ديوان الشاعر زهير بن مداوس آل حمدان

[لمسة دفء]

خـــــوي الســـــــعد

ابرسل ســـــلامي لأبن عمي عساه يــــــدوم
لنا ذخــــــــر وكل يفتخـــر بأطيب رجـــــــاله

سلام لمسفر ابن عــوضه وحب خشــــــــوم
محــــــبة غلا والله ماأقصـــد بها ريـــــــاله

ســـلام مثيل المـــزن لا هل كـــوم وكـــــوم
يحــول صحـاري الأرض بالعــشب ميــــاله

ســـلام مثيل الشـــهد والطيب واليشمــــــوم
على اللي دروب العـــــز والمجد تحــــــلاله

شغــــوف لفعل الخير نفسه تســــــــوقه دوم
ويــــــرجي ثـــواب مسير الكون بالحــــــاله

ثـــــواب من الله يمنـــعه حــــر ذاك اليــــوم
فلا يمـــنع الأنسان غــــير اطيب اعمــــــاله

الى من نصــــيته تنتــــخي فز لك ويقـــــوم
يقـــــول انت تبشر بالسعـــد والسعد فالـــــه

خــوي السعد لا جار وقتك وجاك همــــــوم
وقــف وقفة ماهي غــــريبه على امثـــــــاله

الى من ذكرت اهل المواقــــيف له مقســـوم
وقســـــــــمه كــــــبير بيـن قل من طــــــاله

صفاته عظيــــمه عاليه من خيار القــــــــوم
خــــذى المرجله والطيب من بوه واخـــواله

سلالة بني حمـــدان ذا تنصر المظلـــــــــوم
ســلالة فخــر والفخـــــر ياحــــظ من نـاله

ولــــدهم لقول الحق قلبه يســـومه ســـــــوم
ومهما حصل يـــثـــبت على مـــــــوقف قاله

عسى من يجــامل بو علي ما يذوق النــــوم
ويبــــقى دوام الــــدوم مشغـــــــول في باله

ترى ما مدحت الا وفي ما مدحت رخـــــوم
ولا يمـــــــدح الــرجال يا كــــود بأفعـــــاله

فعـــول الرجال تبان ولو حجبت بأغيــــــوم
عسى اهل الـردى فدوة هل الطيب وعياله

وياالله يامطلــــــــــــوب يا حي ياقيـــــــــوم
تعـــز الرجال اللي عنا الطـيــب تعنــــاله

وتبــــقى دواما حظها في العلالي يــــــــدوم
رجال تفيــــد المــــدح والعــــز والقـــــاله

شهـــــادة وفاء باقـــــولها لا يجيــــني لـــوم
ومن لا يقــــــــدر فعل الأجـــــواد عـــــزاله

عسى من ربى مسفر اله في الجنان سهـــوم
ومن مــــات يا جعل السعــــــــــاده تهيـــــاله

ومن قال كلــــمة حـــق لا تجعله محـــــروم
من الجــــــــنه اجعلها مقـــره ومنـــــــزاله

[لمسة دفء]

