العودة   شبكة صدفة > المنتديات العامة > منتدى صدفة العام

منتدى صدفة العام مواضيع عامة, مقتطفات, مواضيع جديدة، معلومات عامه.

إضافة رد
 
أدوات الموضوع
قديم 11-26-2011, 10:09 PM رقم المشاركة : 1
معلومات العضو
نور

الصورة الرمزية نور

إحصائية العضو







نور غير متواجد حالياً

 

Lightbulb الألتراس هم من اشعلوا ميدان التحرير صور مؤكدة

الألتراس يشعلون ميدان التحرير من جديد













كانت الاستغاثات يوم السبت الماضي تأتي من ميدان التحرير بعد ان استطاع الامن السيطره على وسط الميدان وقام بطرد المصابين وأهالي الشهداء بإستخدام الرصاص المطاطي والقنابل المسيله للدموع واتجهت جميع الانظار الى الفصائل السياسيه وعلى رأسهم جماعة الاخوان المسلمين من أجل نصرة المستضعفين في الميدان ... وهي الفصائل التي ادارت ظهرها لمن في الميدان ليجدوا أنفسهم بلا اي نصير.
وفي وسط تراجع المعتصمين ظهرت الفارس المجنح الذي أصبح بالنسبه للكثيرين فارس الثورة عن طريق رسالة انتقلت مثل النار في الهشيم عبر شبكة التواصل الاجتماعي التويتر والتي بشرت المعتصمين بنزول رجال الالتراس الى ميدان التحرير .. وخلال نصف ساعة فقط عاد الميدان الى قبضة الثوار بعد فدائية رجال الالتراس الذين اثبتوا خلال الايام القليله الماضيه انهم مع شباب المناطق الشعبيه هم حامي حمى الثورة الحقيقي والباحثين بحق عن الحرية على الرغم من اختلافنا كثيراً معهم الا اننا في النهاية لا نستطيع الا ان نحترمهم.
وقبر ان ننشر بعض اراء الناس في رجال الالتراس نود ان نؤكد اننا نقصد الالتراس اهلاوي وزمالكاوي "الوايت نايتس" واسمعلاوي ... بدون اي تفضيل لإحدهم على الاخر وكما قال احد المتابعين للإحداث على التويتر ان التاريخ سيذكر مينا موحد القطرين والنظام المصري موحد الالتراس.. فقد كانوا على قلب رجل واحد رغم كل الخلافات.
فبعد سعادة انضمام رجال الالتراس الى ميدان التحرير وظهورهم دائماً في الصفوف الاماميه بسبب خبرة طويله سابقه في التعامل مع رجال الامن استمرت لما يزيد عن الاربع سنوات واعطتهم خبره كبيره في اسلوب الامن المصري وطريقة التعامل معه ... تلاحظ سعادة غريبه في تعليقات النشطاء عن الالتراس ومايفعله الالتراس في ميدان التحرير.
فنجد عبد الرحمن نجاح على تويتر يكتب "الالتراس فرسان الحريه والكرامه" اما المنسي فكتب "انا طلعت قدام فالصفوف الامامية ورا الالتراس كده وعينك متشوف الا الدخان" وأحمد علي ينشر قائلاً "الالتراس غير ... حماه الميدان الان" واسامه حماد يكتب قائلاً "الاعداد بتزيد و الالتراس ماسكين الهتافات" ومن طنطا نجد مجدي رشاد يقول "الالتراس الان يقود مظاهرات طنطا" اما حساب اخبارنا فينشر "الالتراس يواجهوا قنابل الامن المركزى بالشماريخ فى شارع محمد محمود" وباهر يقول "شماريخ الالتراس مكسرة الدنيا، اجمل صوت سمعته في الثورة صوت الشمروخ وهو طاير على الامن المركزي"
