العودة   شبكة صدفة > المنتديات العامة > منتدى صدفة العام

منتدى صدفة العام مواضيع عامة, مقتطفات, مواضيع جديدة، معلومات عامه.

إضافة رد
 
أدوات الموضوع
قديم 12-28-2008, 01:36 PM رقم المشاركة : 1
معلومات العضو
أحمد اسماعيل

الصورة الرمزية أحمد اسماعيل

إحصائية العضو







أحمد اسماعيل غير متواجد حالياً

 

Wink ادينى عقلك





هاسألك سؤال..

أنت صح ولا غلط ؟
سؤال بسيط مش كده ؟

مش ساعات بتلاقي الناس حواليك (والديك- أصحابك- شريك حياتك- أصدقاءك....) بيحاولوا ساعات ينصحوك ويقولوا لك رأيهم في حاجات بتعملها في حياتك؟
وأنت منزعج أصلا من الكلام ده, لأن أنت عارف بتعمل إيه ؟
لأنك عارف إنك صح.. مش كده ؟

الناس ازاي مش شايفين إن أنا باتصرف صح؟ وإني لازم أتصرف كده؟
خليني أكرر السؤال :

أنت صح ولا غلط؟؟
سؤال بسيط...
لكن.. هل تعرف إنه أصعب سؤال في الدنيا ؟

أنا صح الصح
زي ما قلنا قبل كده.. إن كل واحد مننا بيحكم على الدنيا من وحي تجاربه وتربيته ونشئته.. كل واحد اتربى وعاش تجارب في الحياة خلته يفكر بالطريقة اللي هو بيفكر بيها دلوقتي.
وهل تعرف.. إن كل واحد فاكر نفسه صح ؟
أيوه.. كل واحد فاكر إن تصرفاته وتفكيره صح.. والناس هي اللي مش بتفهم..
وكل واحد مريحاه دماغه عدم المؤاخذة..

يعني لو لقيت واحد بيقول لك حاجه, عكس اللي أنت شايفها.. هاتعتبره غلط.
أقول لك مثال ؟


بص على الرسمة دي :
(created by Edward H. Adelson)


لو قلت لك إن المربع A له نفس لون المربع B !!!
هاتقول عليّ إيه ؟
المربع A أسود إنما B أبيض.. لو قلت لك عكس كده مش هاتصدقني..
الأسود زي الأبيض يعني ؟؟
مش هاتصدقني لأن ده اللي أنت شايفه بعينيك..
هاتكذب عينيك عشان خاطري يعني ؟
بالعقل كده !!

العقل الباطل..
المخ بتاعنا بيستقبل المعلومات من الدنيا اللي حوالينا عن طريق الحواس الخمس.. وبيخزنها ويحللها.. ويخرج لينا بوجهات نظرنا..
الحواس مش دقيقة, فبالتالي الاستنتاج مش هايكون دقيق هو كمان!

فهل ممكن للعقل.. اللي وصلنا لاستنتاج معين- مهما كان غلط- إنه يعتبر نفسه غلط ؟

مثال:



يعني لو خدت رأي واحد في حاجة.. راح قايل لك رأي غلط.. هل تتوقع منه –في نفس اللحظة- إنه يقول لك : أنا غلط ؟

لا طبعا !
الطبيعي إنك تروح تسأل شخص تاني وتاخد رأيه.. صح ؟
هو ده اللي عايز أقوله..
العقل البشري ماعندوش كل الإجابات..
العقل البشري بيغلط زيه زي أي جهاز في الدنيا.. لأن معلوماته محدودة.. ومشكوك في صحتها كمان !
العقل البشري ممكن يحسسك إن رأيه صح.. بس اوعى تصدقه طووول الوقت..

نرجع لمرجوعنا..
الرسمة اللي فوق دي.. لسه متخيل إن المربع A لونه أغمق من المربعB ؟
طيب تعالى نبص على الرسمة تاني كده..

المربع A له نفس لون المربع B
سجل الصورة عندك وتأكد بأي طريقة تعجبك.
شفت بقى ؟

مخنا يا عيني اتلخبط.. لأنه افترض إن المربع B لازم يكون أبيض عشان محطوط في أرضية تشبه أرضية الشطرنج.. بس هو مغمقّ شوية عشان الضل !
لكنه يا عزيزي نفس اللون..
مخك خدعك يا باشا!

عايز أقول لك إيه ؟
عايز أقول إن العقل بيخون.. مش شرط تكون صح.. لمجرد إنك حاسس إنك صح.. مش شرط تكون صح حتى لو عقلك بيقول لك إنك صح..!!
عايز أقول لك : اسأل دايما واطلب النصيحة..
خد رأي الناس ..