العـــــمر يمـــضي //










العمر يمضي واخر العمـر للمـوتوالموت كـل النـاس لا زم تذوقـه
العمر لـه وقـت محـدد ومثبـوتفـي ساعـة الله جعلهـا صـدوقـه
كل اجله بصفحـة اللـوح منحـوتوالعمـر يمضـي والليالـي تسوقـه
يامنقذ موسى وهـو وسـط تابـوتورده على امه يوم هي لـه شفوقـه
الطف بحال اللي من الهـم مكبـوتيسهر اليـن الصبـح بيـن شروقـه
واقول ياماجد ترى الطيـب ياقـوتفالنفـس دعهـا للمعالـي سبـوقـه
ترى الزمن غدار والغـدر ممقـوتلا تامـن الدنيـا تراهـي سروقـه
فمن عاش في دنياه ضايع ومفلـوتاحسن يموت ويا عسـى الله يحوقـه
ترى العباده قوت ما غيرهـا قـوتتحميك لفحـات السمـوم الحروقـه
لاجاه ينفع ولاغنـي يلبـس بشـوتولافقيـر الحـال فـقـره يعـوقـه
ترى الغني من بالعبـادات منعـوتهذه التجاره الرابحه وسـط سوقـه
وان كنت في الدنيا سعيد ومبخـوتغيرك هموم الدهـر تحتـه وفوقـه
وناظر لمن هو للكرم يبنـي بيـوتاللي الكرم والمرجلـه فـي عروقـه
وجنب بخيل من البخل ما شرى كوتيدفيه من برد سطـى فـي خفوقـه
حتى هله من قهرهم ترفع الصـوتيموت لأجل المـال والمـال شوقـه
لاشك بأن المال هو مقـرب الفـوتويجعل كثير مـن الأمـور محقوقـه
لكنـه مـا يرفـع بخيـل وهلفـوتمـادام نفسـه للمعـالـي سمـوقـه
هذه النصايـح قلتهـا عـدة بيـوتلماجد ابـن زهيـر منـي صدوقـه

[لمسة دفء]

هلا باللي //

هلا باللي الى مني نظرتـه ينشـرح بالـي
عساني ما انحرم من شوفتك ياأعز ما اشوفه
هلابك يا هلا باللي الى مـن وقـف قبالـي
تغانمت الزمن اللي تهيالـه مـن ظروفـه
هلا بك قلتها نشوة فرح يا الطيـب الغالـي
الى شفتك تحديت البشر والوقت وصدوفـه
هلابـك تقهـر الأنـذال عذالـك وعذالـي
تموت بحسرة من كبرها للنـاس مكشوفـه
هلابك كلما تقبل علـي تمشـي وتختالـي
يضيع الهرج بالساني من الفرحه بها نشوفه
عساني كلما اصحى من منامي يابعد حالـي
تكون اقرب من عيوني شوي وارتاح لولوفه
عسى الدنيا بدونك يعترضها كـل زلزالـي
يدمرهـا ويجعلهـا خرابـه غيرمعروفـه
ابيك ولا ابي غيـرك ابـد لاأول ولاتالـي
غيابك صعب لاوالله هلاك لـروح ملهوفـه
ابي كل المشاعر تحتويني حيـل بالحالـي
ابي لمسة حنان وشوق تأتيني مـن كفوفـه
ابي حب ينسيني الشقـى ويحقـق امالـي
وانا والله لا أخلي القلب لك واسكنك جوفـه
ابيك تحس فيني دوم في حلـي وترحالـي
ابيك تردد ابيات الشعر بألحـان معزوفـه
نبي ننسى العنا والكون كله ينقلـب حالـي
تقهوينـي فناجيـل الهنـا ودلال مصفوفـه
ابي عهد يخلـي حبنـا بالمنـزل العالـي
تراعيني واراعي خاطرك والنفس مشغوفه
احبك والغلا زايـد هـواك يبهـر ادلالـي
طلبتك لا تخلي صاحبك يعيش فـي خوفـه
ترى الفرقى عذاب العاشقين والحب قتالـي
الى من صار من تطلب لقاه يشح بالشوفـه

[لمسة دفء]