أما محمد عابدين فنشر يقول " الالتراس يضحون بانفسهم لنعيش...دي حقيقه ....اصاباتهم مؤثرة و بيتسقطوا ورا بعض و مش ممكن الشجاعه المطلقه" أما هاله احمد فتكتب "قلبي بيتنفض كل ما الالتراس يهتف حريه علي اول محمد محمود" أما طاهر حسني فقال "شماريخ الالتراس نورت جوة محمد محمود حالا" ومحمد عفت نشر "شماريخ الالتراس مولعه محمد محمود و هتاف الشعب يريد اسقاط المشير يرج الميدان " أما كريم خربوش فكتب قائلاً "مليون تحية لشباب الالتراس فهم ثوار حقيقيون ليسوا كالقوة السياسية الانتهازية" اما محمد صبري فكتب قائلاً "الالتراس الاهلاوى والوايت نايتس الزملكاوى بيسطروا ملحمه" وأضاف "الالتراس قلبوهم حديد بيخشوا على العساكر زى الاسود واللى يقع بيشيليوه للمستشفى والباقى يكمل هما اللى قافلين مدخل محمد محمود" وكان رأي محمد مجاهد "عيال الالتراس خلوا الامن بيلف حوالين نفسه وبيطلعولهم من تحت الارض من الشوارع المتفرعه من محمد محمود" وتقول مي شيرفي "سيحكي التاريخ عن دور الالتراس العظيم في مساندة شعب مصر و يحكي عن تخازل كل الاحزاب السياسية في اول امتحان لثقة الشعب فيهم" ويقول أحمد صبري "الالتراس بيضربوا شماريخ والعاب نارية في محمد محمود الان وسط الغاز والرصاص عشان يشجعونا"
ويكتب عمرو عبد العظيم "انا حبيت الالتراس اهلي وزمالك...النهاردة هتفت معاهم الجوز الخيل...والعربية ......ام وزارة الداخلية...دول عندهم استعداد يموتوا" اما معتصم نور فيقول "شماريخ الالتراس تسيطر على الصورة العامة فى شارع محمد محمود و كالعادة يبقى فرد الالتراس صف أول فى اى التحــام" اما اليكسندر محمود فنشر قائلاً "الى الالتراس: انتم اجدع واجمد شباب فى مصر. الان عرف المصريون دوركم يوم موقعة الجمل بعد ما الاخوان نسبوه كله لانفسهم" فيقول كريم "قلتها امبارح وبقولها انهاردة .. حقا ان الالتراس شعلة هذا الوطن" ويكتب محمد ابو العزم "هم الالتراس دوول هيفضلوا يحسسونا بالعجز كده، الله عليكم يارجالة" وتقول ايه القيعي "احلى هتافات ضد الداخليه هتافات الالتراس .. هتافات تشبع".
اما معتز فيقول "نحتفل على اهازيج الالتراس ورقص وغنا للحريه امام الوزاره ومفيش اي ضرب من اي مكان مش عارف ايه الي حصل" اما وائل ابو المجد فيقول "يوم ما مصر تبقي حرة، إفتكروا إن اللي حررها "للمتعلمين و ولاد الناس" هما شباب الالتراس وشباب العشوائيات، ونبطل طبقية" أما احمد عادل فقال "مجموعات الالتراس بتدى درس لمصر كلها يعنى ايه تدافع عن الحريه والمبدأ وسلمولى على القوى السياسيه والاحزاب الوسخه" وتتحدث داليا فوزي عن تقطه مهمه بقولها "احنا مش عارفين نوجه طاقة الشباب دي ، الالتراس دول كلهم حماس انا في حياتي ما شفت كدا، طاقة جبارة"
وتستمر التويتات على موقع التويتر الشهير لتسطر ملحمه يقدمها شباب الالتراس في التحرير والاسماعيليه وبورسعيد وطنطا واسيوط والمنصوره وسط فخر من كل المشاركين في الاحداث بما يقدمه شباب الالتراس من تضحيات تؤكد أن الحريه لها ثمن غالي.












