنـك مـا بقـا بـي حيـل
تعال اغمس جفافـي يـا حبيبـي فـي حـلا كاسـك
تعبت اسهر غيابك يـوم كـان الصبـر لـي قنديـل
وانا أنطر .. متى يصحى وصالـك صبـح نبراسـك
حبيبي .. ما سمعت بقصّة الدمعـه مـع المنديـل ..؟
تعال احكي لك القصّه قبـل مـا اضـم لـك راسـك
بيوم ٍ .. كانت الدمعـه علـى خـد الآسـى وتسيـل
حزينه .. جالها منديل .. قال : ارجوك وش باسك ..؟
حكت لـه حيـل بردانـه وكانـت ترتجـف بالحيـل
وقام يضمّهـا المنديـل ... انـا معطفـك ولباسـك
وقال : ارجوووك يا دمعه ابي مـن بلسمـك إكليـل
تراني حيييل محتاجه كثـر مـا احتـاج لـك ياسـك
حبيبي وآخر القصّه بـدت تفصـح عـن التفصيـل
تعـال نعيشهـا لحظـه علـى الـواقـع بكـرّاسـك
مما راق لي اتمنى ان تصل الى ذائقتكم
دمتم بدهن العود