ارض شمــــــــران //

سلام تسليـم الوفـاء لأرض شمـرانارض ربوا فيهـا الرجـال الأصيلـه
ارض الوفاء من سابق الوقـت لـلأنرجالهـم حمـل المراجـل يشيـلـه
ما عـاش فيهـا الا وفييـن شجعـانعدوهم فـي الحـرب ياويـل ويلـه
ابشـر بعـزك كـل ماثـار دخـانيـوم كـل يختلـص مــن قبيـلـه
دائم على الناموس فـي كـل ميـدانوتشوم عـن درب الدنـى والفشيلـه
والا مع الوافيـن يجلـون الأحـزانوارق وانعـم مـن نسانيـس ليـلـه
هـذه فعايلهـم علـى مـر الأزمـانيـاالله عساهـا دوم كسـب الجميلـه
اللابـه اللـي مجدهـم للمـلاء بـانما يجحـده غيـر الـردي والهبيلـه
من دون نقص في القبائل والأوطـانربعـي لهـم عنـدي مكانـه جليلـه
مني لهـم تسليـم واجـب وعرفـانالمحـزم الـلـي كلـنـا نلتجيـلـه
واثني سلامي لأبـن عمـي كحيـلاناللـي المـراجـل كلـهـا تنثنيـلـه
هذاك بن عوضه فخـر لال حمـدانبعيـون بـو ماجـد يسـاوي قبيلـه
علي علي لـو يذكـر فـلان وفـلانفعلـه تعـدى النايـفـات الطويـلـه
له في دروب الطيب والعـز عنـوانعوضه زرع فيـه الخصـال النبيلـه
لاهـولاغـدار ولاهــو خـــوانالصدق لـه غايـه ولا هـو وسيلـه
احـب فيـه المرجلـه ذرب الأيمـانوافي ولأجـل الطيـب ماكـل حيلـه
والطيب هو من يجعل الرجل له شـانيرفع مقام الرجـل عـن كـل ميلـه
افخر بمثله جعـل يفـداه مـن كـاناللـي فعولـه لأجـل ربعـه قليـلـه
علي كريم الأصل مـن عهـد جـداناسـرة وفـا دائـم تحـب الطويلـه
لهـا مـع العليـا مواثيـق خــلانخـل يحـرم يبتعـد عـن خليـلـه
مهما يشين الوقـت يبقـون صدقـانجيـل يورثهـا لمـن بعـد جيـلـه
وانا علـى مـدح المطاليـق شفقـانالكفـو يجبرنـي علـى مدحتـي لـه
يالايمي في مـدح الأجـواد غلطـانالمـدح للوافيـن قــدر وجميـلـه
وان كان من مدحي زعل حضرة افلانخلـوه يزعـل ويتـزايـد غليـلـه

[لمسة دفء]

الفـــــــراق ///

قلـي متـى ياصاحبـي بأنتـواجـه
عسى الفراق يموت مابين الأصحاب
وتبقى دوام الـدوم قضـاي حاجـه
لي دون كل الناس ابعـاد واقـراب
يا بلسـم الجـرح العليـل وعلاجـه
متى على الله يجتمع شمل الأحبـاب
واشرب زلال الماي واترك هماجـه
من كف من هـو للمعاليـق نهـاب
يا عاذ ليـن القلـب وش ذللجاجـه
عهد الوفاء بيني وبينه وانـا شـاب
واليوم قلبـي زايـد الشـوق لاجـه
عشقت لأجله كل ذلكـون بأعجـاب
الصاحب اللي مـا تعكـر مزاجـه
حتى لو انه من عنى الوقت منصاب
يفـرح لفرحـي ويتعقـد حجـاجـه
لا شاف بيبان الفرح صك لـه بـاب
وانـا ابتهاجـي مقتـرن بأبتهاجـه
والى زعل حتى هلي عندي اغـراب
ويصبح فضاء جوي عجاج بعجاجـه
حتى لو انه صافي مـا بـه اتـراب
وتصبـح حياتـي كلبوهـا سماجـه
لا طعم فيها ولا بهـا شـي جـذاب
ان زان وقتك لازم ان لـه عواجـه
احيان طيب واغلب الوقت ما طـاب
دنياي ليـل ونـور ليلـي سراجـه
ونور القمر ما به حسوفه ليـا غـاب
جمـال هـذا الكـون لبسـه تاجـه
عز الله انه يستحـق كـل الألقـاب
الـى نطـق ينطـق بليـا هماجـه
كلمة هلا بك لو سمعها الحجـر ذاب
وراعي المحبه ما درى وش خراجه
يرمي حياتـه بالمخاطـر ولا هـاب
فتكفى يابو راكـان ويـن الملاجـه
من حر فرقى من ذبحني بلا اسبـاب
كني من الفرقى على حـر صاجـه
اللي من اول ما حسبنا لها احسـاب
نشجـب ونستنكـر وزود احتجاجـه
شجب العرب لأستنكرت ظلم الأجناب
فيـا رب فرجهـا علـي بأنفراجـه
وعلى المحبه يجتمع شمل الأحبـاب