آخر مواضيعي 0 أنا أَيضاً يوجعنى الغياب
0 ﺃﻋﺪُﻙ !
0 ذاكرة الجسد...عابر سرير ...لاحلام مستغانمي
0 أنا وانتي.. حكاية بريئة
0 إنيِّ طرقتُ البابَ ياربّ
رد مع اقتباس
قديم 11-26-2011, 10:14 PM رقم المشاركة : 4
معلومات العضو
نور

الصورة الرمزية نور

إحصائية العضو







نور غير متواجد حالياً

 

افتراضي



هذه الصورة توضح ان الشباب الالتراس او الثوار
رب يهديهم
يلبسون زى الامن المركزى ويحملون الخرطوش
ويطلقون النار على الامن ومحدش يكدب الصورة
واعلن ده وسخر منه كل قادة الثوار الادباء والمفكرين
شئ غريب فاكرين الشعب ساذج
ودلوقتى ينشروا الصور مفتخرين بما حققوا من رعب للشرطة
ياريت تنشروا الصورة دى لاجل الشعب يصدق







آخر مواضيعي 0 أنا أَيضاً يوجعنى الغياب
0 ﺃﻋﺪُﻙ !
0 ذاكرة الجسد...عابر سرير ...لاحلام مستغانمي
0 أنا وانتي.. حكاية بريئة
0 إنيِّ طرقتُ البابَ ياربّ
رد مع اقتباس
قديم 11-27-2011, 12:40 AM رقم المشاركة : 5
معلومات العضو
طارق سرور

الصورة الرمزية طارق سرور

إحصائية العضو







طارق سرور غير متواجد حالياً

 

افتراضي

حسبى الله ونعمة الوكيل فى كل من يسعى للفتن

هذا الشباب لديه طاقة يجب على العقلاء أن يرودوها

وللأسف الشديد أهدروا هذه الطاقة فى تخريب مصر

اللهم إهدى شباب هذه الامة للأتى هى أحسن







آخر مواضيعي 0 خوف
0 اسرار
0 اللهم اجعلنا من المحسنين
0 اعرف مين هى مصر
0 البقلة
رد مع اقتباس
قديم 11-27-2011, 02:29 AM رقم المشاركة : 6
معلومات العضو
marmer

الصورة الرمزية marmer

إحصائية العضو








marmer غير متواجد حالياً

 

افتراضي

دى لعبة كبيرة

لعبوها وبداهوا

بس اللى بيلعب بالنار

هو اول من يحترق بها

والنهاية هتكون فوق دماغهم

ودة احنا مانتمناة لانهم فى النهاية مصريين

ربنا يهدى







آخر مواضيعي 0 حلمي لأيامي الجايه
0 صفات الله الواحد
0 عيش بروح متفائله ونفس مؤمنه
0 إبتهال قصدت باب الرجا
0 كونى انثي
رد مع اقتباس
قديم 11-27-2011, 06:08 PM رقم المشاركة : 7
معلومات العضو
نور

الصورة الرمزية نور

إحصائية العضو







نور غير متواجد حالياً

 

افتراضي

حقيقى ضحك عليهم باسم تحقيق العدالة وتحرير مصر
من عزو العسكرلاجل يحكمون واكيد فهموهم ان الشرطة والجيش يضيعوا مصر
وهما اصلا مخنوقين من الشرطة وتعامل البعض السئ
فكان انتقام وحماس وغضب وتخطيط غير مسبوق
والله ولاد ابطال لكن لو وجهوا صح يكونوا خير لمصر
منهم لله الا تسببوا فى موتهم او اصابتهم والتغرير بهم







آخر مواضيعي 0 أنا أَيضاً يوجعنى الغياب
0 ﺃﻋﺪُﻙ !
0 ذاكرة الجسد...عابر سرير ...لاحلام مستغانمي
0 أنا وانتي.. حكاية بريئة
0 إنيِّ طرقتُ البابَ ياربّ
رد مع اقتباس
إضافة رد

مواقع النشر

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 11:49 PM.


Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Content Relevant URLs by vBSEO 3.6.0 (Unregistered) Trans by

شبكة صدفة

↑ Grab this Headline Animator