م.ن


حاول تستفيد من آراء اللي بيحاولوا ينصحوك وأنت مطنشهم..
لأن رأيك مش شرط يكون صح.. لمجرد إنك حاسس إنه كده !

لأنك لو فاكر نفسك صح طووول الوقت..
اعرف إن ده مجرد.. خداع بصر !

و خليك فاكر..
احنا بنعيش في الدنيا دي حياة واحدة بس.. حان الوقت إنك تخليها أروع حياة ممكنة..







آخر مواضيعي 0 مباراة الأهلي ووفاق سطيف الجزائري
0 دعاء يوم الجمعة
0 روسيا تسلم محطة تشيرنوبل النووية إلي أوكرانيا
0 دعاء آخر يوم في شعبان
0 فضل الصيام
رد مع اقتباس
قديم 12-28-2008, 03:26 PM رقم المشاركة : 2
معلومات العضو
جنة

الصورة الرمزية جنة

إحصائية العضو







جنة غير متواجد حالياً

 

افتراضي رد: ادينى عقلك



يسلمووو يا كبير على الطرح المميز ده


يسلموووو.. وبارك الله فيييك


دعواتي لك بالخير والتوفيق







آخر مواضيعي 0 صينية الشوارما التركية~بالصور
0 دجاج بالطحينة-بالصور
0 الخبز البلغاري اللذيذ بالصور
0 طريقة عمل المندازي الشهي بالصور
0 طريقة عمل الكتشوري اللذيذ بالصور
رد مع اقتباس
قديم 12-28-2008, 03:50 PM رقم المشاركة : 3
معلومات العضو
ساجده

الصورة الرمزية ساجده

إحصائية العضو








ساجده غير متواجد حالياً

 

افتراضي رد: ادينى عقلك

ما خاب من استشار

احمد المصرى

تسلم اخى على الطرح الجميل

اسعدك ربى







آخر مواضيعي 0 أخلاق الكبار
0 ترويض وتهذيب النفس
0 قل يارب....
0 إلى أين أذهــب ؟؟؟
0 فكرت قبل كده ربنا خلق المخلوقات الشريرة ليه؟
رد مع اقتباس
قديم 12-28-2008, 05:07 PM رقم المشاركة : 4
معلومات العضو
marmer

الصورة الرمزية marmer

إحصائية العضو








marmer غير متواجد حالياً

 

افتراضي رد: ادينى عقلك

شكرا احمد على موضوعك

مجهود رائع







آخر مواضيعي 0 حلمي لأيامي الجايه
0 صفات الله الواحد
0 عيش بروح متفائله ونفس مؤمنه
0 إبتهال قصدت باب الرجا
0 كونى انثي
رد مع اقتباس
قديم 06-21-2009, 02:03 PM رقم المشاركة : 5
معلومات العضو
أحمد اسماعيل

الصورة الرمزية أحمد اسماعيل

إحصائية العضو







أحمد اسماعيل غير متواجد حالياً

 

افتراضي رد: ادينى عقلك



جنة


سلسبيلاااا



مرمرية




يسلمووا على المرور الطيب

دعواتى لكم بالصحة والعافية






آخر مواضيعي 0 مباراة الأهلي ووفاق سطيف الجزائري
0 دعاء يوم الجمعة
0 روسيا تسلم محطة تشيرنوبل النووية إلي أوكرانيا
0 دعاء آخر يوم في شعبان
0 فضل الصيام
رد مع اقتباس
قديم 06-21-2009, 02:38 PM رقم المشاركة : 6
معلومات العضو
اميرة صدفة

الصورة الرمزية اميرة صدفة

إحصائية العضو







اميرة صدفة غير متواجد حالياً

 

افتراضي رد: ادينى عقلك

عايز أقول إن العقل بيخون.. مش شرط تكون صح.. لمجرد إنك حاسس إنك صح.. مش شرط تكون صح حتى لو عقلك بيقول لك إنك صح..!!
عايز أقول لك : اسأل دايما واطلب النصيحة..


اخي احمد المصري
طرح اكثر من رائع
يستحق الشكر
يعطيك العافيه
دمت بخير






آخر مواضيعي 0 ملابــس صيفـية للشباب
0 موت الفجأة.. الرحيل بلا مقدمات
0 تقرير كامل عن حب الشباب
0 كيف نصنع المستقبل للمعاق وذوي الاحتياجات الخاصة
0 برنامج سكاي هاي للمعاقين
رد مع اقتباس
إضافة رد

مواقع النشر

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 10:41 AM.


Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Content Relevant URLs by vBSEO 3.6.0 (Unregistered) Trans by

شبكة صدفة

↑ Grab this Headline Animator