[لمسة دفء]

يا ســــــــعود //

قابلتـــــها ياسعــــــــود من غيــــــر ميعــــــــاد
وبعـض الصــــدف اعـــظم من الــوعــد ووعـــــود

قابلتـــــها من عقــــــــب مـــــــده وانا صـــــــاد
من شفتـــــــها كأن الفضــــــــــا كــــــــله ورود

حــــــاولت اكلمــــــــــــها ولكن ما فــــــــــــــاد
خــــــايف عليــــــها من غـــلط كل مقـــــــــــرود

والله لولا الخـــــــــــــــوف من كل نقـــــــــــــــاد
لاأظمــــــها ياسعــــــود والعــــــــــالم شهـــــود

من شفتــــها يا سعود والشــــــــــوق يــــــــزداد
عــــــــــرفتها من بين ميســـــــون ونجــــــــــود

عـــــــرفتها من حسنــــها بنــــــت الأجــــــــــواد
قـــــد ودلال وجســـم وعيــــــــــــون وخــــــدود

عـــــــرفتها من ريحة الطيـــــــــب بأوكــــــــــاد
متميــــــزه في ريــــحة الطيـــــب والعــــــــــــود

جمــــــالها ســـــــــايد على كل الأسيــــــــــــــاد
الله رفعــــــها فــــــــــوق عن كل منقــــــــــــود

خــــــــــــدودها كأن الجمـــــــــــر فيه وقـــــــاد
تسحــــر قلــــــــوب الناس بعيــــونها الســــــــود

والشعـــــر من طــــــوله على المتــــــــــــــن وراد
لو تنثـــــــره غــــــــطى الجســـــد كـــــــله وزود

والى مشــــــت في مشيـــــها كبــــــر وعنـــــــاد
ومن حقـــــــها مـــا دام فيها الحــــــــــــــــلا زود

يا سعــــــــود شـــــوفي لأريش العيـــن ميــــــلاد
في غيبـــــــــــته ميـــــــت ولقيـــــــــاه مــــولود

يا سعــــــــود لو قضـيـــت عمــــــري تنشــــــــاد
مثــــــله فلا والله بهالكـــــــــــون مـــــــوجـــــود

لاعــــــاد يــــوم حـــــــــدني عنــه لاعـــــــــــــاد
دنيــــــــــــاي دونه كلــــــها هــم وأنكــــــــــود

وشعـــــــاد لو ضحيـــــت بالعمــــــروشعـــــــــا د
لأجـــــله يهـــون الحــــــال والعمـــرياسعــــــــود

رجلي لســــــــــوق شفتــــــــــها فيه تنقـــــــــاد
سبـــــــحان ربي كيــــف تنقــــــاد له قــــــــــود

يا سعود قـــــــربه كله اعيــــــــــاد بأعيـــــــــاد
وفي غيبــــــته كأني على الحـــــــزن محـــــدود

وبحضـــــــــرته تحيا المشـــــــــاعر وتــــــــــزداد
وفي غيبـــــــته تـــــذبل وتصبـــــح بلا فـــــــــود

يجيــــــــــــره الله من حســـــــــد كل حســـــــــاد
هـــــذا زمـــــــان فيه حــاســـــــــد ومحســـــــود

ولعل ذاك اليـــــــوم ياسعــــــــــــود ينعــــــــــاد
والحاســــــــدين تمــــــــــوت بعيـــــونها عـــــود

[لمسة دفء]

قصــــــدة زعــــــيم الشــــعر //

وجـــودي وجـــــود اللي بالأسهم خســر مــــاله
وبيـــــته غـــدى بالســــوق واصبــح بليا بيــــت

وجــــودي وجــــــود اللي قضى العمــر بالحــاله
بليــا ونيـــــــس يقــاســي الهــــم والتشـتــيــــت

وجـــود الذي جـــور الـــــزمن شتــت عيــــــاله
وممـــا جـــــراله يقضـــي العمــر بالتـنهـــيــــت

وجــود اليتـــــــيم اللي شـــذى العطــف مانـــاله
مع العمـــــه اللي كلــــها ظـلــم ظــلــم مقيـــــت

وجـــود العلـــيل اللي من الضيـــــم يـــــــرثــاله
فقــــد نعمـــــة الصـــــحه ورجــــــواه ليت وليت

على اللي بنـــى له ذكـــر والــــذكر ماطــــــــاله
قليـــل المعـــرفه ما يقــارن بــراعي الصـــيـــت

على اللي بنــى في قمـــة المجــــــد منـــــــزاله
بنـــى له مكـــانه ما وصلها جـــــزا ومقـــيـــــت

جعل للشعـــر معنــــى ومعنــــــاه بأقــــــــــواله
محمـــــد ابن ظــــــافر ولو قلـــت ما وفـــيـــــت

ســــلامي عليه اعــــــــداد ماهــــــل همــــــاله
واعـــداد حج البيـــت ومن اعتمـــر بالبيـــــــت

ســــــلام يغــــطي الكـــــون والطيــــــبه فـــاله
ســـــلام اقـــــوله كل ما اصبــحت والا امسيت

الا يا زعيـــــــم الشعـــــر والشعـــر ما قــــاله
مثيــــلك يابو ســــامي من الحــي والا الميـــت

فقــــدنا روائع شعــــرك الجـــــــــزل وامثـــاله
وعشـــنا زمــــان صــار فيه الشعــر تنكيـــــت

اذا صـــــعـب قــاف الشعـــــــرما طاوع الا لـه
يسخــــر بيــــــــوت الشعـر بالفن بيــت وبيـــت

فكم شــــــاعــــر لا قـــابلك قصــــــرت حبـــاله
الى من فتـــل تنــقض والى من نقــض رديـــت

وكم شاعــــر يخشـــــى مقابــــلك واشــــــواله
الى حمــي ســــوق الشعــــر هو كل ما كليـــت

يعــــاف القصيـــد ويتـــرك الشعـر لأبطـــــــاله
مثيـل ابن ظافـــر يابشـــر بالشعــــر ما ريــــت

عـرفنـــاك شـــــاعــر قيف والشعــــرلرجـــاله
لســــان القبيــــــله يامحمــــــد الى غـنيــــــــت

فيــــــــاالله يااللي كل مخلـــــــوق يــــلجــــــاله
تــــــرجع عميـــد الشعــروالمعـرفه والصيـــت

[لمسة دفء]

قصـــيـــدة نـــــوره //

حبيـــــــت نـــــوره وهي من اسمـــها نـــوره
حبيــــــتها والغــــلا ينعشــــــني انعـــــــاشي

اســـم يخليــك تهــــوى الأصــــل والصــوره
واســــم يكـــــرهك حتى نـــور الأفـــــــلاشي

يافــــاتنه ياغنــــــاة القلــــــــب وســــــروره
يابـانيــــه في الحشـــا منـــزال واعشـــــاشي

القلــــب يشتــــــاق لك والنفـــس مجبـــــوره
شــــوق يخــــلي العــواطف تنـــدفع كـــاشي

اشتـــــــاق لك شــــوق فنـــــان لجمهـــــوره
والا فقـــــير حصـــــله كنـــز على المـــاشي

شـــــوق بوســــط الضمـــائر لاعـــب دوره
ادمنـــــت حبـــــك كــــذا ادمــــان حشـــاشي

شـــــوق يغـــطي الفضاء والبـــر وبحـــوره
وخليـــــت رمش العيـــــون الحاف وفـراشي

ما اشـــــوف غيـــر انت يا طـــبي ودكتـــوره
شـــــوفتك تشــــــفي العلــيل اللي بالأنعــاشي

ان غبــــت عنــي زمــــــاني بين شــــــروره
وان جيـــــت كل العـــــواطف سيــلها نــاشي

حبـــك تمــلك فـــــؤادي واعلــن الثــــــــوره
وسلمــــت قلـبــــي لمن يهــــواه ببــــــــلاشي

يامـــــالك حســـن هذا الكـــــون وشعــــوره
حــــــورية ما نظـــــرها كل طــــــــــــراشي

ما شفــــت مثـــله ولا بالكـــــــون مذكــوره
والقلــــب من طيـــــبته ابيــض من الشــاشي

الصــــاحب اللي الى من جيــــــــت بأزوره
حــــوشت كل القصيــــــد العــــذب حــواشي

واكــــرر احلا القصيـــد واكـــرر سطــوره
حتى يحــــرم يصــــــدق فيــــني الــــــواشي

واسمـــعه شعـــــري اللي يـــرضي غــروره
والشعـــر لو ما تغــــــزل فيه ما عــــــــاشي

لو ما اكتــب الشعــــر فيه يبـيـن قصــــــوره
اللي زرع في فـــــؤادي الشـــــوق من لاشي

حـــبي لمن اسمـــها نـــــوره وهي نــــــوره
حب يخــــــلي العــواطف جــوع وعطــاشي

[لمسة دفء]

قصيــــدة جمــــــــل الله //








هذه القصيده قالها الشاعر زهير بن مداوس بن حمدان الشمراني في الأخ العزيز مصلح بن محمد بن

محمود الشمراني



جمـــــل الله حـــــال دنيــــاي والمال القلــــــيل
عــــــرفتني صــــادق النـــــــــــاس من كذابها

جمـــــل الله حــالها لو بــــــــذلت المستحيــــــل
ما عــرفت اللي عـــــــــرفــته بـدون اسبــــابها

بيـــنت لي فـــــــزعة ما بيفــــــــزعها الذلــــيل
فــــزعة اللي لا نخيــــته بســــــــــرعه جـــابها

بو محمــد ينشــد الطــيــب ما يـــرضى البـــــديل
والعلـــوم الهـــافـــــــــيه دوم ما يـــرضــــــابها

ان نصيـــــــــته وقت الأصبــــــــاح والا وقت ليل
البشــــــــاشــه في محيـــاه يسعـــــــــدنا بـها

دايما للحـــــق يســـــــعى ولا يمـــكن يميـــــــل
ما يـــــرده قــــــول الأنــــــــذال والا عتـــــابها

للجمـــــــاله يتـــعب النفس ويشيــــل الثقــــــــل
ما تقيصــــر دون حــــــــــــاجه وهو طــــــلابها

الصـــــديق الصـــــــادق الشــهم ما مثله مثيــــل
يا عسى أيـــامه عـــــدادالسنــــين حســـــابها

خـــــــوته تاج على الــــــــراس والله الجليــــــل
ما يفـــــــرقنا بها الكـــــــون كـود تــــــــرابها

الــــرجال افعــــــال يا مــدور العلم الجميـــــــل
مثل ما قــالوا تــــرى النـــــــــار من شبــــابها

ذكـــر راعي الطيـب يتــوارثونه جـــــيل جيــــل
حي من هو للمــــــــــــراجل يشــــــــــرع بابها

الكــــــــرم هو غايــــته والفشـــــــــاله للبخيل
كيف بعض الناس تــــــــرضى الفشل لأشنــابها

البخيـــــل لو كـــثر مــــاله فلا منه حصيــــــــل
والكــريم المال لأقصى البشــــــــر واقــــرابها

يازمـــان ضــــاع فيه الـوفاء واصبح قليـــــــل
والله انه صــــار كنه غـــــــــــريب اغـــــــرابها

يازمـــان يــــرفع اللاش ويهيـــــــــن الأصيـــــل
والقلـــــــــــوب اللي بها الحقــد ويش ابغـــابها

شــــــلة في دمها الخبـــث والقلــب العليــــــــل
ما تجـــمــل في المــــــــــواقف ولا يغــــــزابها

من يــــــدور فـــــــــزعة اللاش لاش والا هبيــــل
الــــــردي واللاش خســـــــران من يهقـــــــابها

ليت لي في وجه راعي الــوفاء وسم ودليـــــل
كان جنبنا وجيــــه الـــــــــــردى واصحــــابها

[لمسة دفء]

يا الله يا اللــي كل مخلـــــــوق راجـــــــــيه
الـــواحــــــد اللي ما تعـــــــــدد حســــانيه

الــــــواحداللي يعـــــــلم الســـــر والغــيب
اللي مقــــاديـــــــــر الخـــــلايق بيـــــاديه

الـــرازق الــــوهاب جــــــــزل العطــــايا
المعتــــــــــلي بالكــــــــون كل يــــراعيه

فــــرج على قلـــــب به الحـــزن ساكــــن
اربع سنــــين وزايــــــد الحــزن طـــــاويه

ان راح حـــــزن يبتــــدي غيــره احـــزان
يا الله عسى نجـــــني الفـرج في تــــــواليه

ما بين حيــــن وحيــــــن نفقــــد فقيــــــده
هــــــذا الـــزمن يا جــــــــاهل في بلا ويه

يا ما خــــذى عــــــراف واصحاب واقراب
درب كـــــــــتبه الله والكل ما شـــــــــــيه

ما نعتــــرض في حـــــكم رب الجــــــلاله
الله خلقـنا نــــــــــرتضي كل ما فيـــــــــه

لكن حــــــزن القلـــــب ما هـــو بيـــــــدنا
الرجل يحـــزن لا فقــــــد شــوف غالـــــيه

وحنا فقــــدنا اخيــار واخيـــــــار واخيــــار
عــــــــلام ما تخـــــفى لقاصي ودانيــــــــه

العــــم خــــالد راعي الشــــور والجـــــود
والحكـــــمه اللي تعشــــــقه ما تجــــــــافيه

حكيــــم هذا العصــــر عنــده فــــــــــراسه
يميــــز الـــــرجال قبل ان يحــــــــــــــاكيه

عميـــــدنا نفخـــــر بمثــــله وشـــــــــرواه
بمـــــوت بو صـــــــالح غشـــتنا مآ ســـــيه

فيا الله يا اللــــي كلنا نطــــلب رضــــــــاه
في جـــــنة الفـــردوس ترسي مــــــــراسيه

والشيــــخ مسفـــــر من ســــلالة مشــــايخ
قليــــل من هو بالمــــــــراجل يجـــــــاريه

شيـــخ الى ذكـــــروا شيـــــوخ القبـــــــائل
ابو سعـــيـــــد معــــروف بأول وتالـــــــيه

من راس قــــوم في المــــلاقى لهم شـــــان
خصيمـــهم من صــــــــالي الغبــــن كاويه

فيا الله يا اللي فارض الحـــج والصــــــوم
بجنـــــــتك والعفـــــــــو يا رب جــــــازيه

والا سعـــــــد راعي الــوفاء والجمــــــايل
مخلوق فيه الطيب والمـــــدح شـــــــــاريه

ان ذكــروا العـــراف فتــــــــالة الشـــــور
سعــد يـــــــدير الشـور بأول مبــــــــــاديه

حبي لبو مسفــر يفـــــــــوق القصــــــــايد
لأن القصــــايد ما تــــــــــــوفيه ما فيـــــه

فيا الله ياللــــي مكتــــــفل بالمخـــــاليــق
تكتــــــب له الجــــنه وتـــرفع مبـــــــانيه

والا قطــــــــــاعه ابن مسفـــــر فقـــــدناه
اللي الوفاء والطيـــــب والعدل حــــــاويه

يســـــعى ما بيـــن النــاس بالصـــلح دائم
للـــحق يســـــعـى لو مع من يعـــــــــاديه

حبه لــــربعه ما يــــوصف بالأوصـــــاف
عنده سوى والطيـــــب يبقى لــــــــراعيه

برحمتك يارب تكـــــــتب له الأجــــــــر
ومن العقـــوبه يا الله انك تكــــــــــــافيه

ولا أنسى الحبيب اللي الى من تضايقــت
صـــوته يســــلي القلب مما يعــــــــانيه

هــــذاك ابو صالح بشــــوش المـحــــيا
والله ثم والله مــــــاني بنـــاســــــــــيه

عبــــد الله اللي كل عليــــا وصـــــــلها
فخـــر ال لهبي وكلنا نفتخـــــــــــر فيه

بيته على طــول الـــــزمن دوم مفتوح
للضيف والأصحــــاب والكل يأتـــــيه

لا تحــــــرمه من جنـــــتك والمثـــوبه
يا الله ياالله ان تنــــــور ليـــاليــــــــه

وابو محمــــــد من خيــــــار القبيــــله
ان غاب بن جروان ما غاب طــــــاريه

من بيت عــــز وزايــــد العــز خــــــا له
رجله على طيب المــراجل تمـــــــــاشيه

يا ما ســــعى بالطيب من اجل الأصلاح
والله دائم ما يخــــيب مســـــــــــــاعيه

هــــذا وانا عــــرفي معه عـــــــدة ايام
.يا حظ من قضى حيـــاته مخـــــــــاويه

فيا الله يااللــــــــي رحمــــتك ما لها حد
اللي هقـــابك لا تخـــــــيب هقــــــــاويه

وابو سعيد اللي الـــــوفاء من صفــــــاته
شيخ ال منجـــيه تشــــرف خطـــــــاويه

نســــــألك يا معبــــود يا عالي الشـــــان
تكـــتب له الجــــــــنه وتمحي مســـا ويه

ولعل بن مــــزهود في الخــــلد مثــــواه
في جـــنة اللي ما تنكـــر لــدا عــــــــيه

ابو ســـــعد الله يحســـن ثــــــــــــــوا به
في حنـــتك با مـــــا لك المـــــــلك تأ ويه

واغفـــــر لمن جـــــاه الأجل في شبـا به
واثر على القاصـــــين واللي حــــــواليه

ومن ســـــألني قلت قصـــــدي ابراهيم
اللي بمـــوته حــزن قلــــــبي يصــــاليه

لو ما اذكره يطــــري علي ساعة الشعر
لأنه يحــب الشعــر يفــــــــهم معــــانيه

وبن عــــــويض لو كتــــبت القصــــايد
ما تنصـف اللي ملبس العــــــــز كا سيه

عايض الى منا ذكــــــــــــرنا المطاليق
.له عنـــدنا منـــــزال عالي مبـــــــانيه

فقــــــدي لراعي الطــــيب اكبر مصيبه
واكبــر مصيــــــــبه فقــد غالي لغـــاليه

لو باتنــــــاسى ما قــــــــــدرت اتناساه
وان غاب عني ماتنا ســـيت ما ضـــــيه

فيا الله يا اللــــي ما سجــــدنا لغيــــره
ان تــــرحم اللي سلم امــره لـــــــواليه

واحــسن عـــزانا كلنا والعـوض خــير
واللي نســـيته ما تعمـــــــدت نا ســــيه

هـــــذه سبــــايب حـــزن من حب ربعه
اللي غـــلاهم بان بأغــلب قــــــوافـــيه

احبــــــهم من دون شـــك ولا ريــــــب
ومن لا يقـــــــدر لا بـــته ما نمـــــاشيه

ربعي لهم في صفـــــحة العـــــز را يه
بين القبـــائل عـــــــزهم في آعـــــاليه

من لا مني في حب شمــــــران مجنون
حبيلــــهم من سابق الـــوقت شـــــاريه

ربعـــي لهم بين القبـــــــائل مهــــا به
رجالـــهم في الحرب با نت مـــــواريه

من دون نقص في جمــــــــــيع القبائل
كل على ما قيـــل يفخــــر بما ضــــيه

هـــذا كـــلام لأبن حمـــــدان قــــــاله
في اللي رحــل واللي تشــرف مبــاديه

والشــــاعر اللي ما مـــــدح فعل ربعه
عز الله ان الطـــيب والعــــزخاطـــيه

وانا وشعـــري فــــدوة لأسم شمـــران
اسم يشــــرف من تعــزوى بـــــراعيه

والشعــــــــر لو ما كان في مدح ربعي
لا خيــــــر فيَ ولا بشعــــــــــر الآليه